ផ្លែផ្កា៤យ៉ាងរបស់គណិតវិទ្យា ដែលជួយដល់ជីវិតប្រចាំថ្ងៃរបស់អ្នក
សិស្សមួយចំនួនមិនសូវជាចូលចិត្តរៀនគណិតវិទ្យាទេ ព្រោះវាមានរូបមន្តនិងការគណនាលេខយ៉ាងស្មុគស្មាញ។ តែអ្នកមិន ដឹងឡើយ ថាបើអ្នកចេះវា អ្នកអាចយកវាមកប្រើប្រាស់ក្នុងជីវភាពប្រចាំថ្ងៃបានយ៉ាងច្រើន។ ក្នុងនោះមាន៖
១) គណិតវិទ្យាជួយអ្នកពេលដើរ ផ្សារ៖ ជាការពិតណាស់ ទីផ្សារគឺជាកន្លែងមួយដែលអ្នកតែងតែប្រើប្រាស់គណិតវិទ្យាច្រើនជាងគេ។ ពេលអ្នកទិញដូររបស់របរ បើអ្នកមិនចេះគិតលេខ បូកដក គុណចែក ឲ្យទាន់ពេលវេលា និងត្រឹមត្រូវទេនោះ អ្នកអាចច្រឡំលុយ ជាពិសេសអ្នកលក់អាចបោកអ្នកបានយ៉ាងងាយ។
២) គណិតវិទ្យាជួយអ្នក សន្សំលុយបាន៖ ហេតុអ្វីវាបង្រៀនអ្នកឲ្យចេះសន្សំលុយបាន? អ្នកជំនាញបាននិយាយថា បើអ្នកមិនមានជំនាញពូកែក្នុងការគិតលេខ ទេនោះ អ្នកមិនអាច យកលុយបណ្ដាក់ទុន សន្សំ ឬក៏ចាយបានស្រួលឡើយ ព្រោះថា អ្នក ចាយប៉ុន្មាន ទុកប៉ុន្មាន គឺសុទ្ធតែគណនាលេខឲ្យបានត្រឹមត្រូវទាំងអស់។
៣) គណិតវិទ្យាជួយឲ្យអ្នកចេះរៀបចំពេលវេលា៖ពេលវេលា គឺជាទ្រព្យដ៏មានតម្លៃក្នុងជីវិតរបស់មនុស្សម្នាក់ៗ ហើយបើអ្នកមិនអាចបែងចែក និង គ្រប់គ្រងពេលវេលាឲ្យបានល្អទេ នោះជីវិតនឹងខ្ជះខ្ជាយជាមួយនឹងរឿងមិនបានការ។ ប៉ុន្តែការរៀបចំពេលវេលាដ៏មានប្រសិទ្ធភាព គឺមិនអាចកើតឡើងបានឡើយ ប្រសិនបើអ្នកមិនអាចរៀបចំផែនការ និង គិតបែងចែងឲ្យបានច្បាស់។ អ៊ីចឹងហើយ គណិតវិទ្យាអាចជួយអ្នកត្រង់ចំណុចនេះបាន។
៤) គណិតវិទ្យាជួយឲ្យអ្នកសាងសង់សំណង់ផ្សេងៗបាន៖ ដើម្បីសាងសង់សំណង់ប្រកបទៅដោយ គុណភាពវាទាមទាឲ្យអ្នកចេះគណនាយ៉ាងច្បាស់លាស់ ព្រោះបើមិនដូច្នោះទេ ការសងសង់នោះ នឹងមិនត្រូវ ឬ មិនដូចអ្វីដែលចង់បាននោះឡើយ។
ប្រែសម្រួល៖ ព្រំ សុវណ្ណកណ្ណិកា ប្រភព៖ thinkthroughmath
