ពិតឬមិនពិតដែល អ្នកវិទ្យាសាស្រ្ដ ថា «ស្រ្ដីល្អជាងបុរសដាច់»
មានមតិជាច្រើនលើកឡើងថា បុរសល្អជាងស្រ្ដី តែមតិប្រឆាំងខ្លះទៀតក៏បង្ហាញថា ស្រ្ដីល្អជាងបុរសវិញ។ តែខាងក្រោមនេះអ្នក នឹងបានដឹងថា តើអ្នកវិទ្យាសាស្ត្រនិងការសិក្សានានា បានបង្ហាញអ្វីខ្លះ ដែលថាស្រ្ដីល្អជាងបុរស?
១) ស្រ្ដីឆ្លាតជាងបុរស៖ យោងតាមអ្នកជំនាញផ្នែក IQ បានឲ្យដឹងថា ៖ «ស្រ្ដីទទួលបានពិន្ទុខ្ពស់ជាងបុរសៗ នៅពេលពួកគេធ្វើ IQ Test ។ វាកើតមានឡើង ក្នុងប្រទេស អាមេរិក ទ្វីបអឺរ៉ុប កាណាដា និង នូវែលហ្សេឡង់ផងដែរ»។
២) ស្រ្ដីពូកែទិញរបស់របរជាងបុរស៖ សាស្ត្រាចារ្យផ្នែកចិត្តវិទ្យាលោក Diane Halpern បានបញ្ជាក់ថា៖ « ស្រ្ដីគឺពូកែចរចាគ្នាណាស់ បើសិនជានាងចង់បានអ្វីនាង នឹងនិយាយបញ្ចុះបញ្ចូលអ្នកលក់ទាល់តែបានតម្លៃពិសេស»។
៣) ស្រ្ដីអនាម័យជាងបុរស៖ តាមការសិក្សានៅសាកលវិទ្យាល័យ San Diego បានឲ្យដឹងថា៖ «តុការិយាល័យបុរសៗ គឺមានមេរោគច្រើនជាងតុនារីៗ »។
៤) ស្រ្ដីពូកែចំណាំជាងបុរស៖ ការសិក្សានៃសាកលវិទ្យាល័យ Aston នៅប្រទេសអង់គ្លេសបានបង្ហាញថា៖ «ស្រ្ដីៗ អាចចំណាំបាន ពី១៥ ទៅ២៤ម៉ោង បន្ទាប់ពីរៀនអ្វីមួយ »។
៥) ស្រ្ដីគ្រប់គ្រងបញ្ហាស្ដ្រេសបានល្អជាងបុរស៖ ការស្រាវជ្រាវ នៅសាកលវិទ្យាល័យ Western Ontario បានបង្ហាញថា ៖ «មនុស្សស្រីពូកែសម្រួលអារម្មណ៍ស្រ្ដេសរបស់ខ្លួន ពេលសម្ភាសន៍ការងារបានល្អជាងបុរសៗ ដោយសារស្រ្ដី អាចមានលទ្ធភាពធ្វើអារម្មណ៍ឲ្យត្រជាក់បានលឿនជាងបុរស»។
៦) ស្ដ្រីអាចធ្វើការច្រើនក្នុងពេលតែមួយ បានល្អជាងបុរស៖ ស្រ្ដីអាចគ្រប់គ្រងខ្លួនឯងបានល្អ ពេលធ្វើការច្រើន ក្នុងពេលតែមួយ។ ហេតុនេះហើយ ទើបលើលោកនេះគ្មានបុរសណាដែលអាចចម្អិនអាហារបណ្ដើរ លាងដបទឹកដោះកូន ហើយមើលកូនបណ្ដើរបាន។
៧) ស្រ្ដីដឹកនាំល្អជាងបុរស៖ The International Journal of Business Governance and Ethics បានឲ្យដឹងថា៖ «ក្រុមហ៊ុនដែលដឹកនាំ ដោយស្រ្ដីគឺជោគជ័យជាង ថៅកែប្រុស ដោយសារតែស្រ្ដីមិនចេះលំអៀង មានក្ដីមេត្តាករុណា ហើយគួរឲ្យទុកចិត្តជាងបុរស»។
៨) សិស្សស្រីរៀនបានពូកែជាងសិស្សប្រុស៖ ការសិក្សានៅសាកលវិទ្យាល័យ ២គឺ University of Georgia និង Columbia University បានឲ្យដឹងថា៖ « សិស្សស្រីពូកែស្រូបយកចំណេះដឹងជាងសិស្សប្រុស។ ហើយភាគច្រើន សិស្សប្រុសបានបោះបង់ចោលការសិក្សានៅថ្នាក់មហាវិទ្យាល័យច្រើន»។
៩) ស្ដ្រីគ្រប់គ្រងរឿងលុយល្អជាងបុរស៖ ស្រ្ដីគឺពូកែទុកដាក់លុយកាក់ណាស់ ហើយមួយវិញទៀត អ្នកស្រាវជ្រាវបានបង្ហាញថាំ ស្រីៗ បណ្ដាក់ទុនហើយទទួលបានប្រាក់ចំណេញបានច្រើនជាងបុរសៗទៀត។
១០) ស្រ្ដីរស់បានយូរជាងបុរស៖ តើអ្នកដឹងទេ ថា ស្ដ្រី អាចរស់នៅ បានយូរជាងបុរស ដល់ទៅ៥ឆ្នាំឯណោះគិតជាមធ្យម?
ប្រែសម្រួល៖ ព្រំ សុវណ្ណកណ្ណិកា
ប្រភព៖ thoughtcatalog
