អនុវត្តចំណុចទាំង ៤យ៉ាងនេះ ដើម្បីជំរុញការលក់ឱ្យកើនឡើងភ្លាមៗ
អ្នកសប្បាយចិត្តប្រាកដគឺនៅពេលដែលទំនិញរបស់អ្នកលក់ដាច់ មែនទេ? ប៉ុន្តែ លទ្ធផលនៃការលក់របស់អ្នកមិនអាចទទួលបានជាទីគាប់ចិត្តជារៀងរហូតនោះទេ ពេលខ្លះទៅមុខរលូន តែពេលខ្លះក៏រអាក់រអួលដែរ។ ដោយគ្រាន់តែធ្វើការផ្លាស់ប្តូរចំណុចតូចៗខាងក្រោមនេះ អ្នកនឹងទទួលបានលទ្ធផលគួរជាទីពេញចិត្ត៖
១) ត្រួតពិនិត្យការកត់ត្រានូវអ្វីដែលអ្នកគួរធ្វើឡើងវិញ៖ អ្នកប្រហែលជាមិនធ្លាប់ជឿនូវហេតុផលមួយនេះទេ។ ទោះបីជាមានការកត់ត្រានូវអ្វីដែលអ្នកគួរធ្វើគឺជារឿងល្អ ប៉ុន្តែអ្នកក៏អាចទុកចោលកិច្ចការផងដែរ ពីព្រោះថាវាគ្មានការកំណត់ពេលវេលាច្បាស់លាស់។
២) ចាប់ផ្តើមជំហានតូចៗ៖ មនុស្សជាច្រើនយល់ច្រឡំថាការលក់ទំនិញបានច្រើនទើបជាគន្លឹះនាំទៅកាន់ភាពជោគជ័យ។ ប៉ុន្តែ ពួកគាត់មិនចាប់អារម្មណ៍ថាសកម្មភាពដែលគាត់ធ្វើប្រចាំថ្ងៃនេះហើយដែលនាំពួកគាត់ទៅកាន់ភាពជោគជ័យនោះទេ។ ភាពជោគជ័យពិតប្រាកដគឺជាការសម្រេចកិច្ចការប្រចាំថ្ងៃ ទោះបីវាជាកិច្ចការតូចតាចក៏ដោយ។
៣) រកអ្នកណែនាំ៖ ឈប់គិតថាអ្នកចេះអ្វីៗគ្រប់យ៉ាងទៅ។ ផ្ទុយទៅវិញ រកមនុស្សជោគជ័យដែលអាចបង្ហាត់បង្រៀនដល់អ្នក។ អ្នកណែនាំមិនត្រឹមតែជួយដោះស្រាយបញ្ហានោះទេ ថែមទាំងលើកចិត្តអ្នកថែមទៀតផង។
៤) មានភាពក្លាហាន៖ ប្រសិនជាអ្នកពិតជាចង់បង្កើនលទ្ធផលលក់របស់អ្នកមែន អ្នកត្រូវមានភាពក្លាហាន។ អ្នកលក់ជាច្រើនបានត្រឹមតែតេទៅកាន់អ្នកលក់ទំនិញធម្មតា ប៉ុន្តែមិនហ៊ានទាក់ទងជាមួយមេធំៗនោះទេ៕
ប្រែសម្រួល៖អឹុង មុយយូ ប្រភព៖ www.entrepreneur.com
