ហេតុផលបង្ហាញថា «បើសិស្សធ្វើការងារស្ម័គ្រចិត្ត (Volunteer) កាន់តែច្រើនគឺកាន់តែល្អ» តើអ្នកបានធ្វើហើយឬនៅ?
សិស្សមួយចំនួនអាចនឹងស្ដាយក្រោយ ប្រសិនបើគេមិនបាន ចូលរួម ការងារស្ម័គ្រចិត្ត ឲ្យបានមួយដងក្នុងមួយជីវិតនោះ។ ការពិត ទៅ លុយគឺមិនមែនជាអ្វីដែលមនុស្ស គ្រប់គ្នាចង់បានឡើយ ពេលខ្លះ អ្នកអាចរួមគ្នា ជាកម្លាំង ដើម្បីធ្វើកិច្ចការមួយឲ្យបានជោគជ័យ ដោយមិនទទួលបាន ប្រាក់កាសបន្តិចសោះ។ នេះជាមូលហេតុបញ្ជាក់បង្ហាញថា សិស្សគួរតែរៀនផង ធ្វើការងារស្ម័គ្រចិត្ត ផង ៖
១) កាន់តែបន្ថែមCredit សម្រាប់ខ្លួន៖ ក្រៅពីការសិក្សា អ្នកបានចូលរួមការងារស្ម័គ្រចិត្តជាច្រើន ដែលការងារទាំងនោះ អ្នកពុំទទួលបាន លុយមួយកាក់មួយសេន តែអ្នកនៅតែចូលរួមធ្វើវាដើម្បីសង្គម ខ្លួនឯង។ ការធ្វើបែបនេះ វាហាក់ដូចជាបង្កើនCreditសម្រាប់ខ្លួនឯង ទៅថ្ងៃមុខអញ្ចឹងដែរ។
២) ឱកាសការងារច្រើន៖ ក្រុមហ៊ុនមួយចំនួន គឺសម្លឹងមើលថា តើអ្នកចូលចិត្តធ្វើការងារស្ម័គ្រចិត្តដែរឬអត់? ដូចនេះបើអ្នកចូលរួមកាន់តែច្រើន ឱកាសបានការងារ ក៏កាន់ទេច្រើនដូចគ្នា។
៣) ធ្វើឲ្យអ្នកមានអារម្មណ៍ល្អ៖ ការងារនេះគឺផ្ដល់ប្រយោជន៍ ដល់សង្គម ខ្លួនឯង និងសាលារបស់អ្នក។ ហើយអ្វីដែលអ្នកធ្វើ គឺការលះបង់ពេលវេលា និងកម្លាំងកាយចិត្ត ដោយមិនសម្លឹងឃើញអ្វីមកវិញ។ ដូចនេះតើអ្នកមិនសប្បាយចិត្តនឹងទង្វើខ្លួនបានធ្វើទេមែនទេ? ការជួយមនុស្ស ដោយមិនសម្លឹងឃើញប្រយោជន៍ គឺជាអំពើមួយធ្វើឲ្យ អ្នកសប្បាយចិត្តខ្លាំងជាងគេ។
៤) អ្នកបានចូលរួមកែប្រែ អ្វីមួយ៖ សង្គមរបស់អ្នកពិតជាចង់កែប្រែអ្វីមួយ តែបើគ្មានការចូលរួមពីអ្នកទេ ការកែប្រែនោះក៏មិនអាចផ្លាស់ប្ដូរអ្វីបានដែរ។ នេះជាទង្វើ ក្នុងការកែប្រែ សង្គម និងកែប្រែពិភពលោក ដែលគេត្រូវការដោយចាប់ផ្ដើមពីអ្នកផ្ទាល់។
៥) សិក្សាបានច្រើនពីអ្វីដែលអ្នកមិនដែលដឹង៖ ចូលរួមកម្មវិធីស្ម័គ្រចិត្ត គឺអ្នកកំពុងបើកឱកាសខ្លួនឯង ឲ្យសិក្សាពីអ្វីដែលថ្មី។ អ្នកទទួលបាន ជំនាញថ្មីដែលអ្នក មិនធ្លាប់មាន ហើយអ្នកពិតជាត្រូវការជំនាញទាំងនេះ នៅពេលអនាគតជាមិនខាន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ independent
