បើមានចំណុចទាំងនេះ មានន័យថា អ្នកបានត្រឹមជាមនុស្សសម្រាប់គេបោកប្រើប៉ុណ្ណោះ
តើអ្នកធ្លាប់ធ្វើល្អដល់មិត្តឬមិត្តរួមការងារដែរឬទេ? តើអ្នកលទ្ធផលយ៉ាងណាដែរ? មនុស្សមួយចំនួន បានធ្វើរឿងល្អៗជាច្រើនដល់មិត្ត និង អ្នកនៅជុំវិញខ្លួន ប៉ុន្តែលទ្ធផលគឺបានត្រឹមសោកស្តាយ ព្រោះគេគ្រាន់តែចង់បានចំណេញពីអ្នក។ ក្នុងស្ថានភាពខ្លះ អ្នកត្រូវប្រាកដណាស់ អ្វីដែលអ្នកនោះ គឺមានតម្លៃមួយដែលសមនឹងទទួល មិនមែនធ្វើទៅដើម្បីឲ្យគេកេញចំណេញលើទឹកចិត្តល្អរបស់អ្នកនោះឡើយ ហើយលួចសើចចំអគពីក្រោយខ្នងថា អ្នកជាមនុស្ស«ល្ងង់»នោះទេ។ ខាងក្រោមនេះ ជាចំណុចទូទៅមួយចំនួន ទោះអ្នកធ្វើល្អប៉ុណ្ណាក៏គ្មានប្រយោជន៍ ព្រោះអ្នកជុំវិញខ្លួននឹងរាប់អានអ្នកដើម្បីកេញយកប្រយោជន៍ប៉ុណ្ណោះ៖
១) អ្នកមិនដែលបដិសេធ៖ ទោះបីជាអ្នកឈឺ មិនសប្បាយចិត្តឬមិនចង់ធ្វើការអ្វីមួយក៏ដោយ តែប្រសិនជានរណាម្នាក់សុំជំនួយពីអ្នក អ្នកមិនដែលបដិសេធឡើយ។ ទោះបីជាចិត្តរបស់អ្នកចង់និយាយថា«ទេ» តែមាត់របស់អ្នកនឹងនិយាយថា«បាន»។ មនុស្សនឹងប្រើប្រាស់អ្នករហូត បើអ្នកមិនចេះបដិសេធខ្លះ ជាពិសេសរឿងដែលគួរបដិសេធ។
២) អ្នកខ្វល់ពីសម្ដីឬអារម្មណ៍អ្នកដទៃហួសហេតុពេក៖ ប្រសិនជាទៅញាំអាហារខាងក្រៅ អ្នកអនុញ្ញាតឲ្យគេធ្វើការសម្រេចចិត្ត។ អ្នកខ្លាចអ្នកដទៃនិយាយអាក្រក់ពីអ្នក។ ការគិតពីអារម្មណ៍អ្នកដទៃគឺជរឿងល្អហើយ ប៉ុន្តែ ការគិតពីអ្នកដទៃរហូតដល់មិនហ៊ានសូម្បីតែធ្វើការសម្រេចចិត្តដើម្បីខ្លួនឯង។
៣) អ្នកសូមទោសរហូត៖ អ្នកជាមនុស្សដែលចង់បានការរាប់អានពីអ្នកដទៃ។ អ្នកសូមទោសបើទោះបីវាមិនមែនជាកំហុសរបស់អ្នក។ អ្នកព្យាយាមគ្រប់យ៉ាងដើម្បីតម្រូវចិត្តអ្នកដទៃ។ នោះមិនមែនជាទង្វើល្អដែលអ្នកគួរមាននោះទេ។
៤) មិនដាច់ចិត្តពីមិត្ត៖ ការចង់រាប់អានមិត្តគឺជារឿងល្អហើយ។ ប៉ុន្តែ ប្រសិនជាមិត្តភាពនោះចាប់ផ្តើមមានបញ្ហា កុំខ្លាចក្នុងការបោះបង់។ ប្រសិនជាអ្នកមិនបោះបង់ទេ អ្នកនឹងឈឹចាប់ខ្លួនឯងនោះទេ។ ការគិតពិមិត្តគឺជាទង្វើមួយគួរឲ្យសរសើរ ប៉ុន្តែ អ្នកត្រូវគិតពីខ្លួនឯងឲ្យបានច្រើនជាងមុន៕
ប្រែសម្រួល៖ អុឹង មុយយូ ប្រភព៖ www.lifehack.org
