ដោយសារមានទម្លាប់អាក្រក់ទាំងនេះហើយ បានជាសម្ភាសការងារលើកណាមិនដែលជាប់សោះ
តើអ្នកចង់ដឹងទេ ហេតុអ្វីអ្នក មិនដែលទទួលដំណឹងល្អ ក្រោយពេលបញ្ចប់ការសម្ភាសន៍ការងារសោះ? តើនេះមកពីអ្នកមិនល្អគ្រប់គ្រាន់ ឬមួយក៏មានអ្វីដែលមិនអាចទាក់ទាញអ្នក សម្ភាសន៍អ្នកបាន?ខាងក្រោមនេះជាអ្វីដែល អ្នកគួរដឹង៖
១) ចេះតែខ្វល់ច្រើនពេកនៅមុខគេឯង៖ តើ អ្នកតែងតែនៅមិនសុខ បក់មិនល្ហើយដែរឬអត់ នៅពេលអ្នកកំពុងសម្ភាសន៍ការងារ? អាការៈបែបនេះ បង្ហាញថា អ្នកកំពុងមានសម្ពាធ និងចេះតែខ្វល់ច្រើនពេក ខ្លាចមិនបានការងារ។ គេអាចនឹងមិនផ្ដល់ការងារឲ្យអ្នកឡើយ ពេលឃើញអ្នកបង្ហាញអាការៈបែបនេះ ព្រោះថា គេនឹងវិនិច្ឆ័យអ្នកជាមនុស្សមិនចេះគ្រប់គ្រងអារម្មណ៍ខ្លួន ហើយមិនមានភាពក្លាហានចំពោះអ្វីដែលកើតមានឡើង។
២) ធ្វើមុខក្រញូវ និងមិនអំណោយទានដាក់គេ៖ តើមុខអ្នក មើលទៅពិបាកចិត្ត ឬក៏ខឹងដែរឬអត់? អាចថាអ្នកមានមុខក្រញូវពីកំណើត តែថ្ងៃសម្ភាសន៍ការងារ បើសិនជាអាច អ្នកគួរញញឹមឲ្យបានច្រើនទើបល្អ។
៣) រំខានអ្នកគេឯង៖ ពេលសម្ភាសន៍ការងារ អ្នកត្រូវតែផ្ដោតអារម្មណ៍លើការសម្ភាសន៍បានហើយ។ សូម្បីទូរស័ព្ទក៏ត្រូវដាក់ស្ងៀមស្ងាត់ មិនឲ្យមានសំឡេងរំខានដែរ។ បើមិនដូច្នេះ អ្នកអាចមានគេទូរស័ព្ទទៅ ហើយកាត់ចង្វាក់ក្នុងការនិយាយគ្នា គេអាចចាត់ទុកថាអ្នករំខានការងារគេ ហើយអ្នកដឹងទទួលបានលទ្ធផលមិនល្អទេ។
៤) និយាយលឿនៗ ៖ និយាយលឿនពេក អាចជាគុណវិបត្តិមួយ ក្នុងពេលសម្ភាសន៍ការងារ។ កាលដែលអ្នកនិយាយលឿនពេក គឺគ្មានអ្នកណាសរសើរអ្នកទេ ព្រោះថា រាល់ព័ត៌មានដែលអ្នកបាននិយាយគេនឹងមិនអាចចាប់បានសូម្បីមួយ។ ដូចនេះតើឲ្យគេសិក្សាពីអ្នកបានយ៉ាងណាទៅ?
ប្រែសម្រួល៖ ព្រំ សុវណ្ណកណ្ណិ្កកា ប្រភព៖ lifehack
