ការអភ័យទោស(forgiveness)៖ ជាការបោះបង់ចោលនូវរឿងដែលមិនល្អចំពោះខ្លួនឯង!
នៅពេលដែលមនុស្សដែលអ្នកស្រឡាញ់ធ្វើឲ្យអ្នកឈឺចាប់ អ្នកតែងតែមានកំហឹងឬក៏ចង់សងសឹកត្រឡប់ទៅវិញ ហើយស្ទើរតែមនុស្សគ្រប់រូបទៅហើយដែលធ្លាប់ឈឺចាប់ដោយសារអ្នកដទៃ។ ប៉ុន្តែប្រសិនជាអ្នកមិនអាចអភ័យទោសដល់អ្នកដទៃបានទេនោះ អ្នកដែលឈឺចាប់ គឺរូបអ្នកទៅវិញទេ។ តើការអភ័យទោសជាអ្វីទៅ?
ការអភ័យទោសគឺជាការសម្រេចចិត្តក្នុងការបោះបង់នូវអ្វីដែលមិនល្អ ដូចជា គំនុំ ការសងសឹក។ល។ ការឈឺចាប់គឺជាផ្នែកមួយក្នុងជីវិតតែប៉ុណ្ណោះ។ ប៉ុន្តែ ការអភ័យទោសនឹងជួយឲ្យជីវិតរបស់អ្នកពោរពេញទៅដោយភាពវិជ្ជមាន។ ការអភ័យទោសនាំមកនូវសន្តិភាពក្នុងផ្លូវចិត្តរបស់អ្នក។ តើការអភ័យទោសផ្តល់អត្ថប្រយោជន៍អ្វីខ្លះទៅ? ការលះបង់នូវភាពជូរចត់នឹងបើកផ្លូវដល់ភាពរីករាយ។
ការអភ័យទោសនឹងនាំមកនូវ ទំនាក់ទំនងល្អ មិនសូវមានទុក្ខព្រួយនិងភាពជឿជាក់លើខ្លួនឯង។ ការអភ័យទោសដល់អ្នកដទៃអាចជារឿងលំបាកនៅពេលដែលមនុស្សម្នាក់នោះមិនព្រមទទួលស្គាល់កំហុសខ្លួនឯង។ ទោះបីជាយ៉ាងណាក៏ដោយ គោលបំណងក្នុងការអភ័យទោសអ្នកដទៃគឺដើម្បីភាពរីករាយក្នុងផ្លូវចិត្តរបស់អ្នក។ ដូច្នេះហើយអ្នកពុំចាំបាច់គិតពីគំនិតអ្នកដទៃនោះទេ៕
ប្រែសម្រួល៖ អុឹង មុយយូ ប្រភព៖ www.mayoclinic.org
