អាជីពការងារក្នុងវិស័យទាំង៤ដែលត្រូវប៉ាន់ខ្លាំងនាថ្ងៃអនាគត ដែលអ្នកមិនគួរមើលរំលង
ដោយសារតែសង្គមរីកចម្រើនទៅមុខ ការងារក៏ផ្លាស់ប្ដូរទៅតាមនឹងផងដែរ។ ដូច្នេះហើយ វាមានសារៈសំខាន់ដែលអ្នកត្រៀមខ្លួននាពេលឥឡូវនេះប្រសិនជាអ្នកចង់រកការងារបានស្រួល។ ក្នុងអត្ថបទមួយនេះ យើងនឹងផ្តល់បង្ហាញ់ពីវិស័យការងារដែលត្រូវប៉ាន់នាថ្ងៃអនាគត៖
១) វិស័យសុខាភិបាល៖ យោងទៅតាមការសិក្សាមួយចំនួនបានបង្ហាញថា ដោយសារតែចំនួនមនុស្សចាស់មានការកើនឡើង វេជ្ជបណ្ឌិត គិលានុបដ្ឋាយិកា អ្នកផ្សំថ្នាំគឺត្រូវការជាងមុន។ ដូច្នេះហើយ តម្រូវការក្នុងវិស័យនេះ គឺពិតជាកើនឡើងខ្លាំង អ៊ីចឹងហើយអ្នកដែលមានបំណងធ្វើការ ឬ ចង់មានជំនាញផ្នែកនេះ គឺប្រាកដជាមានឪកាសល្អៗមិនខាន។
២) វិស័យបច្ចេកវិទ្យា៖ សាកគិតទៅ២០ឬ៣០ឆ្នាំមុន នៅពេលដែលមនុស្សគ្មានកុំព្យូទ័រឬអ៊ីនធឺណិតទៅមើល។ កុំព្យូទ័រឬអ៊ីនធឺណិតបានផ្លាស់ប្តូរជីវិតមនុស្សទាំងជំនួញនិងការទាក់ទងគ្នា។ ហើយវានឹងបន្តផ្លាស់ប្តូរទៅមុខជានិច្ច។ ដូច្នេះហើយ អ្នកចេះបច្ចេកវិទ្យានឹងត្រូវប៉ាន់។
៣) វិស័យច្បាប់៖ ដោយសារតែពិភពលោកកាន់តែតូចទៅៗ ដោយសារការប្រាស្រ័យទាក់ទងគ្នា និង ការធ្វើដំណើរកាន់តែងាយស្រួលនោះ គឺបញ្ហាជាច្រើនក៏កំពុងកើតឡើងផងដែរ។ ដូច្នេះហើយ ដំណោះស្រាយដោយប្រើច្បាប់គឺ ពិតជាសំខាន់ អ៊ីចឹងហើយតម្រូវការផ្នែកនេះក៏កើនឡើងមិនអន់ដែរ។
៤) វិស័យសរសេរ និង និពន្ធ៖ សម័យនេះហើយ មនុស្សភាគច្រើនគឺមានចំណេះដឹងនិងមានបច្ចេកវិទ្យានៅក្នុងដៃ។ ក្រុមហ៊ុនជាច្រើនធ្វើការផ្សព្វផ្សាយផលិតផលតាមអនឡានឬតាមទស្សនាវដ្ដី។ល។ ដូច្នេះហើយ ក្រុមហ៊ុននឹងត្រូវការអ្នកដែលចេះសរសេរអត្ថបទល្អ៕
ប្រែសម្រួល៖ អឹុង មុយយូ ប្រភព៖ www.salary.com
