ហេតុអ្វីដែលត្រូវឆ្លៀតពេលរៀនពីការអភិវឌ្ឍបុគ្គលិកលក្ខណៈ (Personal Development)?
បុគ្គលិកលក្ខណៈ គឺសំដៅទៅលើភាពរូបរាង អត្តចរិត ចិត្តគំនិតនិងឥរិយាបថរបស់បុគ្គលម្នាក់ទៅកាន់អ្នកដទៃ។ តើអ្នកធ្លាប់ដឹងពីសារៈសំខាន់នៃការអភិវឌ្ឍន៍បុគ្គលិកលក្ខណៈដែរឬទេ? ខាងក្រោមនេះហេតុផល៖
១) ដឹងពីចំណុចខ្លាំងរបស់អ្នក៖ បុគ្គលម្នាក់ៗគួរតែមានអ្វីមួយដែលអ្នកដទៃចង់ធ្វើតាម។ អ្នកមិនត្រូវចម្លងពីអ្នកដទៃដោយមិនបានគិតនោះទេ។ ផ្ទុយទៅវិញ អ្នកគួរតែធ្វើជាឧទាហរណ៍សម្រាប់អ្នកដទៃ។ វាមិនត្រឹមតែធ្វើឲ្យអ្នកមើលទៅល្អថែមទាំងគួរឲ្យចូលចិត្តថែមទៀតផង។ បើដឹងបានរៀនពីការអភិវឌ្ឍបុគ្គលិកលក្ខណៈរបស់អ្នកនោះ វានឹងជួយឲ្យរកឃើញនូវចំណុចពិសេស ដែលអ្នកដទៃគ្មាន។
២) កាត់បន្ថយស្ត្រេសនិងជម្លោះ ៖ វាជំរុញឲ្យបុគ្គលម្នាក់ៗមើលឃើញភាពល្អរបស់ខ្លួន។ ទោះបីជាស្ថានភាពលំបាកក៏ដោយ អ្នកក៏ត្រូវញញឹម។ វាពិតជាអាចកាត់កាត់បន្ថយស្ត្រេសនិងការព្រួយបារម្ភបាន។
៣) បង្កើនឥរិយាបថ និង ការគិតវិជ្ជមាន៖ បុគ្គលដែលមានគំនិតអវិជ្ជមានតែងតែឃើញបញ្ហាមិនថាស្ថិតនៅស្ថានភាពណាក៏ដោយ។ សម្រាប់បុគ្គលវិជ្ជមាន គេមិនដែលចំណាយពេលទៅរអ៊ូនោះទេ ផ្ទុយទៅវិញ គេព្យាយាមសិក្សាពីបញ្ហាហើយរកដំណោះស្រាយ។ អ្វីៗគឺមានដំណោះស្រាយ៕
ប្រែសម្រួល៖ អឺុង មុយយូ ប្រភព៖ www.managementstudyguide.com
