ចំណុច៣យ៉ាងដែលគួរ ធ្វើដើម្បីជួយដល់មិត្តភ័ក្ដិដែលអត់ទាន់មានការងារធ្វើ
យុវជនជាច្រើនពិបាកចិត្តក្រោយបញ្ចប់ការសិក្សាហើយឱកាសរកការងារបានតិច ឬ រកការងារមិនបាន។ ដោយសារតែចំនួននិស្សិតបញ្ចប់ការសិក្សាមានចំនួនច្រើនក្នុងមួយឆ្នាំៗ ហើយយុវជនក៏មានការប្រកួតប្រជែងខ្លាំងផងនោះ។ ប្រសិនបើអ្នកមានមិត្តដែលមិនទាន់មានការងារធ្វើ នេះជាអ្វីដែលអ្នកអាចធ្វើបានចំពោះមិត្តនោះ៖
១) និយាយពីការងាររបស់អ្នក៖ ទោះបីជាការចែករំលែកបទពិសោធន៍គឺជារឿងល្អមួយ ប៉ុន្តែអ្នកត្រូវចេះពីរបៀបនិយាយ។ ប្រសិនជាអ្នកនិយាយមិនល្អទេ អ្នកអាចនឹងធ្វើឲ្យពួកគេឈឺចាប់។ ដូច្នេះហើយ គួរតែព្យាយាមនិយាយជាមួយមិត្តភ័ក្តិ របស់អ្នកដោយព្យាយាមប្រាប់ពីការងារទូទៅ និង តម្រូវរបស់ក្រុមហ៊ុន ដើម្បីបានជាគំនិតខ្លះៗក្នុងការដាក់ពាក្យរកការងារធ្វើ។
២) លើកទឹកចិត្តមុនពេលសម្ភាសន៍៖ ការសម្ភាសន៍សម្រាប់អ្នកមិនទាន់មានការងារធ្វើវាអាចជារឿងដ៏ធំមួយ។ លើកទឹកចិត្តពួកគាត់ឲ្យព្យាយាមអស់ពីលទ្ធភាព និង កុំភ្លេចនិយាយជូនពរផងដែរ។ ធ្វើបែបនេះ គឺដើម្បីឲ្យមិត្តរបស់អ្នក មានទំនុកចិត្តក្នុងការសម្ភាសន៍។
៣) ពេលមានការងារណាល្អ កុំភ្លេចប្រាប់មិត្តរបស់អ្នក៖ ប្រសិនជាពួកគាត់នៅមិនទាន់មានការងារ ប្រាប់ពួកគេរាល់ពេលដែលអ្នកឃើញឱកាសការងារណាល្អ។ នេះជាអ្វីដែលអ្នកអាចធ្វើ៕
ប្រែសម្រួល៖ អ៊ឹង មុយយូ ប្រភព៖ www.lifehack.org
