បើចង់ផ្លាស់ប្ដូរជីវិតឲ្យប្រសើរជាងមុន កុំរអ៊ូ ហើយត្រូវអនុវត្តចំណុចទាំងនេះ
អ្នកខំប្រឹងជារៀងរាល់ថ្ងៃ ប៉ុន្តែអ្នកមិនឃើញភាពរីកចម្រើនសោះ។ អ្នកមានអារម្មណ៍ថាអ្នកមិនអាចរីកចម្រើនបាន ប៉ុន្តែមិត្តរបស់អ្នកសុទ្ធតែដើរទៅមុន។ ប្រសិនជាអ្នកជួបស្ថានភាពបែបនេះ អ្នកត្រូវធ្វើចំណុចខាងក្រោមនេះ៖
១) រៀនសូត្រ៖ អ្នកចំណាយពេល៥ម៉ោងឬ១ម៉ោងរៀងរាល់ថ្ងៃសម្រាប់បង្កើនសមត្ថភាពរបស់អ្នក។ អ្នកត្រូវលៃលកពេលវេលាសម្រាប់រៀនដោយមិនមានរឿងអ្វីមករំខាន។
២) អាន៖ ការអានគឺជាទម្លាប់មួយរបស់រាល់បុគ្គលជោគជ័យ។ ទុកសៀវភៅមួយក្បាលជាប់ខ្លួនជានិច្ចនិងកំណត់គោលដៅក្នុងការអានជារៀងរាល់ថ្ងៃ។
៣) ការគិតឡើងវិញ៖ ការគិតឡើងវិញក៏ជាវិធីមួយក្នុងការរៀនដែរ។ ការទទួលព័ត៌មានដោយពុំមានការគិតឡើងវិញគឺគ្មានន័យនោះទេ។ ការមិនគិតឡើងវិញនឹងរារាំងអ្នកមិនឲ្យរីកចម្រើន។ ការគិតឡើងវិញផ្តល់ឱកាសឲ្យអ្នកមើលឃើញចន្លោះដែលអ្នកត្រូវបំពេញបន្ថែម៕
ប្រែសម្រួល៖ អឹុង មុយយូ ប្រភព៖ www.lifehack.org
