លទ្ធផល ៤យ៉ាងដែលបង្ហាញថា ការរៀនភាសាអាចជួយអ្នកឲ្យក្លាយជាមនុស្សប្រសើរជាងមុន
ការរៀនភាសា បានផ្តល់អត្ថប្រយោជន៍ជាច្រើនដល់អ្នកសិក្សា ពោលគឺមិនត្រឹមតែជួយសម្រួលដល់ការទំនាក់ទំនងតែមួយប៉ុណ្ណោះទេ។ អត្ថប្រយោជន៍បួនយ៉ាងដែលអ្នកនឹងទទួលបានពីការរៀនភាសា មានដូចជា៖
១) ជួយដល់ទំនាក់ទំនងឲ្យល្អជាងមុន៖ ដោយសារតែពិភពលោក ឥឡូវកាន់តែរួមតូចទៅៗ មានន័យថា ប្រជាជននៅលើពិភពលោកអាចទំនាក់ទំនងគ្នាបានយ៉ាងជិតស្និទ្ធមិនថាស្ថិតនៅទីណានោះទេ។ កាន់តែពិសេសប្រសិនបើអ្នកចេះពីរបីភាសាទៀតនោះ នោះការទំនាក់ទំនងមិនថាក្នុងវិស័យការងារ ឬអាជីវកម្ម រឹតតែធ្វើឱ្យរលូន និងជិតស្និទ្ធថែមទៀត។
២) ជួយដល់ការចងចាំ៖ តាមការសិក្សារកឃើញថា ក្មេងដែលចេះភាសាលើសពីពីរមានការចងចាំប្រសើរជាងក្មេងដែលចេះភាសាតែមួយ។
៣) រកចំណូល៖ តាមការសិក្សាក៏ឃើញថា ការចេះភាសាអាចជួយរកប្រាក់ចំណូលបន្ថែមបានពី ១០ទៅ១៥ភាគរយ។ ច្បាស់ណាស់ថា ទីផ្សារការងារសម្រាប់អ្នកចេះភាសាច្រើន គឺទូលំទូលាយ ចំណែកប្រាក់បៀវត្សរ៍ទទួលបានសមរម្យតែម្ដង។
៤) ឱកាសធ្វើការងារកាន់តែធំជាងមុន៖ សម្រាប់ក្រុមហ៊ុនដែលចង់ពង្រីកទៅកាន់ទីផ្សារខាងក្រៅ នោះប្រហែលអ្នកចេះភាសាច្រើនអាចមានអាទិភាពប្រសិនបើគាត់បំពេញបច្ចុប្បន្នរបស់គាត់បានល្អ។ ក្រុមហ៊ុនពិបាករកបុគ្គលិកដែលចេះច្រើនភាសាណាស់។ ដូច្នេះហើយ ប្រសិនជាអ្នកចេះ អ្នកមានឱកាសច្រើនជាងមុន៕
ប្រែសម្រួល៖ អឹុង មុយយូ ប្រភព៖ www.lifehack.org
