ហេតុអ្វីអ្នកគួរមានទម្លាប់ថតរូបឲ្យបានច្រើន?
មនុស្សជាច្រើនយល់ច្រឡំថាមនុស្សបង្ហោះរូបថតដោយសារតែចង់បានការគាំទ្រ។ល។ ប៉ុន្តែ មនុស្សភ្លេចពីអត្ថន័យពិតប្រាកដដែលនៅពីក្រោយការថតរូប។ តើហេតុអ្វីបានជាមនុស្សគួរមានទម្លាប់ថតរួបនិងគួរថតរូបឲ្យបានច្រើន? ហេតុផលគឺមាន៣ធំៗ៖
១) រំលឹកទីកន្លែងនិងមនុស្ស
មិត្តភ័ក្ដិគឺមានមកនិងទៅ។ មនុស្សខ្លះដែលយើងស្គាល់អាចស្លាប់បាត់ទៅ ហើយទីកន្លែងក៏អាចផ្លាស់ប្តូរដោយការអភិវឌ្ឍន៍។ ប្រសិនជាអ្នកមានរូបថត អ្នកអាចរំលឹកអនុស្សាវរីយបាន។
២) មើលត្រឡប់ទៅវិញហើយសើច
រូបថតដែលអ្នកថតនឹងក្លាយជាអនុស្សាវរីយនាពេលអនាគត។ វាជាភាពរីករាយដែលបានកើតឡើងក្នុងឆាកជីវិត។ ការមើលរូបថតសប្បាយអាចនាំយកភាពរីករាយជាច្រើន។
៣) រូបថតដែលអ្នកមានមោទនភាព
ឧទាហរណ៍ថា៖ កាលពីអ្នកនៅក្មេង ក្រោយអ្នកបញ្ចប់ថ្នាក់បឋមសិក្សា អ្នកប្រហែលជាមានការថតរូបទទួលសញ្ញាប័ត្រ។ល។ ២០ឆ្នាំក្រោយ អ្នកក្រឡេកមកមើលរូបថតវិញ វាជារូបថតដែលអ្នកមានមោទនភាព៕
ប្រែសម្រួល៖ អឹុង មុយយូ
ប្រភព៖ www.elicitdaily.com
