ការងារនឹងលែងរាំងស្ទះ និង ធ្វើឲ្យឈឺក្បាលទៀតហើយ បើអ្នកយល់ពីគន្លឹះទាំងនេះ
តើអ្នកតែងមានអារម្មណ៍ថា ការងាររាំងស្ទះខ្លាំង ដល់ថ្នាក់លែងមានថ្ងៃសៅរ៍ ថ្ងៃអាទិត្យដែរទេ? នេះដោយសារអ្នកមិនមានគម្រោងអ្វីមួយច្បាស់លាស់ និងល្អិតល្អន់។ តើមានវិធីអ្វីខ្លះអាចជួយស្រោចស្រង់អ្នកវិញបាន?
១) ចាប់ផ្ដើមដោយការងារសំខាន់ជាងគេមុន៖ ចាប់ផ្ដើមថ្ងៃដំបូងរបស់អ្នក ដោយផ្ដោតអារម្មណ៍លើតែការងារណាដែលសំខាន់ខ្លាំងជាងគេទៅបានហើយ។ យោងតាមការស្រាវជ្រាវបានបង្ហាញថា «ពី៩០ទៅ១២០នាទី មុនពេលងើបពីដំណេក វាគឺជាពេលដែលខួរក្បាលអ្នកសកម្មហើយមានថាមពលជាងគេ។»
២) កំណត់ពេលឲ្យច្បាស់ក្នុងការធ្វើការងារ៖ ការកំណត់ពេលនេះ វានឹងជួយអ្នកកុំឲ្យធ្វើការលើស ម៉ោង និងកុំឲ្យធ្វើការតិចពេក។ បើអ្នកគោរពតាមពេលដែលអ្នកបានកំណត់ កិច្ចការទាំងអស់ វានឹងឆាប់ហើយ ។
៣) គួរតែឆ្លាតហើយធ្វើការដោយប្រើពេលតិច៖ មនុស្សឆ្លាតគេតែងរៀនប្រើពេលវេលាតិច ហើយធ្វើអ្វីឲ្យបានផលច្រើន។ វាមានរបៀបច្រើនណាស់ ក្នុងការធ្វើអ្វីមួយកុំឲ្យចំណាយពេលច្រើន។ ក្នុងនោះ អ្នកអាចប្រើប្រព័ន្ធបច្ចេកវិទ្យាដើម្បីជួយសម្រាលការងារអ្នកឲ្យបានលឿនគឺកាន់តែល្អដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
