បើបណ្ដុះទម្លាប់ល្អទាំង៣នេះបាន ដឹងតែមានគេស្រលាញ់ និង ចូលចិត្តអ្នកច្រើនមិនខាន
មនុស្សជាច្រើនជឿជាក់ថាការស្រឡាញ់ឬការចូលចិត្តរបស់មនុស្សកើតចេញពីកំណើត ហើយវាជាអ្វីដែលមិនអាចរៀនបាន។ ទោះបីជាអ្នកមិនស្អាតឬមិនមានលក្ខណៈអំណោយផលពីធម្មជាតិក៏ដោយ ប្រសិនជាអ្នកមានទម្លាប់ទាំងនេះ នោះនឹងទទួលបានការស្រឡាញ់និងការគោរពពីអ្នកដទៃ៖
១) ផ្តល់តម្លៃទៅមនុស្សជុំវិញខ្លួន៖ ប្រាកដណាស់ថា បើអ្នកផ្តល់តម្លៃគេ នោះអ្នកនឹងទទួលបានការផ្តល់តម្លៃវិញ ។ មានមនុស្សជាច្រើនតែលើកឡើងថា គ្មាននរណាម្នាក់ផ្តល់តម្លៃដល់ខ្លួននោះទេ ប៉ុន្តែបើសង្កេតមើលទិដ្ឋភាពជាក់ស្តែង គឺថា រូបគេហ្នឹងមិនដែលចេះផ្តល់តម្លៃដល់នរណាឡើយ ដូច្នេះហើយ តើនរណាអាចដល់ផ្តល់តម្លៃឲ្យបាន។ ជារួមមកវិញ បើអ្នកផ្តល់តម្លៃដល់អ្នកជុំវិញខ្លួន នោះអ្នកនឹងទទួលបានការគោរព និង សេចក្តីស្រលាញ់រាប់អានមកវិញមិនខាន។
២) រកហេតុផលស្រឡាញ់ជីវិត៖ មនុស្សដែលគួរឲ្យស្រឡាញ់គឺវិជ្ជមាននិងមានចំណង់។ ពួកគេមិនដែរធុញទ្រាន់នោះទេពីព្រោះថាពួកគេមើលមកជីវិតគឺសប្បាយ។ នេះមិនមានន័យថាពួកគេគ្មានបញ្ហានោះទេ តែពួកគេជ្រើសរើស និង រក្សានូវភាពវិជ្ជមាន។
៣) គោរពមនុស្សរាល់គ្នា៖ មិនថាពួកគេនិយាយជាមួយមនុស្សដែលមានឋានៈខ្ពស់ឬទាបនោះទេ ពួកគេតែងតែគោរពអ្នកដទៃនិងមានសីលធម៌ជានិច្ច។ ពួកគេជឿជាក់ថាមនុស្សម្នាក់ៗត្រូវការគោរពស្មើគ្នា៕
ប្រែសម្រួល៖ អុឹង មុយយូ ប្រភព៖ www.entrepreneur.com
