រោគសញ្ញាទាំង ៤ដែលបញ្ជាក់ថា អ្នកកំពុងធុញថប់ (Stress) ខ្លាំងនៅកន្លែងការងារ
មនុស្សម្នាក់ៗ តែងមានការធុញថប់ខ្លាំងជាមួយការងាររបស់ពួកគេ។ ការងារទាំងនោះហើយដែលនាំអោយអ្នកមានភាពតប់ប្រមល់ជាប្រចាំ នឹងអាចបណ្ដាលអោយអ្នកទទួលរងសម្ពាធហើយមានរោគសញ្ញាដែលគួរប្រុងប្រយ័ត្នរួមមាន៖
១) ការឈឺក្បាលជាប្រចាំ
យោងទៅតាម The American Institute of Stress បានបង្ហាញ ថាការឈឺក្បាលនេះ គឺជារោគសញ្ញាដែលឧស្សាហ៍កើតមានជាងគេនៅពេលអ្នកមានអារម្មណ៍តប់ប្រមល់។ វាកើតឡើងដោយសារតែសម្ពាធនៃការងារមានលក្ខណៈធ្ងន់ធ្ងរពេក ។ ការតាំងសមាធិ សម្រាកនិង ពិសាអោយបានច្រើនអាចជួយអ្នកបំបាត់អាការៈនេះបាន។
២) មិនស្រួលក្រពះ
ស្ថានភាពតប់ប្រមល់ខ្លាំងនៅកន្លែងធ្វើការអាចធ្វើអោយមានបញ្ហាដល់ក្រពះនិងពោះវៀនផងដែរ ឧទាហរណ៍ដូចជារោគទល់លាមកជាដើម។ យោងតាមលោកDouglas A. Drossman ដែលជាអ្នកគ្រប់គ្រងនៅសកលវិទ្យាល័យ North Carolina Center for Functional Gl and Motility Disorders បានបង្ហាញថា៖ «ដោយសារតែ ខួរក្បាលនិងបំពង់រំលាយអាហារមានសរសៃប្រសាទ ពាក់ព័ន្ធគ្នាទើបធ្វើអោយមានបញ្ហាក្រពះនេះ»។
៣) បញ្ហាស្បែក៖
យោងទៅតាម WebMD បានបង្ហាញថា ៖« ភាពតប់ប្រមល់នេះអាចធ្វើអោយអ្នកមានបញ្ហាស្បែកដែលកើនឡើងជាតិខ្លាញ់ ក៏ដូចជាការឡើងមុនផងដែរ»។
៤) ជ្រុះសក់៖ វាអាចអោយអ្នកជ្រុះសក់ច្រើនខុសពីធម្មតាតែវាគ្រាន់តែជ្រុះរយៈពេលខ្លីប៉ុណ្ណោះ ។ នៅពេលអ្នកឈប់ធុញថប់នឹងអ្វីមួយហើយបញ្ហាទាំងនោះ ក៏លែងកើតមានតទៅទៀតដែរ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.cheatsheet.com
