សង្ខេបព្រឹត្តិការណ៍សេដ្ឋកិច្ចប្រចាំសប្ដាហ៍ក្នុងប្រទេសកម្ពុជា
ដើម្បីជាជំនួយដល់ការសម្រេចចិត្តអាជីវកម្មរបស់លោកអ្នក ថ្ងៃនេះBizkhmerសូមលើកយកនូវការសង្ខេបព្រឹត្តិការណ៍សេដ្ឋកិច្ចសំខាន់ៗក្នុងប្រទេសកម្ពុជា ពីស្ថាប័នសារព័ត៌មានល្បីៗនឹងគួរឲ្យទុកចិត្តមួយចំនួននៅកម្ពុជា។
យោងតាមកាសែត រស្មីកម្ពុជា កាលពីថ្ងៃទី២៦ ខែកក្កដា ឆ្នាំ២០១៩ បានចេញផ្សាយអំពី កម្ពុជា-ចិនឯកភាពនឹងបង្កើតមជ្ឈមណ្ឌលសន្ធានកម្មក្នុងវិស័យពាណិជ្ជកម្មនៅកម្ពុជា៖ មន្ត្រីជាន់ខ្ពស់នៃក្រសួងយុត្តិធម៌បានឱ្យដឹងថា នាថ្ងៃខាងមុខនេះកម្ពុជា-ចិនបានឯកភាពគ្នាក្នុងការបង្កើតឱ្យមានមជ្ឈមណ្ឌលសន្ធានកម្មក្នុងវិស័យពាណិជ្ជកម្មនៅក្នុងក្រសួងយុត្តិធម៌ដើម្បីផ្ដល់នូវការសម្របសម្រួលវិវាទផ្នែកពាណិជ្ជកម្មរវាងអ្នកវិនិយោគនៅកម្ពុជាជាពិសេសផ្ដល់ជំនួយផ្នែកច្បាប់ (ប្រឹក្សាផ្នែកច្បាប់)។ សូមចុចទីនេះដើម្បីអានព័ត៌មានលម្អិត
មួយវិញទៀតសម្រាប់កាសែត ភ្នំពេញប៉ុស្ដិ៍ កាលពីថ្ងៃទី ២៥ ខែកក្កដា ឆ្នាំ២០១៩ បានចេញផ្សាយអំពី រដ្ឋាភិបាលប្រមូលពន្ធបានជាង ១,៥ ពាន់លានដុល្លារ ក្នុងឆមាសទី១ ឆ្នាំនេះ៖ អគ្គនាយកដ្ឋានពន្ធដារប្រមូលចំណូលពន្ធអាករបានជាង ១,៥ ពាន់លានដុល្លារ ក្នុងឆមាសទី១ ឆ្នាំ ២០១៩ កើនឡើងជាង ៣២៤ លានដុល្លារ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមសេចក្តីប្រកាសព័ត៌មានរបស់ អគ្គនាយកដ្ឋានពន្ធដារពីល្ងាចថ្ងៃពុធ។ សូមចុចទីនេះដើម្បីអានព័ត៌មានលម្អិត
ដោយឡែកសម្រាប់កាសែត កោះសន្តិភាព វិញកាលពីថ្ងៃទី២៥ ខែកក្កដា ឆ្នាំ២០១៩ បានចេញផ្សាយអំពី រោងចក្រថ្មីជាង៣០ បណ្ដាក់ទុនវិនិយោគក្នុងឧស្សាហកម្មកាត់ដេរកម្ពុជា ខណៈ EBA ស្ថិតក្នុងដំណាក់កាលមិនច្បាស់លាស់៖ ឧស្សាហកម្មកាត់ដេរនៅកម្ពុជានាពេលបច្ចុប្បន្ន ត្រូវបានមហាជនភាគច្រើនមើលឃើញថាវិស័យមួយនេះកំពុងជួបបញ្ហាធ្ងន់ធ្ងរ ឬអាចនឹងបាត់បង់ភាពទាក់ទាញវិនិយោគិនឱ្យចូលមកបណ្ដាក់ទុនបង្កើតរោងចក្រថ្មីនៅកម្ពុជា ព្រោះវិស័យសំខាន់មួយនេះប្រឈមមុខនឹងការបាត់បង់គម្រោងអនុគ្រោះពន្ធលើមុខទំនិញលើកលែងតែគ្រឿងសព្វាវុធ (EBA) ពីសហភាពអឺរ៉ុប ។ សូមចុចទីនេះដើម្បីអានព័ត៌មានលម្អិត
ចុងក្រោយសាព័ត៌មាន ខ្លីខ្លី កាលពីថ្ងៃទី២១ ខែកក្កដា ឆ្នាំ២០១៩ បានចេញផ្សាយអំពី កម្ពុជាចង់នាំអង្ករដែលទទួលបានចំណាត់ថ្នាក់លេខ១ ទៅកាន់ប្រទេសឥណ្ឌូណេស៊ី៖ រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្តិ បានគូសបញ្ជាក់ថា កម្ពុជាមានបំណងនាំអង្ករក្រអូប «ផ្កាម្លិះអង្គរ» ដែលទទួលបានចំណាត់លេខ១ កាលពីឆ្នាំ២០១៨ ទៅកាន់ប្រទេសឥណ្ឌូណេស៊ី ដើម្បីបង្កើនទំហំពាណិជ្ជកម្មទ្វេភាគី និងពង្រឹងកិច្ចសហការលើឧស្សាហកម្មផលិតសម្ភារ និងគ្រឿងបង្គុំទោចក្រយាននៅក្នុងប្រទេស ព្រមទាំងអភិវឌ្ឍឧស្សាហកម្មគាំទ្រសម្រាប់ការផលិតទោចក្រយាន ដើម្បីបង្កើនតម្លៃបន្ថែមក្នុងស្រុកសម្រាប់ផលិតផលនេះ និងនាំចេញផលិតផលសម្រេច ១០០% ទៅកាន់ទីផ្សារអន្តរជាតិ។ សូមចុចទីនេះដើម្បីអានព័ត៌មានលម្អិត
តាមប្រភពដដែលកាលពីថ្ងៃទី ១៩ ខែកក្កដា ឆ្នាំ២០១៩ បានចេញផ្សាយអំពី កាណាដា គ្រោងទិញសំលៀកបំពាក់ពីកម្ពុជាក្នុងតម្លៃជាង៩១លានដុល្លារ ដែលខ្ពស់ជាងការបញ្ជាទិញពីចិន៖ ប្រទេសកាណាដា មានគម្រោងទិញផលិតផលសំលៀកបំពាក់ពីកម្ពុជា ក្នុងតម្លៃទឹកប្រាក់ជាង ៩១លានដុល្លារអាមេរិក សម្រាប់ឆ្នាំ២០១៩ និង២០២០ ដែលខ្ពស់ជាងការបញ្ជាទិញពីប្រទេសចិន។ នេះបើតាមការឱ្យដឹងពីតំណាងក្រុមហ៊ុន Reitman's Global Sourcing on Garment ដែលជាដៃគូពាណិជ្ជកម្មដ៏សំខាន់មួយរបស់កម្ពុជា។ សូមចុចទីនេះដើម្បីអានព័ត៌មានលម្អិត
