តោះទៅស្គាល់កំពង់ផែទាំង ១០ ដែលមមាញឹកជាងគេលើលោក
ពាណិជ្ជកម្មពិភពលោកប្រមាណ ៩០% ត្រូវបានសម្របសម្រួលដោយការដឹកជញ្ជូនតាមសមុទ្រ។ ហើយខណៈពេលដែលទំហំពាណិជ្ជកម្មបន្តកើនឡើង កំពង់ផែដែលមមាញឹកបំផុតនៅលើពិភពលោក ក៏បន្តរីកចម្រើនកាន់តែច្រើនៗនិងកាន់តែមានប្រសិទ្ធភាពថែមទៀតដើម្បីបំពេញតាមតម្រូវការ។
ជាក់ស្តែងគិតត្រឹមរយៈពេល ៤ឆ្នាំ ចុងក្រោយបរិមាណប្រចាំឆ្នាំជាមធ្យមនៃកំពង់ផែចំនួន ៥០ បានកើនឡើងពី ៥,៤៩ ទៅ ៥,៨៦ លាន ដែលសមមូលនឹងទូដែលមានទំហំ ២០ ហ្វូតយូនីត (twenty-foot TEUs)។
ខាងក្រោមនេះជាការបង្ហាញនូវកំពង់ផែធំបំផុតលើពិភពលោក ដោយប្រើទិន្នន័យថ្មីបំផុតពី World Shipping Council៖
ក្នុងចំណោមកំពង់ផែទាំង ២០ មានតែកំពង់ផែចំនួន ៥ ប៉ុណ្ណោះដែលនៅក្រៅតំបន់អាស៊ីបូព៌ា និងមានតែកំពង់ផែទីក្រុងឡូសអេនជឺឡេសរបស់សហរដ្ឋអាមេរិកមួយគត់ដែលបានចូលក្នុងកំពូលទាំង ២០។ សព្វថ្ងៃនេះការធ្វើពាណិជ្ជកម្មភាគច្រើនគឺនិយមឆ្លងកាត់តាមសមុទ្រចិនខាងត្បូង។
ការកាត់សេចក្តីលើដែនសមុទ្រ
ទិន្នផលផលិតកម្មរបស់ប្រទេសចិន គឺជាទំនាក់ទំនងដ៏សំខាន់នៅក្នុងខ្សែសង្វាក់ផ្គត់ផ្គង់សកល។ ដើម្បីឲ្យផលិតផលទាំងអស់នោះបានទៅដល់ដៃអ្នកប្រើប្រាស់ និងក្រុមហ៊ុននានាលើពិភពលោក វាជាជំនួញមួយដ៏ធំ ហើយក៏ដូចគ្នាសម្រាប់ទសវត្សរ៍កន្លងមក។ ប្រទេសចិនបានក្លាយជាជើងឯកទម្ងន់ធ្ងន់នៃការដឹកជញ្ជូនពិភពលោក។
ក្រុមហ៊ុន Maersk របស់ប្រទេសដាណឺម៉ាក នៅតែជាអ្នកដឹកជញ្ជូនផ្លូវទឹកធំជាងគេ ចំណែកនៃចរាចរណ៍កុងតឺន័ររបស់ពិភពលោកកំពុងកើនឡើង តាមរយៈកំពង់ផែត្រួតពិនិត្យរបស់ចិន។ តាមការសន្និដ្ឋាន ២ភាគបី នៃការចរាចរកុងតឺន័របានឆ្លងកាត់កំពង់ផែប្រទេសចិន ឬកំពង់ផែដែលមានការវិនិយោគពីចិន។
ក្មេងថ្មីនៅក្នុងប្លុកនេះ
ខណៈដែលទំហំនៃការដឹកជញ្ជូនក្នុងសកលមានមូលដ្ឋានកើនឡើង មិនមែនគ្រប់គ្នាសុទ្ធតែអាចពង្រីកខ្លួនបានទាំងអស់ទេ។ ជាការពិតណាស់ដែលត្រូវបង្កើតឲ្យខ្លួនឯងកា្លយជាអ្នកក្លាហាន ឬបុគ្គលសំខាន់មួយនៅលើដែនសមុទ្រចិនខាងត្បូងជាមុនសិនទើបអាចឈរជើងបានយូរ។ នៅដើមដំបូងនៃសហវត្សនេះ ហុងកុង និង សឹង្ហបុរី ជាកំពង់ផែដែលមមាញឹកជាងគេក្នុងពិភពលោក តែសព្វថ្ងៃនេះអ្នកទាំងពីរនេះកំពុងប្រឈមនឹងការប្រកួតប្រជែង ដែលមានការកើនឡើងជាបន្តបន្ទាប់នូវកំពង់ផែជិតខាងព្រមទាំងការធ្លាក់ចុះបរិមាណឆ្លងកាត់។
ផ្ទុយទៅវិញកំពង់ផែដ៏ធំនៃទីក្រុងសៀងហៃបានកើនឡើង ៧១% ក្នុងទសវត្សចុងក្រោយនេះហើយកំពង់ផែជាច្រើនរបស់ចិនបានកើនឡើងយ៉ាងខ្លាំងក្នុងបរិមាណក្នុងប៉ុន្មានឆ្នាំថ្មីៗនេះ។ បើគំរោង “ខ្សែក្រវ៉ាត់មួយ ផ្លូវមួយ” របស់ចិនជាសូចនករផ្តួចផ្តើម និងវិនិយោគដើម្បីសម្របសម្រួលដល់កំពង់ផែសកល ការគ្របដណ្តប់លើដែនសមុទ្ររបស់ប្រទេសនេះនឹងនៅតែបន្តពង្រឹងក្នុងរយៈពេលខ្លី៕
ដោយ៖ យ៉ាយ៉ា
