ការរីកដុះដាលនៃឧស្សាហកម្មអាហារហាឡាលរបស់ជនជាតិម៉ូស្លីម និងបញ្ហាមួយចំនួន
ក្នុងប្រទេសឥណ្ឌូនេស៊ី ឧស្សាហកម្មនៃម្ហូបអាហារកំពុងមានការរីកដុះដាលខ្លាំងនាពេលបច្ចុប្បន្ន។ ជាក់ស្តែងច្បាប់ក្នុងតំបន់ច្បាប់ស្តីពីការធានាលើផលិតផលអាហារហាឡាល ដែលជាអាហារសម្រាប់ជនជាតិម៉ូស្លីម ត្រូវបានអនុវត្តមុនពេលអតីតប្រធានាធិបតីស៊ូស៊ីឡូបាំបាំងយុទោយ៉ូណូ (Susilo Bambang Yudhoyono) ចុះចាញ់ក្នុងឆ្នាំ ២០១៤។
តម្រូវការច្រើនជាហេតុនៃឱកាសអាជីវកម្មធំ
យោងតាម Global Islamic Economy Report ប្រាប់ទៅ Reuters ថា ការប្រើប្រាស់របស់អ្នកមូស្លីមមានប្រមាណ ១.២ ទ្រីលានដុល្លារទៅលើចំណីអាហារ និងភេសជ្ជៈក្នុងឆ្នាំ ២០១៦។ បន្តទៅដល់ឆ្នាំ ២០២២ តួរលេខនឹងរំពឹងថាមានការកើនឡើងដល់ ១.៩ ទ្រីលានដុល្លារ។ ប្រទេសដែលមានជនជាតិមូស្លីមច្រើនហើយមានការចំណាយខ្ពស់លើចំណីអាហារនិងភេសជ្ជៈមានដូចជា ឥណ្ឌូនេស៊ី (១៦៩.៧ ប៊ីលានដុល្លារ) ទូគី (១២១.១ ប៊ីលានដុល្លារ) ប៉ាគីស្ថាន (១១១.៨ ប៊ីលានដុល្លារ) អេស៊ីប (៨០.៩ ប៊ីលានដុល្លារ) បង់ក្លាដែស (៧១.១ ប៊ីលានដុល្លារ) អ៊ីរ៉ង់ (៥៩ ប៊ីលានដុល្លារ) និង អារ៉ាប់ (៤៨ ប៊ីលានដុល្លារ)។
តាមរបាយការណ៍មួយផ្សេងទៀតពី International Market Analysis Research and Consulting (IMARC) Group បានបង្ហាញថាទីផ្សារម្ហូបអាហារហាឡាលពិភពលោកបានឈានដល់តម្លៃ ១.៤ ទ្រីលានដុល្លារក្នុងឆ្នាំ ២០១៧។ របាយការណ៍នេះបានព្យាករថាតម្លៃទីផ្សារនឹងឈានដល់ ២.៦ ពាន់ពាន់លានដុល្លារនៅត្រឹមឆ្នាំ ២០២៣ និង បង្ហាញពីអត្រាកំណើនប្រចាំឆ្នាំ (CAGR) លើសពី ១១% ក្នុងចន្លោះឆ្នាំ ២០១៨ ទៅ ២០២៣។
បញ្ហាដែលកើតមានចំពោះការផ្គត់ផ្គង់
អ្នកនាំចេញភាគច្រើនមិនមែនជាប្រទេសមូស្លីម Non-Muslim Exporters គឺជាបញ្ហាដែលកំពុងចោទ។ ខណៈដែលអ្នកប្រើប្រាស់ជាជនមូស្លីម តែអ្នកផ្គត់ផ្គង់ភាពច្រើនមិនមែនជាជនមូស្លីមទៅវិញ។ យោងតាមស្ថិតិឆ្នាំ ២០១៦ ពី Dubai Islamic Economic Development Centre បានឲ្យដឹងថា ប្រេស៊ីលជាប្រទេសធំជាងគេបំផុតក្នុងការនាំចេញផលិតផលម្ហូបអាហារហាឡាលក្នុងពិភពលោក ដែលគិតជាទឹកប្រាក់ប្រមាណ ៥.២ ប៊ីលានដុល្លារ បន្ទាប់មកគឺប្រទេសអូស្ត្រាលី ២.៤ ប៊ីលានដុល្លារ ឥណ្ឌា ២.៣ ប៊ីលានដុល្លារ និងបារាំង ០.៨ ប៊ីលានដុល្លារ។ ចុងក្រោយស្ថិតក្នុងលំដាប់លេខ ៦ នោះគឺប្រទេស ស៊ូដង់ ប្រទេសដែលភាគច្រើនកាន់សាសនាម៉ូស្លិម០.៦ ប៊ីលានដុល្លា។
ដោយ៖ យ៉ាយ៉ា
