សិស្សានុសិស្សដែលមិនដឹងថាត្រូវសិក្សាមុខជំនាញអ្វី គួរងាកមើលជំនាញបច្ចេកវិទ្យានេះវិញ
លោក លឹម សង្វារ សហស្ថាបនិកនិងជានាយកប្រតិបត្តិនៃក្រុមហ៊ុនបច្ចេកវិទ្យាArrowdot ជាក្រុមហ៊ុនដំបូងនិងឈានមុខគេមួយនៅកម្ពុជាផ្នែកប្រព័ន្ធបញ្ជាស្វ័យប្រវត្តិឬ automation and robuticsមានទស្សនៈយល់ឃើញថា វិស័យនេះនៅកម្ពុជានាពេលអនាគតនិងមានតម្រូវការខ្ពស់ ដូច្នេះសម្រាប់សិស្សានុសិស្សដែលមិនដឹងថាត្រូវសិក្សាលើជំនាញអ្វីអាចជ្រើសសិក្សាលើមុខជំនាញនេះបាន។
នាយកប្រតិបត្តិរូបនេះលើកឡើងថា បើយើងនិយាយតែអំពីជំនាញវិស្វករតែមួយមុខគឺមានតែ៣ភាគរយប៉ុណ្ណោះសម្រាប់ប្រទេសកម្ពុជាប៉ុន្តែបើមើលលើតម្រូវការវិញគឺមានច្រើនជាង៣ភាគរយដែលយើងមាន។ មួយវិញទៀតជំនាញដែលកាន់តែខ្សត់និងពិបាករកជាងនេះទៅទៀតនោះគឺផ្នែកបច្ចេកវិទ្យាដែលអាចធ្វើ Programing និងអាចធ្វើHardware ជាដើមនេះ ដូច្នេះយុវជននិងសិស្សានុសិស្សគួរតែងាកមកចាប់អាម្មណ៍ឲ្យបានច្រើនលើជំនាញនេះ។
ជាមួយការលើកឡើងខាងលើសហស្ថាបនិកវ័យក្មេងរូបនេះបានចែករម្លែកនូវគន្លឹះមួយចំនួនសម្រាប់ឲ្យយុវសិស្សជំនាន់ក្រោយថា ដោយសារតែជំនាញនេះវាទាមទារឲ្យមានជំនាញផ្នែកបច្ចេកទេសទេសខ្ពស់រួមទាំងផ្គួបផ្សំជាមួយនឹងជំនាញគ្រប់គ្រងផ្សេងៗ ដូច្នេះសិស្សានុសិស្សនៅពេលដែលគាត់កំពុងសិក្សានៅថ្នាក់វិទ្យាល័ឬអនុវិទ្យាល័យគួរតែត្រៀមខ្លួនសិក្សាលើមុខវិជ្ជាគណិតវិទ្យា រូបវិទ្យា និងការគិតស៊ីជំរៅ(critical thinking)ឲ្យបានច្រើន។
សហគ្រិនវ័យក្មេងរូបនេះ សង្ឃឹមថានាពេលអនាគតនឹងមានក្រុមហ៊ុនបច្ចេកវិទ្យាដូចក្រុមហ៊ុនរបស់លោកកាន់តែច្រើន ព្រោះតម្រូវការនាពេលអនាគតសម្រាប់ប្រទេសកម្ពុជានឹងមានកាន់តែច្រើន ដូច្នេះលោកមិនចង់ដើរផ្លូវនេះតែម្នាក់ឯងនោះទេព្រោះបើមានក្រុមហ៊ុនដទៃទៀតធ្វើអាជីវកម្មប្រភេទនេះដែរ នោះនឹងអាចជួយយោងគ្នាទៅវិញទៅមកបាន៕
អត្ថបទដោយ៖ ជួប ស្រីរ័ត្ន
