ចំនុចទាំង ៥ ដែលបង្ហាញថាសាកលភាវូបនីយកម្មផ្តល់ផលប៉ះពាល់ដល់អាជីវកម្មខ្នាតតូច
សាកលភាវូបនីយកម្មគឺជាអ្វីដែលយើងគ្រប់គ្នាតែងបានឮច្រើនសព្វថ្ងៃនេះ វាក៏នៅតែបន្តឮតទៅទៀតនៅពេលដែលមានទំនាក់ទំនងអន្តរជាតិកាន់តែច្រើនឡើងៗ ហើយវាក៏ផ្តល់ជាផលប៉ះពាល់ដល់បរិស្ថានជុំវិញដូចគ្នា។ អ្នកដែលនឹងរងផលប៉ះពាល់ខ្លាំងជាងគេបំផុតនោះគឺ អាជីវកម្មខ្នាតតូចក្នុងតំបន់។ តើសាកលភាវូបនីយកម្មជះឥទ្ធិពលអ្វីខ្លះដល់អាជីវកម្មខ្នាតតូចនេះ?
១) ចូលទៅក្នុងទីផ្សារសាកល
មួយក្នុងចំណោមផលប៉ះពាល់ដែលសាកលភាវូបនីយកម្មលើអាជីវកម្មខ្នាតតូចនោះគឺ គ្រប់អាជីវកម្មទាំងអស់ដែលភ្ជាប់ជាមួយទំនាក់ទំនងអ៊ីនធឺណេតបច្ចុប្បន្ន បាននាំគ្នាចូលទៅក្នុងទីផ្សារសាកល បើអ្នកមិនប្រើអ៊ីនធឺណេតដើម្បីភ្ជាប់ទំនាក់ទំនងជាមួយអតិថិជន ឬអ្នកផ្គត់ផ្គង់ទេ អ្នកអាចនឹងបាត់បង់ចំនូលរបស់អ្នកស្ទើរពាក់កណ្តាលក៏ថាបាន។ ទូរស័ព្ទស្មាតហ្វូន ជាមធ្យោយបាយសំខាន់ និងងាយស្រួលជាងគេក្នុងការជួយអ្នកប្រើប្រាស់ទទួលបានទំនិញឬសេវាកម្មដែលពួកគេត្រូវការ ហើយវាក៏មានសក្តានុពលខ្លាំងដែរ។
២) បុគ្គលិកនៅឆ្ងាយពីក្រុមហ៊ុន
ពេលមានការរួមបញ្ចូលគ្នានៃសាកលភាវូបនីយកម្មគឺបើកចំហរឲ្យមានបុគ្គលិកដែលធ្វើការពីចម្ងាយរួមគ្នា។ ទំនាក់ទំនងរវាងបុគ្គលិកទៅបុគ្គលិក ឬបុគ្គលិកទៅស្ថាប័នអាចនឹងមិនបានជួនមុខគ្នាផ្ទាល់ក៏មានព្រោះពួកគេត្រូវទាក់ទងគ្នាតាមសារអេឡិចត្រូនិច ឬ Video call ដើម្បីធ្វើការងារ។ ពេលខ្លះអាចជាការធ្វើការឆ្លងប្រទេសរវាងការិយាល័យកណ្តាលទៅក្រុមហ៊ុនបុត្រសម្ព័ន្ធ តាមបណ្តាប្រទេសនានា ហើយពេលខ្លះទៀតពួកគេអាចធ្វើការពីផ្ទះ ឬកន្លែងផ្សេងមិនមកការិយាល័យឬក្រុមហ៊ុនក៏មាន។
៣) ការប្រកួតប្រជែងជុំវិញពិភពលោក
បញ្ហាបន្ទាប់គឺការប្រកួតប្រជែង នៅពេលមានសាកលភាវូបនីយកម្មកើនឡើងពីមួយថ្ងៃទៅមួយថ្ងៃ ហើយអាជីវកម្មកាន់តែមានច្រើនឡើងៗ។ ពិតជាប្រសើរណាស់នៅពេលដែលចំនួនអាជីវកម្មកើនឡើងបែបនេះ វាផ្តល់ភាពងាយស្រួលដល់អ្នកប្រើប្រាស់នូវជម្រើសច្រើន ទទួលបាននូវអ្វីដែលគាត់ចង់បានកាន់តែច្រើន។ តែជាក់ស្តែងការបែងចែកចំនែកទីផ្សាររបស់ម្ចាស់អាជីវកម្មឲ្យកាន់តែតិចទៅៗដូចគ្នា។ គាត់មិនអាចបន្តការលក់តាមបែបសាមញ្ញៗដូចលើកមុនបានទេ គាត់ត្រូវមានការឆ្នៃប្រឌិតចំពោះផលិតផល សេវាកម្ម និងទំនាក់ទំនងជាមួយអតិថិជន និងអ្នកផ្គត់ផ្គង់កាន់តែខ្លាំងជាងមុន ជាហេតុនាំឲ្យម្ចាស់អាជីវកម្មត្រូវចំណាយកាន់តែច្រើន ហានិភ័យកាន់តែខ្ពស់។
៤) អាជីវកម្មដែលស្មើភាពគ្នា
ពិតជាត្រូវអរគុណចំពោះសាកលភាវូបនីយកម្មណាស់ដែលនាំភាពស្មើគ្នាចំពោះការធ្វើអាជីវកម្ម ដោយសារការប្រើប្រាស់បច្ចេកវិទ្យាអ៊ីនធឺណេត វាបានធ្វើឲ្យអាជីវកម្មទាំងអស់អាចចូលទៅក្នុងឧបករណ៍ទីផ្សារ (marketing tools) ព័ត៌មានអាជីវកម្ម និងអ្វីៗផ្សេងទៀតរបស់ដៃគូប្រកួតប្រជែង។
៥) កំណើននៃក្រុមហ៊ុនទេសចរណ៍ ចំពោះដំណើរកំសាន្តនេះដែរក៏ជាផ្នែកមួយដែលផ្តល់ផលប៉ះពាល់ដល់អាជីវកម្ម ដោយសារមានការបើកទូលាយនូវវិស័យទេសចរណ៍ទូទាំងពិភពលោក រួមជាមួយតម្លៃនៃការធ្វើដំណើរកាន់តែទាប វាជម្រុញឲ្យអាជីវកម្មពិសេសអ្នកផ្តល់សេវាទេសចរណ៍ត្រូវខាតបង់កម្រៃមួយចំនួន៕
ដោយ៖ យ៉ាយ៉ា
ប្រភព៖ BusinessBlogs
