និស្សិតវ័យក្មេងកម្ពុជាមួយក្រុមរួមគ្នាបង្កើតធុងសម្រាមបច្ចេកវិទ្យាដំបូងគេនៅកម្ពុជា រំពឹងជួយផ្លាស់ប្តូរផ្នត់គំនិតប្រជាជនខ្មែរ
ចំណេះដឹង និងឥរិយាបថរបស់ប្រជាជនខ្មែរ មួយចំនួនទៅលើបញ្ហាសម្រាមហាក់មិនទាន់មានភាពប្រសើរឡើងនៅឡើយ ដែលជារឿយៗ យើងតែងតែសង្កេតឃើញ មានការរិះគន់ជាហូរហែនៅក្នុងបណ្ដាញសង្គម ដែលបានធ្វើឲ្យប៉ះពាល់ខ្លាំងដល់មុខមាត់ប្រទេសជាតិ។ ដោយសម្លឹងឃើញពីបញ្ហាទាំងនេះទើបនិស្សិតវិស្វករកម្ពុជាមួយក្រុមបានរួមគ្នាឆ្នៃប្រឌិតបង្កើតធុងសម្រាមដើរដោយបច្ចេកវិទ្យាឆ្លាតវៃដំបូងគេនៅកម្ពុជា ក្នុងគោលបំណងជួយកែប្រែផ្នត់គំនិត និងរួមចំណែកក្នុងការអភិវឌ្ឍប្រទេសជាតិ។
កញ្ញា គឹម ច័ន្ទអម្រឹតវត្តី សហស្ថាបនិកនៃធុងសម្រាមឆ្លាតវៃ Smart Bin Cambodia បានលើកឡើងថា គម្រោងបង្កើតធុងសម្រាមឆ្លាតវៃដែលក្រុមស្ថាបនិកវ័យក្មេងរបស់Smart Binកំពុងតែធ្វើនេះគឺជារបកគំហើញថ្មីមួយ ដែលបង្កើតឡើងក្នុងគោលបំណងចង់ជួយផ្លាស់ប្ដូរនូវផ្នត់គំនិតក៏ដូចជាឥរិយាបថរបស់ប្រជាជនខ្មែរ ព្រោះថាចំណេះដឹងផ្នែកបរិស្ថានរបស់ពួកគាត់នៅមានកម្រិតនៅឡើយ ជាពិសេសគឺចង់បង្ហាញដល់យុវជនជំនាន់ក្រោយឲ្យពួកគាត់យល់ដឹងពីការគ្រប់គ្រងសម្រាម និងការប្រើប្រាស់សម្រាមជាមួយនឹង Smart Bin នេះ។
កញ្ញាវត្តីបានបន្តថា គោលបំណងពិសេសមួយទៀតនៃ Smart Binគឺចង់ប្រើប្រាស់បច្ចេកវិទ្យាជួយដោះស្រាយបញ្ហាដែលយើងតែងតែជួបប្រទះនៅក្នុងសង្គមសព្វថ្ងៃ ដូច្នេះ Smart Bin ឬធុងសម្រាមឆ្លាតវៃនេះអាចជារបស់មួយដែលជួយឲ្យប្រទេសកម្ពុជាយើងក្លាយទៅជាប្រទេសឆ្លាតវៃ ឬទីក្រុងឆ្លាតវៃ។
លក្ខណៈពិសេសរបស់Smart Bin គឺនៅពេលដែលប្រជាជនបោះសម្រាមចូលក្នុងធុងនោះពួកគាត់នឹងអាចទទួលបាននូវរង្វាន់លើកទឹកចិត្តនានា។ ពិសេសជាងនេះទៅទៀតដោយសារតែ Smart Bin ជាធុងសម្រាមដែលឆ្នៃដោយបច្ចេកវិទ្យាខ្ពស់ និងជារបកគំហើញថ្មីមួយដែលអាចឆ្លើយតបជាមួយនឹងបញ្ហាសម្រាមដែលយើងជួបប្រទះសព្វថ្ងៃ ទើបធ្វើឲ្យ Smart Binទទួលបានជ័យលាភីជាហូរហែ មានដូចជា ទទួលបានជ័យលាភីលេខ១ក្នុងកម្មវិធី French Cambodia Research day Cambodia and Youth Eco Lab, ទទួលបានជ័យលាភីលេខ២ ក្នុងកម្មវិធី Techno Innovation Challenge ព្រមទាំងទទួលបានជ័យលេភីក្នុងកម្មវិធី Toyota Impact Challeng។
កញ្ញាបានបញ្ជាក់ផងដែរថា គម្រោងនេះគឺក្រុមស្ថាបនិកក៏បានយកទៅកាន់ក្រសួងមួយចំនួនដូចជា ក្រសួងទេសចរណ៍ ក្រសួងបរិស្ថាន និងគណៈកម្មាជាតិវាយតម្លៃទីក្រុងស្អាត ដោយក្រសួងបានសម្ដែងនូវក្ដីរីករាយនិងបើកចំហរជានិច្ចសម្រាប់ការចូលរួម។ ហើយក្នុងនោះក្រសួងបរិស្ថាន និងគណកម្មាជាតិវាយតម្លៃទីក្រុងស្អាតក៏បានផ្ដល់ថវិកាមួយចំនួនជាជំនួយនៅក្នុងការផលិត ព្រមទាំងបានចូលរួមគាំពារក្នុងគម្រោងនេះផងដែរ។ ដូច្នេះអ្វីដែលក្រុមស្ថាបនិកត្រូវធ្វើគឺព្យាយាមប្រតិបត្តិការឲ្យគម្រោងនេះទៅមុខ ទើបក្រសួងពាក់ព័ន្ធនានានឹងជួយតាមក្រោយបន្ថែមទៀត៕
អត្ថបទ៖ ជួប ស្រីរ័ត្ន
កញ្ញា គឹម ច័ន្ទអម្រឹតវត្តី សហស្ថាបនិកនៃធុងសម្រាមឆ្លាតវៃ Smart Bin Cambodia បានលើកឡើងថា គម្រោងបង្កើតធុងសម្រាមឆ្លាតវៃដែលក្រុមស្ថាបនិកវ័យក្មេងរបស់Smart Binកំពុងតែធ្វើនេះគឺជារបកគំហើញថ្មីមួយ ដែលបង្កើតឡើងក្នុងគោលបំណងចង់ជួយផ្លាស់ប្ដូរនូវផ្នត់គំនិតក៏ដូចជាឥរិយាបថរបស់ប្រជាជនខ្មែរ ព្រោះថាចំណេះដឹងផ្នែកបរិស្ថានរបស់ពួកគាត់នៅមានកម្រិតនៅឡើយ ជាពិសេសគឺចង់បង្ហាញដល់យុវជនជំនាន់ក្រោយឲ្យពួកគាត់យល់ដឹងពីការគ្រប់គ្រងសម្រាម និងការប្រើប្រាស់សម្រាមជាមួយនឹង Smart Bin នេះ។
កញ្ញាវត្តីបានបន្តថា គោលបំណងពិសេសមួយទៀតនៃ Smart Binគឺចង់ប្រើប្រាស់បច្ចេកវិទ្យាជួយដោះស្រាយបញ្ហាដែលយើងតែងតែជួបប្រទះនៅក្នុងសង្គមសព្វថ្ងៃ ដូច្នេះ Smart Bin ឬធុងសម្រាមឆ្លាតវៃនេះអាចជារបស់មួយដែលជួយឲ្យប្រទេសកម្ពុជាយើងក្លាយទៅជាប្រទេសឆ្លាតវៃ ឬទីក្រុងឆ្លាតវៃ។
លក្ខណៈពិសេសរបស់Smart Bin គឺនៅពេលដែលប្រជាជនបោះសម្រាមចូលក្នុងធុងនោះពួកគាត់នឹងអាចទទួលបាននូវរង្វាន់លើកទឹកចិត្តនានា។ ពិសេសជាងនេះទៅទៀតដោយសារតែ Smart Bin ជាធុងសម្រាមដែលឆ្នៃដោយបច្ចេកវិទ្យាខ្ពស់ និងជារបកគំហើញថ្មីមួយដែលអាចឆ្លើយតបជាមួយនឹងបញ្ហាសម្រាមដែលយើងជួបប្រទះសព្វថ្ងៃ ទើបធ្វើឲ្យ Smart Binទទួលបានជ័យលាភីជាហូរហែ មានដូចជា ទទួលបានជ័យលាភីលេខ១ក្នុងកម្មវិធី French Cambodia Research day Cambodia and Youth Eco Lab, ទទួលបានជ័យលាភីលេខ២ ក្នុងកម្មវិធី Techno Innovation Challenge ព្រមទាំងទទួលបានជ័យលេភីក្នុងកម្មវិធី Toyota Impact Challeng។
កញ្ញាបានបញ្ជាក់ផងដែរថា គម្រោងនេះគឺក្រុមស្ថាបនិកក៏បានយកទៅកាន់ក្រសួងមួយចំនួនដូចជា ក្រសួងទេសចរណ៍ ក្រសួងបរិស្ថាន និងគណៈកម្មាជាតិវាយតម្លៃទីក្រុងស្អាត ដោយក្រសួងបានសម្ដែងនូវក្ដីរីករាយនិងបើកចំហរជានិច្ចសម្រាប់ការចូលរួម។ ហើយក្នុងនោះក្រសួងបរិស្ថាន និងគណកម្មាជាតិវាយតម្លៃទីក្រុងស្អាតក៏បានផ្ដល់ថវិកាមួយចំនួនជាជំនួយនៅក្នុងការផលិត ព្រមទាំងបានចូលរួមគាំពារក្នុងគម្រោងនេះផងដែរ។ ដូច្នេះអ្វីដែលក្រុមស្ថាបនិកត្រូវធ្វើគឺព្យាយាមប្រតិបត្តិការឲ្យគម្រោងនេះទៅមុខ ទើបក្រសួងពាក់ព័ន្ធនានានឹងជួយតាមក្រោយបន្ថែមទៀត៕
អត្ថបទ៖ ជួប ស្រីរ័ត្ន
