ប្រទេសឥណ្ឌាគឺជាប្រទេសដែលមានការរីកចម្រើនខាងផ្នែកសេដ្ឋកិច្ច ​ហើយក៏ជា​ប្រទេសដែលជាមជ្ឈមណ្ឌលប្រមូលផ្ដុំទៅក្រុមហ៊ុនបច្ចេកវិទ្យាធំៗផងដែរ។ ប្រទេសដែលមានប្រជាជនច្រើនលំដាប់លេខពីរមួយនេះសម្បូរទៅដោយធនធានមនុស្សដែលមានចំណេះដឹងខាងផ្នែកបច្ចេកវិទ្យា IT ដោយនិស្សិតដែលបានបញ្ចាប់ខាងផ្នែកបច្ចេកវិទ្យា (IT) បានកើនឡើងជាង​៧%ជារៀងរាល់ឆ្នាំ។

ប្រហែលដោយសារមូលហេតុនេះហើយទើបក្រុមហ៊ុនបច្ចេកវិទ្យាធំៗជាច្រើនបានសម្រុកមកប្រមូលផ្ដុំគ្នានៅក្នុងប្រទេសឥណ្ឌា។ ក្រុមហ៊ុនដែលចូលមកតាំងទីតាំងខ្លួននៅក្នុងប្រទេសឥណ្ឌាសុទ្ធតែជាក្រុមហ៊ុនដែលមិនត្រឹមតែធ្វើឲ្យបុគ្កលិកចង់ធ្វើការជាមួយនោះ ប៉ុន្តែក្រុមហ៊ុនទាំងនោះផ្ដល់តម្លៃ និងអត្ថប្រយោជន៍ទៅឲ្យបុគ្កលិកដែលធ្វើការក្នុងក្រុមហ៊ុនរបស់ពួកគេបន្ថែមទៀត។ លើសពីនេះទៀត គ្រប់ក្រុមហ៊ុនទាំងអស់សុទ្ធតែមានកម្មវិធីបង្វឹកភាពជាអ្នកដឹកនាំទៅដល់បុគ្កលិករបស់ខ្លួន។ ខាងក្រោមនេះគឺជាក្រុមហ៊ុនបច្ចេកវិទ្យាធំៗទាំង ១០ ដែលមានទីតាំងនៅក្នុងប្រទេសឥណ្ឌា៖

១០. Cognizant Technology Solutions

Cognizant Technology Solutions ជាក្រុមហ៊ុន ដែលផ្ដល់សេវាកម្ម IT ដែលមាន​ដូចជា ប្រព័ន្ធឌីជីថល ប្រព័ន្ធតិចឡូជី សេវាកម្មប្រឹក្សាយោបល់ និងសេវាកម្មប្រតិបត្ដិការផ្សេងៗ។

៩. HP

ក្រុមហ៊ុនបច្ចេកវិទ្យា HP បានបង្កើតឡើងក្នុងឆ្នាំ ១៩៣៩ និង ក្នុង២០១៥ បានបំបែកខ្លួនជាពីរ​។ ក្រុមហ៊ុន HO ជាក្រុមហ៊ុនដែលបង្កើតកុំព្យូទ័រ ម៉ាស៊ីនព្រីន និង 3D Printing Solution។ចំណែកក្រុមហ៊ុនមួយទៀតគឺផ្ដោតទៅលើសេវាកម្មជំនួញ និង សេវាកម្មហិរញ្ញវត្ថុ។

៨. SAP

SAP ជាប្រភេទក្រុមហ៊ុនដែលបង្កើតកម្មវិធីកុំព្យូរទ័រដើម្បីគ្រប់គ្រងប្រតិបតិ្ដការរបស់អាជីវកម្ម និង​ កម្មវិធីគ្រប់គ្រងព័ត៌មានអតិថិជន។

៧. Microsoft

Microsoft ជាក្រុមហ៊ុនដែលបង្កើតកម្មវិធីសម្រាប់កុំព្យូទ័រ។ ផលិតផលរបស់ក្រុមហ៊ុននេះត្រូវបានគេទទួលស្គាល់ច្រើនបំផុតរួមមានប្រព័ន្ធប្រតិបត្ដិការ Microsoft Windows និង កម្មវិធី Internet Explorer។

៦. Cisco

Cisco ជាក្រុមហ៊ុនផ្គត់ផ្គង់ផលិតផល ប្រព័ន្ធ Networking Hardware និង ឧបករណ៍ទូរគមនាគមន៍។ ក្រុមហ៊ុនមួយនេះក៏មានក្រុមហ៊ុនបុត្រសម្ព័ន្ធមួយចំនួនដែលពាក់ព័ន្ធនឹងទីផ្សារសេវាកម្មបច្ចេកវិទ្យាផងដែរ។

៥. Tata Consultancy Services (TCS)

Tata Consultancy Services គឺជាក្រុមហ៊ុនផ្ដល់សេវាកម្មព័ត៌មានវិទ្យា ពិគ្រោះយោបល់និងផ្ដល់ដំណោះស្រាយផ្នែកអាជីវកម្ម។ ជាក្រុមហ៊ុនបុត្រសម្ព័ន្ធរបស់ក្រុមហ៊ុន Tata Group ដែលមានក្រុមហ៊ុនពហុជាតិដែលមានសហគ្រាសធុនធំចំនួន 29 ដែលរួមមានក្រុមហ៊ុន Tata Steel ក្រុមហ៊ុន Tata Motors ដែលជាម្ចាស់ក្រុមហ៊ុន Jaguar Land Rover និងក្រុមហ៊ុន Tata Communications ។

៤. IBM

IBM បង្កើតឡើងជាងមួយសតវត្សន៍មកហើយ ជាក្រុមហ៊ុនដែលផលិតនិងផ្គត់ផ្គង់គ្រឿងកុំព្យូរទ័រ ជាក្រុមហ៊ុនបង្កើតឡើងក្នុងសហរដ្ឋអាមេរិក ដែលមានឈ្មោះជាពេញថា​ International Business Machines ដែលចាប់កំណើតតាំងពីឆ្នាំ ១៩២៤មកម្លេះ។ អាជីវកម្មស្នូលរបស់ក្រុមហ៊ុននេះផ្តោតលើការផលិតHardware  middleware និង software ក៏ដូចជាផ្តល់ជូននូវសេវា Hosting  និងពិគ្រោះយោបល់។

៣. Intel

Intel គឺជាក្រុមហ៊ុនបច្ចេកវិទ្យាមួយដែលមានជំនាញក្នុងការផលិតផលិតផងដែលទាក់ទងនឹងកុំព្យូរទ័ររួមមាន Microprocessors និងបន្ទះឈីប Semiconductor។

២. Amazon

ក្រុមហ៊ុន Amazoneគឺជាអាជីវកម្មអេឡិចត្រូនិច (E-commerce)។ មុនដំបូងចាប់ផ្តើមពីហាងលក់សៀវភៅអនឡាញ ប៉ុន្តែឥឡូវនេះមានលក់ផលិតផលនិងសេវាកម្មជាច្រើន ដូចជាផលិតអេឡិចត្រូនិកជាដើម។ ថ្មីៗនេះក្រុមហ៊ុនបានបើកហាងលក់គ្រឿងទេសតាមអនឡាញនៅសហរដ្ឋអាមេរិក។

១. Google

Google គឺជាក្រុមហ៊ុនបច្ចេកវិទ្យាមួយដែលផ្តោតលើសេវាកម្មនិងផលិតផលទាក់ទងនឹងអ៊ីនធឺណេត។ ផលិតផលទាំងនោះរួមមានម៉ាស៊ីនស្វែងរក (search engine), cloud computing ការផ្សព្វផ្សាយពាណិជ្ជកម្ម, software និង hardware ជាដើម៕

ដោយ៖ ច័ន្ទលាភ
ប្រភព៖ CNBC