ក្រុមហ៊ុន​អេឡិចត្រូនិក​ចិន Keruo TV ​ថ្មីៗ​នេះ ទើប​បាន​ផលិត​ចេញ​ម៉ាស៊ីន​បញ្ចាំង​ស្លាយដ៍​ឆ្លាតវៃ​ទំហំ​តូច​សម្រាប់​ដាក់​តាម​ខ្លួន (portable smart projector) ​ដែល​មាន​ឈ្មោះ​ថា Keruo L7។ Projector រាង​តូច​ច្រឡឹង Keruo L7 នៅ​សប្ដាហ៍​នេះ​ត្រូវ​បាន​លើក​គម្រោង​ឡើង​នៅ​លើ​គេហទំព័រ​ Indiegogo ដើម្បី​ស្វែងរក​មូលនិធិ សម្រាប់​ផលិត​លក់​នៅ​លើ​ទីផ្សារ ទៅតាម​តម្រូវការ។

​KRUO L7 Smart Pico Projector តូច​នេះ នឹង​មាន​លក់​ក្នុង​តម្លៃ​ចាប់ពី ២៩៩ដុល្លារ ដែល​នឹង​ចាប់ផ្ដើម​ចែកចាយ​លក់​ក្នុង​អំឡុង​ខែ​មិថុនា ខាង​មុខ។ សូម​ទស្សនា​វីដេអូ​បង្ហាញ​លំអិត​អំពី​ការ​ប្រើប្រាស់​ម៉ាស៊ីន​បញ្ចាំង​ស្លាយដ៍​ឆ្លាតវៃ​ប្រភេទ Portable នេះ https://youtu.be/bKofn4rw1E4 KERUO L7 ​គឺ​ជា Projector ​ស្រួល​យក​តាម​ខ្លួន​បំផុត (super portable) ដែល​ត្រូវ​បាន​ផលិត​មាន​លក្ខណៈ​ពិសេស​ឆ្លាតវៃ និង​មាន​ថ្ម (battery) នៅ​ក្នុង​នោះ​ស្រាប់ ស្រួល​យក​ប្រើ​តាម​ខ្លួន។ ការ​ឌីហ្សាញ​នៅ​លើ​កូន Projector នេះ មាន​លក្ខណៈ​ហាប់​ណែន​មុំា​ល្អ រាង​បួន​ជ្រុង ទ្រវែង។ តាមរយៈ KERUO L7 នឹង​ផ្ដល់​ភាព​ងាយស្រួល​ដល់​លោក​អ្នក​ក្នុង​ការ​ធ្វើ​បទបង្ហាញ​ផ្សេងៗ ទស្សនា​វីដេអូ​បាន​ទូលាយ និង​លេង​ហ្គេម​បាន​យ៉ាង​ជក់ចិត្ត៕

ប្រែ​សម្រួល៖ រឹទ្ធិរាជ ប្រភព៖ Indiegogo