ដើម្បីបញ្ចៀសពីការឆ្លងមេរោគនានា នៅកន្លែងធ្វើការ ដោយមើលមិនឃើញ អ្នកត្រូវតែដឹងឲ្យបានច្បាស់ថា តើកន្លែងណាខ្លះអាចបង្កមេរោគដល់អ្នក។ ខាងក្រោមនេះជាអ្វីដែលអ្នកត្រូវដឹង៖ ១) កន្លែងលាងដៃ៖ កន្លែងលាងដៃនេះហើយ ត្រូវបានដឹងថា ជាប្រភពដែលមានមេរោគច្រើនជាងគេបំផុត។ ហើយកន្លែងនេះគឺជាប្រភពនៃការចម្លងមេរោគដ៏សម្ងាត់ទៅអ្នក ប្រសិនបើអ្នកមិនមានការចាប់អារម្មណ៍ឲ្យបានខ្លាំងពីវាទេនោះ។ ២) ម៉ាស៊ីនថតចម្លង៖ ស្នាមម្រាមដៃជាច្រើន ត្រូវបានចុចលើប៊ូតុងនៃម៉ាស៊ីនថតចម្លងនោះ ជារៀងរាល់ថ្ងៃ ហេតុនេះហើយមេរោគក៏បានប្រមូលផ្ដុំនៅទីនោះផងដែរ។ ហើយបើអ្នកចង់បង្ការការឆ្លងមេរោគពីកន្លែងនោះ អ្នកត្រូវប្រើប្រាស់ក្រដាស អនាម័យ ដើម្បីជូតសម្អាតប៊ូតុងនោះជាមុនសិនមុននឹងប្រើប្រាស់វា។ ៣) តុ៖ អ្នកប្រហែលជាមិនចាប់អារម្មណ៍ថាតុរបស់អ្នកបណ្ដុំទៅដោយមេរោគនោះទេ។ តែតុនេះផងដែរ ជាកន្លែងដែលសំបូរទៅដោយមេរោគនិងបាក់តេរីច្រើនជាងក្នុងបន្ទប់ទឹកទៀតផង។ ៤) កៅអី៖ អ្នកប្រហែលជាមិនដឹងទេថា ផ្នែកខាងក្រោយនៃកៅអីដែលអ្នកផ្អែកវារាល់ថ្ងៃ គឺសំបូរទៅដោយបណ្ដុំបាក់តេរីជាច្រើនរាប់មិនអស់។ ៥) ក្ដារវាយអក្សរលើកុំព្យូទ័រអ្នក៖ អ្នកក៏អាចឆ្លងមេរោគនានាតាមរយៈការប្រើប្រាស់ ក្ដារវាយអក្សរលើកុំព្យូទ័រនេះផងដែរ។ ដូចនេះប្រសិនបើអ្នកប្រើប្រាស់វារួចរាល់ហើយ អ្នកគួរលាងសម្អាតដៃឲ្យបានស្អាតល្អ ព្រោះ កង្វះអនាម័យនឹងធ្វើឲ្យអ្នកកើតជំងឺផ្សេងៗ ជាពិសេសជំងឺផ្ដាសាយ៕ ប្រែសម្រួល៖ ព្រំ សុវណ្ណកណ្ណិកា ប្រភព៖www.cheatsheet.com