មេរៀន ៥យ៉ាងដែលអ្នកគួរសូត្រពីគន្លឹះជោគជ័យក្នុងជីវិតលោក Bill Gates និង លោក Mark Cuban
លោក Bill Gatesមហាសេដ្ឋីអាមេរិក មិនបានរង់ចាំឱកាសរត់មករកគាត់នោះទេ។ លោកធ្វើការយ៉ាងលំបាកក្នុងអាជីពការងារ រហួតទទួលបានជោគជ័យធំធេងក្នុងជីវិត។
យើងទាំងអស់គ្នាតែងតែឃើញនិងឮពីលោក Mark Cuban ហើយមានមនុស្សជាច្រើនធ្លាប់ឆ្ងល់ថា អ្វីដែលធ្វើឱ្យលោក Mark Cuban ទទួលបានជោគជ័យខ្លាំងក្នុងជីវិត៖
១) ពួកគេស្រឡាញ់ក្ដីសុបិន និង គំនិតរបស់ពួកគេ
លោក Bill Gates ជាសហគ្រិនមួយរូបដែលមានគំនិត ចំណង់ចំណូលចិត្ត ហើយខំធ្វើការឆ្ពោះទៅរកការកំណត់របស់គាត់។ លោក Bill Gates ស្រឡាញ់ អំពីប្រព័ន្ធកុំព្យូទ័រនិងកម្មវិធី។ ដូច្នេះ គាត់បានយកពេលវេលាសល់ពីការសិក្សា រៀនអំពីម៉ាស៊ីនបន្ថែម។ គាត់មិនបានអង្គុយទំនេរចោល ហើយរង់ចាំឱកាសនោះទេ។ ចំណែកលោក លោក Mark Cuban ក៏ដូច្នោះដែរ ពោលគឺ លោកបានខិតខំយ៉ាងខ្លាំងដើម្បីឲ្យគំនិត និង ក្តីសុបិនរបស់ខ្លួនក្លាយជាការពិត។
២) គ្មាននរណាបង្ខំ
វាគឺជាការស្រឡាញ់ និង ចំណង់ចំណូលចិត្ត ដែលពួកគេចង់ធ្វើ ដូច្នេះហើយបានជាមហាសេដ្ឋីទាំងពីររួប អាចជម្នះរាល់ឧបសគ្គផ្សេងៗបានជាបន្តបន្ទាប់។ ប្រសិនបើ អ្វីដែលពួកគេធ្វើនោះ គឺសុទ្ធតែធ្វើឡើងដោយសារតែការបង្ខំនោះ ទោះជោគជ័យក៏ជោគជ័យមានរយៈពេលខ្លី និង មានទំហំតូចដែរ។
៣) ពួកគេមានគម្រោងដែលអាចសម្រេចបាន
សហគ្រិនដែលខ្លាំងដូចលោក Bill Gates មិនមានគម្រោងដែលមិនអាចសម្រេចបាន និង មិនសមហេតុផលនោះទេ។ លោក Mark Cuban មិនបានចាកចេញពីអាជីវកម្មរបស់គាត់ទៅ វិនិយោគកន្លែងមួយផ្សេងទៀតដោយមិនគិតនោះឡើយ។ លោកបានធ្វើអ្វីគ្រប់យ៉ាងដែលគាត់អាចសម្រេចបាន និងរៀបចំពេលវេលាសម្រាប់អាជីវកម្មថ្មីរបស់គាត់។
៤)ពួកគាត់មិនបានដើរផ្លូវកាត់នោះទេ
សហគ្រិនដែលជោគជ័យ ខ្វាយខ្វល់ណាស់អំពីចំណង់ចំណូលចិត្តរបស់ពួកគេ។ លោក Bill Gates អាចរៀននៅថ្នាក់ Upper-intermediate ប៉ុន្តែលោកបានស្នើសុំឪពុកម្ដាយរបស់គាត់ ឱ្យដាក់គាត់នៅកន្លែងធ្វើការមួយ។ ទោះជាយ៉ាងណាក៏ដោយ លោកមិនបានជ្រើសរើសផ្លូវដែលស្រួលនោះទេ លោកព្យាយាម និង ខិតខំប្រឹងប្រែងនៅកិច្ចការរបស់គាត់រហូតដល់សម្រេចនូវក្ដីសុបិនរបស់គាត់។
៥)ពួកគាត់ជឿជាក់លើខ្លួនឯង
មនុស្សដែលទទួលបានជោគជ័យមានជំនឿនិងការជឿជាក់លើខ្លួនគេ។ ពួកគេមិនមានថា អារម្មណ៍បាក់ទឹកចិត្ត បើជាខំអស់ពីលទ្ធភាពដើម្បីសម្រេចនូវគោលបំណងរបស់ពួកគេ។ ការមានជំនឿលើខ្លួនឯងគឺជាគន្លឹះដ៏សំខាន់ដើម្បីជោគជ័យ៕
ប្រែសម្រួល៖ អ៊ឺងមួយយូ
ប្រភព ៖ www.addicted2success.com
