ហេតុផល៥សំខាន់ៗយ៉ាងដែលអ្នកគួរចាប់ផ្ដើមជំនួញអនឡាញនៅថ្ងៃនេះ
បើសិនបើ អ្នកមានគំនិតចង់ធ្វើការផ្លាស់ប្ដូរជីវិតរបស់ខ្លួន អ្នកគួរចាប់ផ្ដើមអាជីវកម្មអនឡាញនៅថ្ងៃនេះ។ បើអ្នកនៅតែមិនជឿថា នេះជាពេលដែលគួរចាប់ផ្ដើមទេ ហេតុផលទាំងនេះនឹងបង្ហាញផ្លូវ៖
១) អ្នកជាថៅកែខ្លួនឯង ៖ នេះក៏ជាមូលហេតុចម្បងដែលអ្នកគួរចាប់ផ្ដើមអាជីវកម្មអនឡាញ។ វាមិនមានអ្វីប្រសើរជាងធ្វើចៅហ្វាយខ្លួនឯងនោះទេ ព្រោះគ្មាននរណាមកត្រួតអ្នកទៀតឡើយ។
២)អ្នកមិនចាំបាច់ព្រួយបារម្ភពីការបាត់បង់ពីការងារ ៖ ការងារគឺជាផ្នែកមួយដ៏សំខាន់ក្នុងជីវិតរបស់អ្នក ហើយអ្នកត្រូវការការងារល្អ ដើម្បីមានស្ថិរភាពនៅក្នុងជីវិត។ ដោយការចាប់ផ្ដើមអាជីវកម្មអនឡាញផ្ទាល់ខ្លួនខ្លួននេះ អ្នកមិនភ័យថាមានអ្នកណាចង់បណ្ដេញអ្នកចេញពីការងារឡើយ។
៣) អ្នកអាចធ្វើតាមចំណង់ចំណូលចិត្ត ៖ ការចាប់ផ្ដើមអាជីវកម្មផ្ទាល់ខ្លួននេះ អ្នកធ្វើអ្វីគ្រប់យ៉ាងតាមដែលអ្នកចង់ធ្វើនៅក្នុងជីវិតរបស់អ្នក។
៤)អ្នកអាចធ្វើការកន្លែងណាក៏បាន ៖ រឿងដែលល្អអំពីអាជីវកម្មអនឡាញ គឺថាអ្នកអាចធ្វើវានៅគ្រប់ទីកន្លែងដែលអ្នកចង់ធ្វើ។ អ្នកមិនចាំបាច់ព្រួយបារម្ភអំពី ដំណើរកម្សាន្តរបស់អ្នក អ្វីដែលត្រូវការគឺកុំព្យូទ័រមួយដែលអាចភ្ជាប់នឹងប្រព័ន្ធអ៊ីនធឺណិត នោះអ្នកអាចនឹងឆ្លើយតបបញ្ហា បានយ៉ាងងាយស្រួល ។
៥) អ្នកមានសេរីភាពជាងមុន ៖ ចង់ដើរលេងជាមួយមិត្តភ័ក្ដិមែនទេ? ចង់ទៅសន្និសីទមែនទេ? អ្នកអាចធ្វើលើសពីទៅទៀត បើសិនអ្នកជាថៅកែរបស់ខ្លួនឯង ។ អ្នកផ្លាស់ប្ដូរកាលវិភាគរបស់អ្នក ហើយធ្វើការសម្រេចចិត្តនោះជាការស្រេច។
ប្រែសម្រួល ៖ អ៊ឺង មួយយូ
ប្រភព ៖ www.income.com
