នៅ​លើ​ស្មាតហ្វូន​ទំនើប​ស៊េរី​ចុងក្រោយ​ទាំងពីរ​របស់ Samsung គឺ Galaxy S7 និង S7 edge ​បំពាក់​ដោយ​មុខងារ Always On Display ​ជា​ពិសេស អាច​មើល​ម៉ោង​ពេល​ ឬ​សារ​ក្រើនរំលឹក​ផ្សេងៗ លើ​អេក្រង់ ដោយ​មិន​ចាំបាច់​បើក​សោ​ទូរស័ព្ទ​ឡើយ។ យ៉ាងណា ដោយសារ​មុខងារ​នេះ គេ​ឃើញ​ដំណើរការ​ជាប់​នៅ​លើ​ផ្ទៃ​អេក្រង់​នោះ ម៉្លោះ​ហើយ​មាន​ការ​ព្រួយបារម្ភ​ថា ខ្លាច​ស៊ី​ថ្ម ឆាប់​ធ្វើ​ឱ្យ Galaxy ឆាប់​អស់​ថ្ម។ តែ​កុំ​មាន​ការ​យល់​ខុស លោក​អ្នក​នឹង​យល់​ដឹង​ច្បាស់​ពី​តម្រូវការ​ប្រើប្រាស់​ថាមពល​ថ្ម​យ៉ាង​តិច​ជាមួយ​មុខងារ​នេះ តាម​រយៈ​ការ​ធ្វើតេស្ត និង​បង្ហាញ​តាម​ក្រាប​ខាង​ក្រោម៖ https://youtu.be/shbjTXIFMjU

បើ​មើល​តាម​ក្រាប​ទី១ នេះ​បង្ហាញ​ថា មុខងារ Always-On Display ដែល​បាន​បើក​ប្រើ​នៅ​លើ Galaxy S7 Edge ​អស់​រយៈពេល ១៨ម៉ោង គឺ​បាន​ចំណាយ​ថាមពល​ថ្ម​អស់​ត្រឹមតែ ២,៦៥% ប៉ុណ្ណោះ។

ចំណែក​ក្រាបទី២ បង្ហាញ​ការ​ធ្វើតេស្ត​បើក Always-On Display ​រយៈពេល ១៨ម៉ោង​ដូច​គ្នា ឃើញ​ថា មុខងារ​នេះ​ស៊ី​ថ្ម​អស់​ត្រឹមតែ ០,១៤% ប៉ុណ្ណោះ។ បើ​បើក Always-On Display អម​ដោយ​ការ​ប្រើ​ពន្លឺ​អេក្រង់​ខ្សោយ (Low Brightness) នៅ​ពេល​យប់​វិញ គឺ​អស់ ១០,៦៧%។ ចំណែក​ការ​បើក​ប្រើ Always-On Display ​អម​ដោយ​ការ​បើក​ពន្លឺ​ខ្លាំង (High Brightness) គឺ​ប្រើ​ថ្ម​អស់ ១១,៦៤% ក្នុង​រយៈពេល ១៨ម៉ោង​ដូច​គ្នា។

រីឯ​ក្រាប​ទី៣ បង្ហាញ​ឱ្យ​ឃើញ ​ការ​ធ្វើតេស្ត​បើក Always-On Display រយៈពេល ១ម៉ោង​ស៊ី​ថ្ម​អស់​ត្រឹមតែ ០,០០៨% ក្នុង​មួយ​ម៉ោង​ប៉ុណ្ណោះ។ ចំពោះ​ការ​បើក Always-On Enabled អម​ដោយ Low Brightness វិញ​គឺ​ស៊ី​ថ្ម​អស់ ០,៥៩៣% ក្នុង​មួយ​ម៉ោង។ បើ​ប្រើ​ដល់ Always-On Enabled និង High Brightness វិញ​គឺ​អស់​តែ ០,៦៤៧% ក្នុង​មួយ​ម៉ោង៕