រឿង៣យ៉ាងខ្លីៗ ដែលអ្នកគួរតែធ្វើបើសិនចង់ក្លាយជានាយកប្រតិបត្តិវ័យក្មេង
នរណាៗក៏ចង់ក្លាយជានាយកប្រតិបត្តិនៃក្រុមហ៊ុនដ៏ជោគជ័យមួយដែរ ក៏ប៉ុន្តែអ្នកទាំងនោះមិនដឹងថាត្រូវធ្វើយ៉ាងណានោះទេ។ ខាងក្រោមនេះ ជាចំណុច៣ខ្លីៗដែលជួយឲ្យអ្នកអាចក្លាយជានាយកប្រតិបត្តិមុនអាយុ ៣០ឆ្នាំបាន៖
១) បង្កើតក្រុមដ៏រឹងមាំមួយ៖ អ្នកគួរតែព្យាយាមព័ទ្ធខ្លួនឯងដោយអ្នកមានចំណេះដឹងខ្ពស់ បទពិសោធន៍ច្រើន និងចិត្តគំនិតល្អវិជ្ជមានជាដើម ដែលនេះជួយដល់ការអភិវឌ្ឍខ្លួនអ្នកផ្ទាល់ឲ្យក្លាយទៅជាមនុស្សម្នាក់មានសមត្ថភាពខ្ពស់ និងរឹងមាំហើយ។ ទំនាក់ទំនងរបស់អ្នកនឹងមានភាពបរិសុទ្ធល្អដោយសារតែអ្នកសម្បូរទៅដោយមនុស្សល្អនៅជុំវិញខ្លួន។
២) ស្គាល់ពីចំណុចវិជ្ជមាននិងចំណុចអវិជ្ជមានឲ្យបានច្បាស់៖ មិនថាស្ថិតនៅក្នុងស្ថានភាពបែបណាក៏ដោយអ្នកគួរតែរៀនពុតខ្លួនឯងឲ្យមើលឃើញទាំង ២ចំណុចនេះ ដើម្បីគិតថាតើគួរដោះស្រាយជាមួយនឹងចំណុចអវិជ្ជមានបែបណាហើយទទួលយកផលវិជ្ជមានបែបណា។
៣) ចេះដាក់ខ្លួន៖ ក្នុងនាមជាអ្នកដឹកនាំម្នាក់អ្នកគួរតែចេះសម្របខ្លួនទៅតាមអ្នកនៅជុំវិញខ្លួនហើយចេះទទួលយកនូវយោបល់និងគំនិតរបស់អ្នកដទៃផងដែរប្រសិនបើអ្នកចង់ធ្វើជាមេដឹកនាំដ៏គំរូម្នាក់៕
ប្រែសម្រួល៖ តូច ម៉ាយ៉ារស្មី
ប្រភព៖ www.entrepreneur.com
