ពេលខ្លះប្រិយមិត្តអាចនឹងញញឹមម្នាក់ឯងដាក់ទូរស័ព្ទ ឬកុំព្យូទ័រ ដោយសាររូបអស់សំណើចដែល Friend បង្ហោះឱ្យមើលមិនថា Post ឬ Chat។ ប៉ុន្តែបណ្ដាញសង្គម Facebook ពេលនេះ អាចឱ្យអ្នកប្រើ អាចបង្ហោះរូបមានចលនាប្រភេទ GIF Image បានថែមទៀត ដើម្បីអាចបង្ហាញអារម្មណ៍កាន់តែស៊ីជម្រៅ បែបកំប្លុកកំប្លែង ឬក្រៀមក្រំ។ ចុះប្រិយមិត្តដឹងពីរបៀបបង្ហោះរូបមានចលនា GIF ហើយឬនៅ? បើនៅ តោះមកអនុវត្តតាមជំហានខាងក្រោម៖
១) តើអ្នកមិនអាច Upload រូបមានចលនា (GIF) នៅលើ Facebook មែនទេ? ដូច្នេះអ្នកត្រូវបង្កើតដោយខ្លួនឯង ហើយ Upload ចូលវែបសាយ hosting ណាមួយជាមុនសិន ឬស្វែងរក GIF ដែលអ្នកចង់បង្ហោះនៅលើគេហទំព័រ Tumblr, Imgur, Giphy ឬវែបសាយផ្សេងទៀត។ បើក GIF ហើយចុចស្ដាំ mouse ពីលើរូបមានចលនានោះ។
២) នៅក្នុងកម្មវិធី Google Chrome ត្រូវរើសយកជម្រើស “Copy Image URL” ប្រសិនអ្នកកំពុងប្រើ Firefox វិញ ត្រូវរើសយក “Copy Image Location”។ នៅក្នុងកម្មវិធី Opera ត្រូវរើសយក “Copy Image Address”។
៣) បន្ទាប់មកចូលទៅ News Feed របស់ Facebook នៅក្នុងកម្មវិធី Browser ណាមួយ ហើយ Paste តំណភ្ជាប់ (Link) ដែលបាន Copy ក្នុងជំហានទី២ ខាងលើ។ អ្នកអាចប្រើ shortcut 'Ctrl + V' នៅលើ Keyboard ឬចុចស្ដាំ mouse ហើយរើសយកពាក្យ Paste។
៤) បន្ទាប់មកអ្នកនឹងឃើញរូបមានចលនានោះបង្ហាញចេញមក។ មុននឹងចុច Post អ្នកអាចលុបតំណភ្ជាប់ (Link) ដែលនៅលើរូបចោល។
៥) ដើម្បីចុចបង្ហោះរូប GIF គឺគ្រាន់តែចុចលើ Post ជាការស្រេច៕
ដោយ៖រឹទ្ធិរាជ
ប្រភព៖ pcadvisor
