ការជួបជុំបង្អួតសមិទ្ធផលអេឡិចត្រូនិកពីបណ្ដាក្រុមហ៊ុនបច្ចេកវិទ្យាលើពិភពលោក MWC 2016 ដែលទើបកន្លងផុតទៅនេះ ពិតជាធ្វើឲ្យសាធារណជនមានការកោតសរសើរជាខ្លាំងទៅលើផលិតផលថ្មីៗ។ ព្រឹត្តិការណ៍ដែលត្រូវបានប្រារព្ធឡើងនៅទីក្រុង Barcelona ប្រទេសអាល្លឺម៉ង់កន្លងទៅនេះ មានផលិតផលជាច្រើនត្រូវបានតាំងបង្ហាញគួរឱ្យចាប់អារម្មណ៍ ក្នុងនោះក៏មានកំពូលទូរស័ព្ទ Galaxy S7/S7 edge និង LG G5, ខ្សែដៃភ្ជាប់អេក្រង់បត់បែន flexible bracelet, វ៉ែនតាឆ្លាតវៃ និងឧបករណ៍ VR ជាដើម។ កុំឱ្យខាតពេល តោះទៅទស្សនាថា ផលិតផល ៩មុខ លេចធ្លោទាំងនេះមានអ្វីខ្លះ៖
១) Galaxy S7 និង Galaxy S7 edge
មិនខុសពី iPhone ទេ ដែលសាធារណជនសុទ្ធតែទន្ទឹងរង់ចាំនៅ MWC 2016។ ស្មាតហ្វូនថ្មីនេះត្រូវបានបំពាក់មកជាមួយមុខងារថ្មីពិសេស ហើយក៏មានបច្ចេកវិទ្យាមិនចូលទឹកផងដែរ។ កាមេរ៉ា S7 ទាំងពីរត្រូវបានបំពាក់ដោយបច្ចេកវិទ្យា Dual Pixel ថតរូបនៅទីងងឹតបានយ៉ាងច្បាស់។
២) LG G5
ជាកំពូលស្មាតហ្វូនថ្មីរបស់ LG ដែលត្រូវបានផលិតយ៉ាងពិសេស ប្រកបដោយការច្នៃប្រឌិតបំផុត។ G5 ត្រូវបានឌីហ្សាញជាប្រភេទទូរស័ព្ទដែលអាចដកដាច់ និងបន្ថែមឧបករណ៍បន្សំដូចជា LG Cam Plus និង LG Hi-Fi Plus ជាមួយ B&O Play ជាដើម។
៣) ខ្សែដៃ FlexEnable ពត់ពែនបាន
នៅថ្ងៃណាមួយ ប្រសិនទូរស័ព្ទរបស់អ្នកប្រែក្លាយទៅជាខ្សែដែលអាចរុំនៅលើកដៃបាន នោះអ្នកប្រហែលជាភ្ញាក់ផ្អើលមិនខាន។ យ៉ាងណា ថ្មីៗនេះគេបានចេញខ្សែដៃភ្ជាប់អេក្រង់ និងអាចពត់ពែនបានរួចហើយ។ វាអាចជាគំរូ Prototype សម្រាប់ការផលិតស្មាតហ្វូនបត់បែនបាននៅពេលអនាគត។
៤) CAT S60 ស្មាតហ្វូនដំបូងលើលោកដែលបំពាក់បច្ចេកវិទ្យា Thermal Camera
CAT S60 ត្រូវបានផលិតយ៉ាងទំនើប ភ្ជាប់បច្ចេកវិទ្យាកាមេរ៉ា Thermal ដែលអាចថតឃើញកម្មបទផ្សេងៗនៅទីងងឹតបានងាយស្រួល ដោយផ្អែកលើ infrared radiation ហើយបង្កើតជារូបភាពផ្អែកលើព័ត៌មាននោះ។
៥) បណ្ដាគំរូឧបករណ៍ Xperia របស់ Sony
ក្នុងសមាជ MWC 2016 ក្រុមហ៊ុន Sony បានតាំងបង្ហាញគំរូផលិតផលរបស់ខ្លួនជាច្រើនដូចជា Xperia Camera, Xperia Ear, Xperia Agent មានលក្ខណៈដូចទៅនឹង Amazon Echo, និង Xperia Projector ជាដើម។
៦) វ៉ែនតា Smart Glass ម៉ូដែល Moverio BT-300 របស់ក្រុមហ៊ុន Epson
វ៉ែនតាទំនើបរបស់ Epson នេះក៏មិនខុសគ្នានឹង Google Glass ដែរ ត្រង់លក្ខណៈ ដែលវាអាចភ្ជាប់ទៅកាន់ស្មាតហ្វូនបាន ហើយមានអេក្រង់ OLED នៅលើនោះដែរ។ វាមានរូបរាងស្លីមស្អាត ទម្ងន់ស្រាល។
៧) រ៉ូបូតទំនើបរបស់ LG
ជារ៉ូបូតអាចបញ្ជាបានតាមស្មាតហ្វូន ហើយវាមានបំពាក់កាមេរ៉ា, microphone និង speaker ចំណែក laser pointer របស់រ៉ូបូត គឺសម្រាប់ប្រឡែងលេងជាមួយសត្វចិញ្ចឹមរបស់អ្នក។
៨) បច្ចេកវិទ្យាសាកថ្មពេញលឿន Super VOOC របស់ក្រុមហ៊ុន Oppo
ក្រុមហ៊ុនផលិតស្មាតហ្វូនចិន Oppo មិនបានបង្ហាញផលិតផលថ្មីនៅ MWC 2016 ទេ តែបានបង្ហាញពីបច្ចេកវិទ្យាសាកថ្មពិសេសវិញ។ Super VOOC ជាបច្ចេកវិទ្យាសាកថ្មឆាប់ពេញ ត្រូវបាន Oppo អះអាងថា សាកថ្មពី ០% ឡើងទៅ ១០០% ដោយចំណាយពេលតែ ១៥នាទីប៉ុណ្ណោះ ដែលលឿនជាងបច្ចេកវិទ្យា Quick Charge 3.0 របស់ Qualcomm ដែលសាកថ្មពី ០% ទៅ ៨០% ត្រូវការពេល ៣៥នាទី។
៩) Projector យកតាមខ្លួនបាន (ប្រភេទ portable) ម៉ូដែល Spro Plus របស់ ZTE
វាជាប្រភេទម៉ាស៊ីនបញ្ចាំងស្លាយដ៍ទំនើបរបស់ ZTE ងាយស្រួលយកតាមខ្លួនដោយសារមានរចនាបថតូចល្មម។ Spro Plus មានកម្រិតបង្ហាញរូប Quad HD ជាមួយ resolution ទំហំ (2560x1440)px។ វាអាចបង្ហាញរូបក្នុងទំហំប្លង់ ៣០០អ៊ីញនៅលើផ្ទៃរាបស្មើ ឬនៅលើជញ្ជាំង។ ថ្មរបស់វាមានកម្រិត 12100mAh ដែលអាចប្រើកាន់ថ្មរយៈពេល ៦ម៉ោង និងមានភ្ជាប់តំណភ្ជាប់ Wi-Fi ហើយក៏មានម៉ូដែល 4G LTE។
ប្រែសម្រួល៖ រឹទ្ធិរាជ
ប្រភព៖ mashable
