ប្រយោគចំនួន ៦ឃ្លា ពីសៀវភៅ The Seat of the Soul ដោយអ្នកនិពន្ធជាតិអាមេរិក លោក Gary Zukav
ថ្ងៃនេះយើងបានចងក្រងនូវប្រយោគចំនួន ៦ឃ្លា ពីសៀវភៅ The Seat of the Soul ដោយអ្នកនិពន្ធនិងគ្រូបង្រៀនផ្នែកចិត្តវិញ្ញាណជាតិអាមេរិក លោក Gary Zukav:
១) «សម្រាប់រាល់ទង្វើទាំងអស់ វាមាននូវភាពស្មើគ្នានិងការប្រតិកម្មដែលបញ្ច្រាសមកវិញ។ អ្នកទទួលបានពីពិភពលោកនូវអ្វីដែលអ្នកបានផ្ដល់ឲ្យ។»
២) «បើអ្នកមិនអាចស្រឡាញ់ខ្លួនឯង អ្នកមិនអាចស្រឡាញ់អ្នកដទៃហើយអ្នកមិនអាចទ្រាំនឹងឃើញអ្នកដទៃត្រូវបានគេស្រឡាញ់បាននោះឡើយ។»
៣) «រាល់ទង្វើ ការគិត និងអារម្មណ៍ ត្រូវបានជំរុញដោយចេតនា ហើយចេតនានោះគឺជាហេតុដែលកើតឡើងជាអត្ថិភាពតែមួយជាមួយនឹងផល។»
៤) «រឿងមួយអាចប្រាកដបានគឺថា បុគ្គលណាដែលមានជាប់ពាក់ព័ន្ធនឹងអំពើហិង្សាមានការឈឺចាប់យ៉ាងជ្រៅ ព្រោះថាវិញ្ញាណដែលមានសុខភាពល្អនិងមានតុល្យភាពមិនអាចធ្វើបាបអ្នកដទៃបានឡើយ។»
៥) «ភាពយុត្តិធម៌ដែលមិនវាយតម្លៃគឺជាការមើលឃើញដែលអនុញ្ញាតអ្នកឲ្យឃើញគ្រប់យ៉ាងនៅក្នុងជីវិត ប៉ុន្តែមិនចូលរួមពាក់ព័ន្ធនៅក្នុងអារម្មណ៍អវិជ្ជមានរបស់អ្នក។»
៦) «យល់ពីសេចក្ដីអាក្រក់ថាជាអវត្តមានរបស់ពន្លឺមិនមែនទាមទារអ្នកឲ្យក្លាយជាអកម្មឬក៏មិនរវល់នឹងទង្វើអាក្រក់ឬអាកប្បកិរិយាអាក្រក់នោះឡើយ។ បើអ្នកឃើញក្មេងដែលត្រូវបានគេធ្វើបាប ឬក៏មនុស្សដែលត្រូវបានគេគាបសង្កត់ជាឧទាហរណ៍ វាជារឿងដែលសមគួរដែលអ្នកធ្វើនូវអ្វីដែលអ្នកអាចធ្វើបានដើម្បីការពារក្មេង ឬជួយមនុស្ស ប៉ុន្តែបើមិនមានសេចក្ដីមេត្តានៅក្នុងបេះដូងរបស់អ្នកដែលសម្រាប់មនុស្សដែលធ្វើបាបនិងគាបសង្កត់គេ សម្រាប់មនុស្សដែលមិនមានសេចក្ដីមេត្តាដែរទេនោះ តើអ្នកមិនក្លាយទៅដូចជាពួកគេទេឬ ?»
ដោយ៖ ស្រីពៅ
អត្ថបទទាក់ទង៖ សម្ដីដកស្រង់ចំនួន៨ឃ្លា ដែលអាចនាំអ្នកឲ្យចាកចេញពីការឃុំឃាំងរបស់ខ្លួនឯងបាន
