គតិបណ្ឌិតចំនួន ៤ឃ្លា ពីបុគ្គលដែលបានត្រាស់ដឹងចាកផុតពីភាពកខ្វក់នៃលោកនេះ
ខាងក្រោមនេះគឺជាគតិបណ្ឌិតចំនួន ៤ឃ្លា ពីបុគ្គលដែលបានត្រាស់ដឹងចាកផុតពីភាពកខ្វក់នៃលោកនេះ:
១) «តើអ្វីគឺជាបែបនេះហើយអ្វីគឺមិនមែនជាបែបនេះ? រាល់ការសម្រេចចិត្តរបស់យើងទាំងអស់អំពីអ្វីដែលជាបែបនេះនិងអ្វីដែលមិនមែនជាបែបនេះ ត្រូវបានបង្កើតឡើងដោយយោងទៅតាមរបៀបដែលវាស្ដែងចេញទៅកាន់ចិត្តរបស់យើង ពួកវាមិនមានគ្រឹះអ្វីផ្សេងនោះឡើយ។ ហេតុនេះនៅពេលយើងសួរថា តើវាមានអត្ថិភាពឬអត់? ហើយមនុស្សម្នាក់ទៀតឆ្លើយថា `វាមានអត្ថិភាព។` តាមពិតគឺយើងកំពុងសួរថា `តើវាស្ដែងចេញជាមានអត្ថិភាពឬអត់ទៅកាន់ចិត្តរបស់អ្នក ?` ហើយចម្លើយគឺគ្រាន់តែ `វាស្ដែងចេញជាមានអត្ថិភាពទៅកាន់ចិត្តរបស់ខ្ញុំ ប៉ុណ្ណោះឯង។ ដូចគ្នាដែរ គ្រប់យ៉ាងដែលបុគ្គលម្នាក់សួរអំពីអ្វីដែលប្រសើរជាងឬយ៉ាប់យ៉ឺនជាង ល្អឬអាក្រក់ ស្អាតឬមិនស្អាត តាមការពិតសួរគ្រាន់តែដើម្បីការស្វែងយល់ពីរបៀបដែលមនុស្សម្នាក់ទៀតគិតប៉ុណ្ណោះ។ អ្វីដែលមនុស្សម្នាក់ទៀតសម្រេចចិត្តនិងឆ្លើយតបគឺតាមពិតទៅ គ្រាន់តែជាការសម្រេចចិត្តដែលត្រូវបានបង្កើតឡើងដោយយោងទៅតាមរបៀបដែលវាស្ដែងចេញទៅកាន់ចិត្តរបស់គាត់ប៉ុណ្ណោះ មិនមានហេតុផលអ្វីផ្សេងនោះឡើយ។» Gendun Choepel
២) «បានជួបមនុស្សដែលធ្វើឲ្យអ្នកឈឺចាប់ខ្លាំងគឺជាការដែលបានជួបរតនសម្បត្តិដ៏កម្រនិងមានតម្លៃមួយ។ រក្សាទុកមនុស្សម្នាក់នោះនៅក្នុងការគោរពដ៏ខ្ពង់ខ្ពស់មួយ និងប្រើប្រាស់ឱកាសឲ្យអស់លទ្ធភាពដើម្បីដកឫសគល់នៃចំណុចខ្វះខាតរបស់អ្នកឲ្យអស់និងព្យាយាមអភិវឌ្ឍខ្លួនឯងឲ្យលូតលាស់ទៅមុខជានិច្ច។ បើអ្នកមិនទាន់មានអារម្មណ៍ថាស្រឡាញ់និងមានក្ដីមេត្តាចំពោះអ្នកដែលធ្វើអាក្រក់ដាក់អ្នកទេនោះ វាគឺជាសញ្ញាដែលបង្ហាញថាចិត្តរបស់អ្នកមិនទាន់បានបម្លែងទាំងស្រុងនោះឡើយ ហើយអ្នកត្រូវបន្តធ្វើការរៀនសូត្រ និងហ្វឹកហាត់បន្ថែមទៀត។» Dilgo Khyentse Rinpoche
៣) «នៅពេលអ្នករត់ដេញតាមការគិតរបស់អ្នក អ្នកប្រៀបបានទៅនឹងឆ្កែដែលរត់ដេញតាមដំបងដូច្នោះដែរ។ គ្រប់ពេលដែលដំបងត្រូវបានគប់ អ្នករត់ដេញតាមវា។ ផ្ទុយទៅវិញ ធ្វើដូចជាសត្វតោដែលជាជាងរត់ដេញតាមដំបង បែរមុខងាកទៅកាន់អ្នកគប់។ បុគ្គលម្នាក់អាចគប់ដំបងទៅកាន់សត្វតោបានតែម្ដងប៉ុណ្ណោះ។» Milarepa
៤) «រឹងមាំនិងមានសុខភាពល្អ តើនរណាទៅគិតដល់ការឈឺថ្កាត់រហូតទាល់តែវាបាញ់ដូចផ្លេកបន្ទោរ ? ជាប់ជំពាក់ជាមួយពិភពលោក តើនរណាទៅគិតដល់ការស្លាប់រហូតទាល់តែវាមកដល់ដូចផ្គរលាន់ ?» Milarepa
ដោយ៖ ស្រីពៅ
អត្ថបទទាក់ទង៖ ទស្សនចំនួន៧ឃ្លា ដែលនិយាយពីបញ្ហាដ៏ស៊ីជម្រៅនៅក្នុងជីវិតរបស់យើងម្នាក់ៗ
