ខាងក្រោម​នេះ​គឺជា​សម្ដី​ដកស្រង់​ចំនួន​ ១០ឃ្លា ដែល​មាន​ខ្លឹមសារ​ជ្រាលជ្រៅ​មាន​តម្លៃ​នឹង​ឲ្យ​អ្នក​យក​ទៅ​គិត​ពិចារណា:

១) «មិន​មាន​ចំណេះដឹង​របស់​នរណា​ម្នាក់​អាច​ហួស​រំលង​បទពិសោធន៍​របស់​គាត់​បាន​នោះ​ឡើយ។» John Locke

២) «តើ​វា​នឹង​យ៉ាងម៉េច​បើសិនជា​គ្រប់យ៉ាង​ដែល​បាន​កើតឡើង​នៅ​ទីនេះ កើតឡើង​ដោយ​មាន​មូលហេតុ​នោះ ?» John Locke

៣) «ពួកយើង​ត្រូវ​តែ​ឈប់​រៀបចំ​គម្រោង ធ្វើ​ផែនការ បង្កើត​ឧបាយកល​ហើយ​អនុញ្ញាត​ឲ្យ​ភាព​វៃឆ្លាត​ដែល​ឥត​មាន​ដែនកំណត់​ដោះស្រាយ​បញ្ហា​ទៅតាម​របៀប​របស់​វា។» Florence Scovel Shinn

៤) «អ្នក​ប្រហែល​ជា​អាច​នឹង​គិត​ថា​សេចក្ដីសុខ​របស់​អ្នក​ទាំងអស់​អាស្រ័យ​ទៅលើ​ការ​ដែល​ទទួល​បាន​នូវ​របស់​ម្យ៉ាង​នៅ​ក្នុង​ជីវិត​របស់​អ្នក ប៉ុន្តែ​ក្រោយមក អ្នក​នឹង​អរគុណ​ព្រះជាម្ចាស់​ដែល​អ្នក​មិន​ទទួលបាន​វា។» Florence Scovel Shinn

៥) «តើ​មាន​អ្វី​ដែល​ថ្មី​នៅ​ក្នុង​ពិភពលោក ? មិនមាន​ទេ។ តើ​មាន​អ្វី​ដែល​ចាស់​នៅក្នុង​ពិភពលោក ? មិនមាន​ទេ។ គ្រប់យ៉ាង​តែងតែ​បែបនេះ​និង​នឹង​នៅតែ​បែបនេះ។» Sai Baba

៦) «ការ​អប់រំ​សព្វថ្ងៃ​នេះ​គឺជា​ដំណើរការ​នៃ​ការ​បំពេញ​នូវ​ការគិត​ជាមួយ​នឹង​ខ្លឹមសារ​នៃ​សៀវភៅ បញ្ចេញ​ចោល​នូវ​ខ្លឹមសារ​នៃ​សៀវភៅ​នៅ​ក្នុង​សាល​ប្រឡង ហើយ​ត្រឡប់​មក​វិញ​ក្បាល​ទទេ។» Sai Baba

៧) «ការ​អប់រំ​សាកលវិទ្យាល័យ​ផ្ដល់​ឱកាស​ដល់​អ្នក​ក្នុង​ការ​ស្វែងរក​លុយ​ហើយ​ដូច្នេះ​ក៏​បាន​រស់នៅ។ ប៉ុន្តែ ទាល់តែ​វា​បាន​បំផ្លាញ​នូវ​ការ​បោកបញ្ឆោត​ជាក់លាក់​មួយ​ចំនួន​ដែល​ត្រូវ​បាន​បណ្ដុះបណ្ដាល​ដោយ​កម្រិត​ធម្មតា​នៃ​មនុស្សជាតិ ជីវិត​របស់​អ្នក​នឹង​មិន​រីករាយ​នោះ​ឡើយ។» Sai Baba

៨) «វា​គឺជា​រឿង​អស្ចារ្យ​ណាស់​ដែល​មិន​ដឹង​ជា​មាន​ការគិត​ប៉ុន្មាន​នោះ​ទេ​ដែល​ធ្វើដំណើរ​យ៉ាង​លឿន​ឆ្លងកាត់​ក្នុង​ក្បាល​របស់​អ្នក​ក្នុង​មួយ​នាទី។» Lauren Gibbs

៩) «ការ​ធ្វើ​បាប​អ្នក​ទន់ខ្សោយ​ដែល​អាក្រក់​បំផុត​ដែល​អ្នក​ធ្លាប់​ជួបប្រទះ​នៅ​ក្នុង​ជីវិត​របស់​អ្នក​គឺជា​ការគិត​របស់​អ្នក។» Bryant H. McGill

១០) «យើង​ជឿ​ថា​យើង​គឺជា​អ្នក​ប្រើប្រាស់​ផលិតផល ប៉ុន្តែ​យើង​គឺជា​អ្នក​ដែល​ត្រូវ​បាន​គេ​ប្រើប្រាស់​នោះទេ។» Bryant H. McGill

ដោយ៖ ស្រីពៅ

អត្ថបទទាក់ទង៖ ទស្សន​ជីវិត​ចំនួន​១១ឃ្លា ដែល​អាច​បង្រៀន​អ្នក​ពី​ពាក្យពេចន៍​ដ៏​មាន​តម្លៃ​អ្វី​ម្យ៉ាង​អំពី​ជីវិត​