ទស្សនចំនួន ៩ឃ្លា ដែលអាចដាស់សតិអ្នកឲ្យភ្ញាក់ពីភាពក្លែងក្លាយនៅក្នុងជីវិត
ខាងក្រោមនេះគឺជាទស្សនចំនួន ៩ឃ្លា ដែលអាចដាស់សតិអ្នកឲ្យភ្ញាក់ពីភាពក្លែងក្លាយនៅក្នុងជីវិត:
១) «ខ្ញុំជឿថាពួកយើងគឺជាសភាវៈមួយដែលមានជំងឺបាត់ការចងចាំ ខ្ញុំគិតថាយើងបានភ្លេចឫសរបស់យើងនិងដើមកំណើតរបស់យើងហើយ។ ខ្ញុំគិតថាយើងបានវង្វេងនៅក្នុងរបៀបជាច្រើន។ យើងរស់នៅក្នុងសង្គមមួយដែលវិនិយោគលុយយ៉ាងច្រើនសម្បើមនិងបរិមាណនៃថាមពលដ៏ច្រើនដើម្បីធានាថាយើងទាំងអស់គ្នានៅតែស្ថិតក្នុងសភាពវង្វេង។ សង្គមមួយដែលវិនិយោគទៅលើការបង្កើតនូវភាពមិនមានសតិដឹង ដែលវិនិយោគទៅក្នុងការដែលធ្វើឲ្យមនុស្សដេកលក់ដូច្នេះយើងគ្រាន់តែជាអ្នកទិញផលិតផលឬជាផលិតផលដែលអកម្មនិងមិនបានចោទសួរនូវសំណួរអ្វីនោះឡើយ។» Graham Hancock
២) «ខ្ញុំមិនជឿថាសតិដឹងគឺត្រូវបានបង្កើតឡើងដោយខួរក្បាលនោះឡើយ។ ខ្ញុំជឿថាខួរក្បាលគឺជាអ្នកទទួលនូវសតិដឹងច្រើនជាង។» Graham Hancock
៣) «ដោយតាមរបៀបណាមួយយើងដឹងថាដោយមិនមានភាពស្ងប់ស្ងាត់ ពាក្យនឹងបាត់បង់អត្ថន័យរបស់វា ដោយមិនមានការស្ដាប់ ការនិយាយនឹងលែងព្យាបាលទៀតហើយ ដោយមិនមានការឃ្លាតឆ្ងាយ ការនៅជិតនឹងមិនអាចព្យាបាលបានឡើយ។» Henri J. M. Nouwen
៤) «ជាច្រើនឆ្នាំកន្លងផុតទៅ ខ្ញុំបានចាប់ផ្ដើមយល់ថាអន្ទាក់ដ៏ធំបំផុតនៅក្នុងជីវិតរបស់យើងមិនមែនជាភាពជោគជ័យ ភាពល្បីល្បាញ ឬអំណាចនោះទេ ប៉ុន្តែគឺជាការបដិសេធខ្លួនឯង។» Henri J. M. Nouwen
៥) «ហេតុដ៏ចម្បងនៃការដែលមិនមានក្ដីសុខតែងតែមិនមែនជាស្ថានភាពនោះទេ ប៉ុន្តែគឺជាការគិតរបស់អ្នកអំពីវា។» Eckhart Tolle
៦) «មិនថាជាអ្វីក៏ដោយដែលខណៈពេលបច្ចុប្បន្នមាន ចូរទទួលយកវាហាក់ដូចជាអ្នកបានជ្រើសរើសវាយ៉ាងដូច្នោះ។» Eckhart Tolle
៧) «មានការជ្រើសរើសយ៉ាងសំខាន់ចំនួន២នៅក្នុងជីវិត គឺទទួលយកស្ថានភាពទៅតាមអ្វីដែលបានកើតឡើង ឬក៏ទទួលយកការទទួលខុសត្រូវក្នុងការផ្លាស់ប្ដូរពួកវា។» Denis Waitley
៨) «អំណោយដ៏អស្ចារ្យបំផុតដែលអ្នកអាចផ្ដល់ឲ្យកូនរបស់អ្នកគឺជាឫសគល់នៃការទទួលខុសត្រូវនិងស្លាបនៃភាពឯករាជ្យ។» Denis Waitley
៩) «ទស្សនឯកជនបង្កើតឡើងនូវទស្សនសាធារណជន។ ទស្សនសាធារណជនក៏បានកំពប់ហូរហៀរទៅជាឥរិយាបថជាតិប្រៀបដូចជាអ្វីៗដែលត្រូវបានរៀបចំនៅក្នុងបច្ចុប្បន្ន អាចបង្កើតឬបំផ្លាញសង្គ្រាម។ ហេតុនេះហើយទស្សនឯកជននិងឥរិយាបថឯកជននិងសន្ទនាឯកជនគឺពិតជាមានភាពសំខាន់ខ្លាំងណាស់។» Jan Struther
អត្ថបទទាក់ទង៖ សម្ដី១០ឃ្លា ដែលនិយាយពីការពិតស៊ីជម្រៅមួយចំនួនដែលអ្នកមិនធ្លាប់គិតដល់នៅក្នុងជីវិត
