ខាងក្រោម​នេះ​គឺជា​សម្ដី​ដកស្រង់​ចំនួន​ ១១ឃ្លា ដែល​អ្នក​គួរ​សាប​គ្រាប់ពូជ​នៅ​ក្នុង​សួនច្បារ​នៃ​ការគិត​របស់​អ្នក:

១) «បើទោះជា​អ្នក​ដឹង​​មួយពាន់​រឿង​ក៏​ដោយ តែ​ចូរ​អ្នក​សួរ​បុគ្គល​ដែល​ដឹង​តែ​មួយ​រឿង។» សុភាសិត​ទួរគី

២) «វា​ជា​រឿង​ងាយស្រួល​ក្នុង​ការ​ឈរ​ក្នុង​ចំណោម​មនុស្ស​អ៊ូអរ ប៉ុន្តែ​វា​ត្រូវការ​សេចក្ដី​ក្លាហាន​ដើម្បី​ឈរ​តែ​ម្នាក់ឯង។» Mahatma Gandhi

៣) «ស្រឡាញ់​ជីវិត​ដែល​អ្នក​រស់នៅ ហើយ​អ្នក​នឹង​រស់នៅ​ជីវិត​មួយ​ដែល​អ្នក​ស្រឡាញ់។» Bob Marley

៤) «គ្រប់យ៉ាង​ដែល​បង្កើត​ការ​ប៉ង​ចង់បាន​នឹង​រាំងស្ទះ​បេះដូង​ពី​សេរីភាព។» Hazrat Inayat Khan

៥) «បុគ្គល​ម្នាក់​មិនដែល​រឹងមាំ​យ៉ាង​ខ្លាំងក្លា​ដូច​ពេល​ដែល​ឈឺចាប់​នោះ​ឡើយ។» Hazrat Inayat Khan

៦) «ព្រះ​បំបែក​បេះដូង​របស់​អ្នក​ម្ដង​ហើយ​ម្ដង​ទៀត​រហូតទាល់តែ​វា​បើក​ចំហ។» Hazrat Inayat Khan

៧) «រឿង​ដែល​សំខាន់​បំផុត​នៅ​ក្នុង​ការ​ប្រាស្រ័យ​ទាក់ទង​គ្នា​គឺជា​ការ​ឮ​នូវ​អ្វី​ដែល​មិន​បាន​និយាយ។» Peter Drucker

៨) «បើ​អ្នក​កំពុងតែ​ស្វែងរក​មនុស្ស​ម្នាក់​នោះ​ដែល​នឹង​ផ្លាស់ប្ដូរ​ជីវិត​អ្នក ចូរ​សម្លឹង​មើល​ទៅ​ក្នុង​កញ្ចក់។» អនាមិក

៩) «នៅពេល​ការគិត​បែប​វិភាគ ដែល​ជា​កាំបិត ត្រូវបាន​អនុវត្ត​នៅ​ក្នុង​បទពិសោធន៍ អ្វីមួយ​តែងតែ​ត្រូវបាន​សម្លាប់​ចោល​នៅ​ក្នុង​ដំណើរការ។» Robert M. Pirsig

១០) «ជីវិត​គឺជា​ស្ពាន។ ចូរ​ឆ្លង​កាត់​វា តែ​ចូរ​កុំ​សាងសង់​ផ្ទះ​នៅលើ​វា។» សុភាសិត​ឥណ្ឌា

១១) «ចូរ​ធ្វើ​ល្អ​ជាមួយ​មនុស្ស​ដែល​មិនមាន​សន្ដាន​ចិត្ត​ល្អ។ ពួកគេ​ត្រូវការ​វា​បំផុត។» Ashleigh Brilliant

ដោយ៖ ស្រីពៅ

អត្ថបទទាក់ទង៖ គតិ​សម្រាប់​គិត​ចំនួន​១០​ឃ្លា ដែល​អាច​បង្រៀន​អ្នក​ឲ្យ​មាន​ «ភាព​ចាស់ទុំ​ជាង​មុន»​