គតិបណ្ឌិតចំនួន ៨ឃ្លា ដែលអាចឲ្យអ្នករកឃើញវិធីត្រឹមត្រូវក្នុងការដោះស្រាយបញ្ហាជីវិតបាន
ខាងក្រោមនេះគឺជាគតិបណ្ឌិតចំនួន ៨ឃ្លា ដែលអាចឲ្យអ្នករកឃើញវិធីត្រឹមត្រូវក្នុងការដោះស្រាយបញ្ហាជីវិតបាន:
១) «ពីការប៉ះពាល់ មកជាមួយនូវអារម្មណ៍។ ពីអារម្មណ៍ មកជាមួយនូវការប្រតិកម្ម។ នេះគឺជាអ្វីដែលធ្វើឲ្យយើងស្ថិតនៅក្នុងវដ្ដនៃកើតនិងស្លាប់។ ការប្រតិកម្មរបស់យើងទៅនឹងអារម្មណ៍គឺជាសំបុត្រឆ្លងដែនរបស់យើងទៅកាន់កំណើតមួយទៀត។» Ayya Khema
២) «នៅចុងបញ្ចប់យើងនឹងរកឃើញថាយើងនឹងអាចមានការអំណរគុណយ៉ាងខ្លាំងចំពោះមនុស្សដែលបានធ្វើឲ្យជីវិតពិបាកបំផុតសម្រាប់យើង។» Ayya Khema
៣) «នៅក្នុងដំណើរការនៃការប្រលែងចោល អ្នកនឹងបាត់បង់នូវរឿងជាច្រើនពីអតីតកាល តែអ្នកនឹងរកឃើញខ្លួនឯង។» Deepak Chopra
៤) «ចូរអភ័យទោសឲ្យរាល់មនុស្សទាំងអស់ដែលបានធ្វើឲ្យអ្នកមិនសប្បាយចិត្ត មិនមែនសម្រាប់ពួកគេទេ តែសម្រាប់ខ្លួនឯង។» Harriet Nelson
៥) «អ្វីក៏ដោយដែលធ្វើឲ្យអ្នកព្រួយចិត្ត អ្វីក៏ដោយដែលរំខានចិត្តអ្នក វាគឺជាគ្រូបង្រៀនរបស់អ្នក។» Ajahn Chah
៦) «មានស្ត្រីម្នាក់ចង់ដឹងថាតើត្រូវដោះស្រាយបែបណាជាមួយកំហឹង។ ខ្ញុំក៏សួរថានៅពេលកំហឹងលេចឡើងមក តើកំហឹងនោះគឺជារបស់អ្នកណា។ គាត់បាននិយាយថា វាគឺជារបស់គាត់។ បើវាពិតជារបស់គាត់មែន ដូច្នេះគាត់គួរតែអាចប្រាប់វាឲ្យចេញឆ្ងាយ តើមិនមែនដូច្នោះទេឬ ? ប៉ុន្តែវាពិតជាមិនមែនស្ថិតនៅលើគាត់ជាអ្នកបញ្ជានោះឡើយ។ អោបក្រសោបនូវកំហឹងមកធ្វើជាកម្មសិទ្ធិផ្ទាល់ខ្លួននឹងបង្កឲ្យមានសេចក្ដីទុក្ខ។ បើកំហឹងពិតជាគឺជាកម្មសិទ្ធិរបស់យើងមែន វាគួរតែស្ដាប់បង្គាប់យើងហើយ។ បើវាមិនស្ដាប់បង្គាប់យើងទេ នេះមានន័យថាវាគ្រាន់តែជាការបោកបញ្ឆោតតែប៉ុណ្ណោះ។ ចូរកុំធ្លាក់ទៅក្នុងល្បិចកលរបស់វា។ នៅពេលដែលចិត្តសប្បាយឬសោកសៅ ចូរកុំធ្លាក់ទៅក្នុងល្បិចកលរបស់វា។ ទាំងអស់នេះគ្រាន់តែជាការបោកបញ្ឆោតតែប៉ុណ្ណោះ។» Ajahn Chah
៧) «បើមិនមានសន្តិភាពនៃចិត្តនៅក្នុងបុគ្គលម្នាក់ៗទេ តើនឹងមានសន្តិភាពនៅក្នុងពិភពលោកបានយ៉ាងដូចម្ដេច ? ចូរធ្វើឲ្យចិត្តរបស់អ្នកមានសន្តិភាពជាមុនសិនទៅ។» S. N. Goenka
៨) «សេចក្ដីស្រឡាញ់ជាមួយនឹងការជាប់ជំពាក់ត្រូវបានបង្កើតឡើងដោយរលកនៃអារម្មណ៍ ដែលជាទូទៅតែងបង្កើតនូវច្រវាក់ដែកដែលមិនអាចមើលឃើញ។» S. N. Goenka
ដោយ៖ ស្រីពៅ
អត្ថបទទាក់ទង៖ ទស្សន១០ឃ្លា ដែលអាចឲ្យអ្នកយល់ពីខ្លួនឯងនិងជីវិតរបស់អ្នកបានកាន់តែស៊ីជម្រៅជាងមុន
