ប្រយោគចំនួន ៩ឃ្លា ដែលអាចកែតម្រូវការគិតរបស់អ្នកឲ្យមកផ្លូវត្រូវវិញបាន
ខាងក្រោមនេះគឺជាប្រយោគចំនួន ៩ឃ្លា ដែលអាចកែតម្រូវការគិតរបស់អ្នកឲ្យមកផ្លូវត្រូវវិញបាន:
១) «ចំណង់របស់យើងមិនមែនកម្រិតនៅត្រឹមតែអ្វីដែលយើងបានឃើញ ឮ ហិត ភ្លក់ និងប៉ះពាល់នោះឡើយ។ ចិត្តរបស់យើងរត់តាមគំនិតយ៉ាងពោរពេញដោយភាពលោភលន់ដូចទៅនឹងអណ្ដាតរបស់យើងស្រេកឃ្លានរសជាតិដែរ។» Lama Thubten Yeshe
២) «យើងតែងគិតថាផ្លូវតែមួយគត់ដើម្បីបង្កើតសេចក្ដីសុខគឺជាការព្យាយាមគ្រប់គ្រងកាលៈទេសៈខាងក្រៅនៃជីវិតរបស់យើង ព្យាយាមជួលជុលអ្វីដែលហាក់ដូចជាមិនត្រឹមត្រូវឬក៏កម្ចាត់ចោលនូវរាល់អ្វីទាំងឡាយដែលរំខានយើង។ ប៉ុន្តែបញ្ហាពិតប្រាកដគឺស្ថិតនៅក្នុងការប្រតិកម្មឆ្លើយតបរបស់យើងទៅនឹងកាលៈទេសៈទាំងនោះទៅវិញទេ។ អ្វីដែលយើងត្រូវផ្លាស់ប្ដូរគឺជាចិត្តរបស់យើងនិងរបៀបដែលវាឆ្លងកាត់បទពិសោធន៍ការពិត។» Chagdud Tulku Rinpoche
៣) «បើអ្នកខ្វះភាពមានបាននៃសេចក្ដីស្កប់ស្កល់ពេញចិត្តនៅក្នុងចិត្តរបស់អ្នក អ្នកនឹងគិតថាអ្នកត្រូវការរាល់របស់ដែលឥតប្រយោជន៍គ្រប់ប្រភេទទាំងអស់ ហើយធ្លាក់ខ្លួនមកជាមនុស្សដែលយ៉ាប់យឺុនជាងមនុស្សធម្មតាទៅទៀត។» Chatral Rinpoche
៤) «មនុស្សប្រក្រតីគឺជាមនុស្សដែលអ្នកមិនសូវស្គាល់ច្បាស់។» Alfred Adler
៥) «មនុស្សដឹងច្រើនជាងយល់។» Alfred Adler
៦) «ការសន្មតរបស់អ្នកគឺជាបង្អួចរបស់អ្នកនៅលើពិភពលោកនេះ។ ចូរជូតសម្អាតវាចោលម្ដងម្កាលបើមិនដូច្នោះទេពន្លឺនឹងមិនអាចចូលបានឡើយ។» Isaac Asimov
៧) «មនុស្សឮតែអ្វីដែលពួកគេយល់ប៉ុណ្ណោះ។» Johann Wolfgang von Goethe
៨) «បើអ្នកមិនចេះឆ្លើយថាទេ នោះរាងកាយរបស់អ្នកនឹងនិយាយវាតាមរយៈជំងឺផ្លូវកាយ។» Dr. Gabor Mate
៩) «ការឈឺចាប់គ្មានអ្វីក្រៅតែជាការមិនព្រមទទួលស្គាល់នោះឡើយ។» Ajahn Brahm
ដោយ៖ ស្រីពៅ
អត្ថបទទាក់ទង៖ ទស្សនចំនួន៩ឃ្លា ដែលអាចធ្វើឲ្យអ្នករស់នៅជីវិតរបស់អ្នកឲ្យមានខ្លឹមសារឡើងវិញ
