ប្រយោគដកស្រង់ចំនួន ៧ឃ្លា ដែលធ្វើឲ្យអ្នកចាប់ផ្ដើមកើតភាពងឿងឆ្ងល់ទៅក្នុងធម្មជាតិនៃការគិតរបស់អ្នក
ខាងក្រោមនេះគឺជាប្រយោគដកស្រង់ចំនួន ៧ឃ្លា ដែលធ្វើឲ្យអ្នកចាប់ផ្ដើមកើតភាពងឿងឆ្ងល់ទៅក្នុងធម្មជាតិនៃការគិតរបស់អ្នក:
១) «ផ្នែកដ៏ធំមួយនៃការក្លាយជាមនុស្សវ័យជំទង់គឺជាការដកចេញនូវរឿងសំរាមជាច្រើនពីការចងចាំដែលអ្នកត្រូវបានគេបង្រៀន ដោយមនុស្សដែលពួកគេខ្លួនឯងក៏មិនដឹងថាពួកគេកំពុងតែធ្វើអ្វីផងនោះ។» អនាមិក
២) «ឥឡូវនេះខ្ញុំយល់ហើយថានៅពេលមនុស្សនិយាយថា «ខ្ញុំស្អប់ខ្លួនឯង» អ្វីដែលពួកគេចង់មានន័យពិតប្រាកដគឺថា «ខ្ញុំស្រឡាញ់ខ្លួនឯងខ្លាំងពេក» ហើយពួកគេតែងតែខកចិត្តនៅពេលពួកគេមិនបានសម្រេចទៅតាមការរំពឹងទុកដែលពួកគេមានចំពោះខ្លួនឯង។ ខ្ញុំគិតថាអ្វីដែលពួកគេចង់បានន័យគឺ «ខ្ញុំតែងតែខកចិត្តទៅលើខ្លួនឯង។» ទៅវិញនេះឯង។» Tai Situ Rinpoche
៣) «ការកើតនិងការស្លាប់គ្រាន់តែជាទស្សនដែលយើងមាននៅក្នុងការគិតរបស់យើងប៉ុណ្ណោះ ហើយទស្សនទាំងនេះមិនអាចយកមកប្រើបាននៅក្នុងការពិតជាក់ស្ដែងនោះឡើយ។ វាក៏ប្រៀបបានទោនឹងទស្សននៃខាងលើនិងខាងក្រោមដូច្នោះដែរ។ ឋានសួគ៌គឺនៅខាងលើ ឯឋាននរកគឺនៅខាងក្រោម។ ប៉ុន្តែមនុស្សដែលកំពុងតែអង្គុយនៅប៉ែកម្ខាងទៀតនៃផែនដីប្រាកដជាមិនយល់ស្របឡើយ ព្រោះថាទស្សននៃខាងលើនិងខាងក្រោមមិនអាចយកមកអនុវត្តបាននៅក្នុងចក្រវាលទាំងមូលបានឡើយ ដូចគ្នាទៅនឹងទស្សននៃការកើតនិងការស្លាប់ដែរ។» Thich Nhat Hanh
៤) «ការគិតរបស់អ្នកត្រូវបានបំពេញទៅដោយអ្វីដែលអ្នកចង់បាន ដូច្នេះហើយអ្នកបានបរាជ័យក្នុងការមើលឃើញអ្វីៗទៅតាមសភាពពិតរបស់វា។» Chogyam Trungpa
៥) «នៅពេលមានក្ដីស្រឡាញ់ ពាក្យ«កាតព្វកិច្ច» នឹងរលាយបាត់។» Jiddu Krishnamurti
៦) «ខណៈពេលដែលអ្នកមើលឃើញអ្វីមួយ អ្នកបានចាប់ផ្ដើមគិតវិភាគអំពីវារួចទៅហើយ។ ខណៈពេលដែលអ្នកគិតវិភាគអំពីអ្វីមួយ វាលែងជាអ្វីដែលអ្នកមើលឃើញទៀតហើយ។» Shunryu Suzuki
៧) «មនុស្សមួយចំនួនបានចំណាយថាមពលរបស់ពួកគេទាំងអស់ ហើយមានសូម្បីតែប្រថុយនឹងជីវិតរបស់ពួកគេដើម្បីតែសម្រេចឲ្យបាននូវកេរ្តិ៍ឈ្មោះ។ ទាំងកេរ្តិ៍ឈ្មោះល្អនិងអាក្រក់គ្មានអ្វីក្រៅតែពីជាសំឡេងផ្លាតមកវិញដែលទទេនោះឡើយ។ កេរ្តិ៍ឈ្មោះរបស់អ្នកគឺជារូបបំភ័ន្តភ្នែកដែលគួរឲ្យទាក់ទាញមួយ ដែលអាចនាំអ្នកទៅរកផ្លូវខុសតែប៉ុណ្ណោះ។ ចូរកម្ចាត់វាចេញដោយមិនចាំបាច់គិត ដូចទៅនឹងសំបោរដែលអ្នកហ៊ីសចេញពីច្រមុះរបស់អ្នកដូច្នោះដែរ។» Dilgo Khyentse Rinpoche
ដោយ៖ ស្រីពៅ
អត្ថបទទាក់ទង៖ សម្ដីចំនួន៨ឃ្លា ដែលនឹងធ្វើឲ្យអ្នកគិតពិចារណាអំពីសេចក្ដីពិតក្នុងជីវិត
