ខាងក្រោម​នេះ​គឺជា​សម្ដី​ដកស្រង់​ចំនួន ​១១ឃ្លា ដែល​អាច​ធ្វើ​ជា​ជំនួយ​ដល់​អ្នក​ក្នុង​ការ​ដោះស្រាយ​បញ្ហា​ក្នុង​ជីវិត​បាន:

១) «ខ្ញុំ​រៀន​សូត្រ​បាន​ច្រើន​ណាស់​ពី​កំហុស​របស់​ខ្ញុំ។ ខ្ញុំ​កំពុងតែ​គិត​ថា​ចង់​សាង​កំហុស​ជាច្រើន​ទៀត។» Cheryl Cole

២) «កំហុស ចូរ​ហៅ​វា​ថា​ជា​បទពិសោធន៍​ដែល​បាន​រៀន​សូត្រ​ដោយ​ចៃដន្យ។» Richard Bach

៣) «កុហក​ខ្លួនឯង​ចាក់ឫស​ជាប់​ជ្រៅ​ជាង​កុហក​អ្នកដទៃ។» Fyodor Dostoyevsky

៤) «អាថ៌កំបាំង​នៃ​អត្ថិភាព​របស់​មនុស្ស​មិនមែន​ស្ថិត​នៅ​ត្រឹមតែ​ការ​មាន​ជីវិត​រស់នៅ​ប៉ុណ្ណោះ​ទេ ប៉ុន្តែ​ក៏​នៅ​ក្នុង​ការ​ស្វែងរក​អ្វីមួយ​សម្រាប់​រស់នៅ​ដើម្បី​វា​ផង​ដែរ។» Fyodor Dostoyevsky

៥) «ខុស​នៅ​ក្នុង​របៀប​ខ្លួនឯង​ប្រសើរ​ជាង​ត្រូវ​ក្នុង​របៀប​របស់​អ្នកដទៃ។» Fyodor Dostoyevsky

៦) «កុំ​រិះគន់​នូវ​អ្វី​ដែល​អ្នក​មិន​យល់។» Bob Dylan

៧) «គឺជា​អ្វី​ដែល​យើង​បាន​ដឹង​រួច​មក​ហើយ​ដែល​ច្រើនតែ​រារាំង​យើង​ពី​ការ​រៀន​សូត្រ។» Claude Bernard

៨) «ភាព​ច្របូកច្របល់​ដ៏​ច្រើន​នៅ​ក្នុង​ពិភពលោក​បាន​កើតឡើង​ដោយសារតែ​មនុស្ស​មិន​ឱ្យ​តម្លៃ​ទៅលើ​ខ្លួនឯង។» Chogyam Trungpa

៩) «អ្នក​ភ័យខ្លាច​តែ​ពេល​ណា​ដែល​អ្នក​មិន​ចុះសម្រុង​ជាមួយ​ខ្លួនឯង​ប៉ុណ្ណោះ។» Hermann Hesse

១០) «បុគ្គល​មាន​បញ្ញា​មិន​បាត់បង់​អ្វី​ឡើយ​បើ​គាត់​មាន​ខ្លួនឯង។» Hermann Hesse

១១) «ខ្ញុំ​មិន​ខ្វល់​ច្រើន​ទៅលើ​ថា​តើ​ខ្ញុំ​គឺជា​អ្វី​សម្រាប់​អ្នកដទៃ​ដូច​ទៅ​នឹង​ខ្ញុំ​ខ្វល់​ច្រើន​ទៅលើ​ថា​តើ​ខ្ញុំ​គឺជា​អ្វី​សម្រាប់​ខ្លួនឯង​នោះ​ឡើយ។» Hermann Hesse

ដោយ៖ ស្រីពៅ

អត្ថបទទាក់ទង៖ សម្ដី​​ទាំង​៩​ឃ្លារបស់កវីនិពន្ធ Alice Walker ដែល​បាន​បង្ហាញ​ពី​ទស្សន​អប់រំ​ចំពោះ​ជីវិត