គតិចំនួន ១១ឃ្លា ដែលអាចឲ្យអ្នកមើលឃើញរឿងរ៉ាវដែលបានកើតឡើងនៅក្នុងជីវិតអ្នកឲ្យច្បាស់ជាងមុន
ខាងក្រោមនេះគឺជាគតិចំនួន ១១ឃ្លា ដែលអាចឲ្យអ្នកមើលឃើញរឿងរ៉ាវដែលបានកើតឡើងនៅក្នុងជីវិតអ្នកឲ្យច្បាស់ជាងមុន:
១) «សាក្សីរបស់ខ្ញុំគឺជាមេឃដែលទទេ។» Jack Kerouac
២) «សេចក្ដីសុខរាប់បញ្ចូលនូវការដែលដឹងថាទាំងអស់នេះគឺជាការសុបិនដ៏ចម្លែកអស្ចារ្យមួយ។» Jack Kerouac
៣) «ការខកចិត្តគឺជាប្រភេទមួយនៃការក្ស័យធន។ ការក្ស័យធននៃវិញ្ញាណដែលបានចំណាយច្រើនពេកទៅលើក្ដីសង្ឃឹមនិងការរំពឹងទុក។» Eric Hoffer
៤) «អ្នកអាចស្វែងរកថាតើសត្រូវរបស់អ្នកភ័យខ្លាចអ្វីបំផុតតាមរយៈវិធីសាស្ត្រដែលគេប្រើប្រាស់ដើម្បីបន្លាចអ្នក។» Eric Hoffer
៥) «បុគ្គលម្នាក់បាត់បង់ភាពរីករាយនិងសេចក្ដីសុខនៅក្នុងការប៉ុនប៉ងប្រាថ្នាចង់បានពួកវា។» Masanobu Fukuoka
៦) «មុនពេលអ្នកស្រាវជ្រាវក្លាយជាអ្នកស្រាវជ្រាវ ពួកគេគួរក្លាយជាទស្សនវិទូ។» Masanobu Fukuoka
៧) «អ្នកស្រាវជ្រាវសម័យទំនើបបែងចែកធម្មជាតិទៅជាចំណែកតូចៗ និងអនុវត្តតេស្តដែលមិនស្របទាំងជាមួយនឹងច្បាប់ធម្មជាតិឬជាមួយបទពិសោធន៍ជាក់ស្ដែងនោះឡើយ។ លទ្ធផលត្រូវបានរៀបចំសម្រាប់ភាពងាយស្រួលក្នុងការស្រាវជ្រាវ មិនមែនដោយយោងទៅតាមតម្រូវការរបស់កសិករនោះឡើយ។» Masanobu Fukuoka
៨) «ក្នុងការដែលចង់យល់ពីរឿង១០យ៉ាង អ្នកតាមពិតទៅមិនយល់សូម្បីតែ១ផង។ បើអ្នកស្គាល់ផ្កា១០០ប្រភេទ អ្នកមិនដឹងអំពីវាសូម្បីតែ១នោះឡើយ។» Masanobu Fukuoka
៩) «គ្រប់យ៉ាងដែលកើតឡើងចំពោះអ្នកគឺជាទម្រង់មួយនៃការណែនាំបើអ្នកយកចិត្តទុកដាក់។» Robert Greene
១០) «ខ្ញុំមិនខ្វល់ពីអ្វីដែលកើតឡើងនោះឡើយ។ នេះគឺជាខ្លឹមនៃសេរីភាពខាងក្នុង។» Jiddu Krishnamurti
១១) «បើអ្នកព្យាយាមទាក់ទាញអ្នកដទៃកាន់តែតិច អ្នកនឹងមានភាពសុខស្ងប់កាន់តែច្រើន។» Maxime Lagace
ដោយ៖ ស្រីពៅ
អត្ថបទទាក់ទង៖ សុភាសិតជប៉ុន១៣ឃ្លា ដែលអាចឲ្យអ្នកមើលឃើញចូលទៅកាន់ស្រទាប់មួយទៀតពីការពិតនៃជីវិតនេះ
