ទស្សនចំនួន ១០ឃ្លា ដែលអាចធ្វើឲ្យអ្នកមើលឃើញថាតើការគិតរបស់អ្នកមានឥទ្ធិពលកម្រិតណា
ខាងក្រោមនេះគឺជាទស្សនចំនួន១០ឃ្លា ដែលអាចធ្វើឲ្យអ្នកមើលឃើញថាតើការគិតរបស់អ្នកមានឥទ្ធិពលកម្រិតណា៖
- «ខ្ញុំមិនដែលមានការគ្រប់គ្រងទៅលើអ្វីដែលកើតឡើងនៅជុំវិញខ្លួនខ្ញុំបានឡើយ ប៉ុន្តែខ្ញុំតែងតែមានការគ្រប់គ្រងទៅលើអ្វីដែលកើតឡើងនៅខាងក្នុងខ្ញុំជានិច្ច។» អនាមិក
- «អ្នកអាចគ្រប់គ្រងជីវិតរបស់អ្នកបានដោយគ្រប់គ្រងទៅលើការយល់ឃើញរបស់អ្នក។» Bruce Lipton
- «អ្នកធ្វើដូចជាគឺជាអ្នកដែលប្រឈមមុខជាមួយពិភពលោក ប៉ុន្តែតាមពិតទៅគឺជាអ្នកដែលប្រឈមមុខជាមួយខ្លួនឯង។» អនាមិក
- «ឧបសគ្គមិនបានរារាំងផ្លូវឡើយ។ វាគឺជាផ្លូវ។» សុភាសិតZen
- «កុំស្វែងរកនរកនិងឋានសួគ៌នាពេលអនាគត។ ទាំងពីរនេះសុទ្ធតែស្ថិតក្នុងបច្ចុប្បន្នកាលឥឡូវនេះ។ នៅពេលណាដែលយើងអាចស្រឡាញ់ដោយមិនមានការរំពឹងទុកមកវិញ មិនមានការថ្លឹងថ្លែងគណនា ការចរចា យើងនឹងប្រាកដណាស់ស្ថិតនៅក្នុងឋានសួគ៌។ នៅពេលណាដែលយើងឈ្លោះប្រកែកគ្នា ស្អប់គ្នា យើងនឹងស្ថិតនៅក្នុងនរកមិនខាន។» Shams Tabrizi
- «បើអ្នកមិនរីករាយនៅទីនេះនិងក្នុងពេលឥឡូវនេះ អ្នកនឹងមិនអាចរីករាយរហូត។» Taisen Deshimaru
- «កុំសម្លឹងមើលភ្នំជាមួយនឹងមាត្រដ្ឋាននៃការគិតរបស់មនុស្ស។» Dogen
- «មិនមែនជាចម្លើយនោះឡើយដែលធ្វើឲ្យមានសតិដឹងភ្ញាក់រលឹក ប៉ុន្តែគឺជាសំណួរ។» អនាមិក
- «ដរាបណាអ្នកចាប់ផ្ដើមទុកចិត្តលើខ្លួនឯង អ្នកនឹងដឹងពីរបៀបក្នុងការរស់នៅ។» Johann Wolfgang von Goethe
- «យើងមិនចាំបាច់ទៅស្ថាប័នមើលថែមនុស្សឆ្កួតដើម្បីស្វែងរកមើលចិត្តដែលមិនប្រក្រតីឡើយ។ ភពរបស់យើងគឺជាស្ថាប័នផ្នែកផ្លូវចិត្តនៃចក្រវាលនេះហើយ។» Johann Wolfgang von Goethe
អត្ថបទទាក់ទង៖ គតិចំនួន១០ឃ្លា ដែលបាននិយាយជ្រាបចូលទៅជ្រៅអំពីការពិតនៃអត្តចរិតរបស់មនុស្ស
ដោយ៖ ស្រីពៅ
