គតិបណ្ឌិតចំនួន ១០ឃ្លា របស់គ្រូបង្រៀនចិត្តវិញ្ញាណជនជាតិអាល្លឺម៉ង់លោក Eckhart Tolle
គតិបណ្ឌិតចំនួន ១០ឃ្លា របស់គ្រូបង្រៀនចិត្តវិញ្ញាណនិងអ្នកនិពន្ធសៀវភៅជនជាតិអាល្លឺម៉ង់ដ៏មានឥទ្ធិពលមួយរូប លោក Eckhart Tolle:
១) «មានពេលខ្លះជីវិតគឺជាការអូសយ៉ាងពិបាកមួយ តែវាមិនអីនោះទេ។ ចូរបណ្ដោយឲ្យខ្លួនឯងទទួលអារម្មណ៍នូវអ្វីគ្រប់យ៉ាងដោយស្មោះត្រង់និងពេញលេញ។ ចូរកុំបដិសេធសេចក្ដីពិត។»
២) «ការផ្លាស់ប្ដូរខ្លះមើលឃើញហាក់ដូចជាអវិជ្ជមាននៅផ្ទៃខាងលើ ប៉ុន្តែមិនយូរមិនឆាប់អ្នកនឹងដឹងថាចន្លោះទំនេរត្រូវបានបង្កើតឡើងនៅក្នុងជីវិតអ្នកដើម្បីឲ្យអ្វីមួយថ្មីលេចឡើងមក។»
៣) «ខណៈដែលការវិនិច្ឆ័យត្រូវបានបញ្ចប់ដោយឆ្លងកាត់ការទទួលស្គាល់នូវអ្វីៗទៅតាមសភាពពិតរបស់វា អ្នកត្រូវបានដោះលែងឲ្យមានសេរីភាពចេញពីការគិត។ អ្នកបានបង្កើតចន្លោះទំនេរសម្រាប់ក្ដីស្រឡាញ់ ភាពរីករាយ និងសន្តិសុខ។»
៤) «មានពេលខ្លះលែងចោលគឺជាទង្វើដែលមានអានុភាពខ្លាំងក្លាលើសហួសពីការពារឬអោបក្រសោបទៅទៀត។»
៥) «បើអ្នកអាចធ្វើឲ្យខាងក្នុងត្រូវបាន ខាងក្រៅនឹងកើតឡើងដោយរលូន។»
៦) «អ្នកស្វែងរកភាពសុខស្ងប់មិនមែនដោយការរៀបចំលំដាប់លំដោយឡើងវិញនូវស្ថានភាពនៅក្នុងជីវិតរបស់អ្នកឡើយ ប៉ុន្តែដោយការដឹងថាតើអ្នកជានរណានៅក្នុងជម្រៅដែលជ្រៅបំផុត។»
៧) «នៅពេលអ្នករអ៊ូរទាំ អ្នកធ្វើឲ្យខ្លួនឯងក្លាយជាជនរងគ្រោះ។ ចូរចាកចេញពីស្ថានភាពនោះ។ ផ្លាស់ប្ដូរស្ថានភាពឬទទួលស្គាល់វា។ ក្រៅពីនេះសុទ្ធតែជាភាពឆ្កួតល្ងង់ទាំងអស់។»
៨) «ទទួលស្គាល់នូវសេចក្ដីល្អដែលអ្នកមានរួចមកហើយនៅក្នុងជីវិតអ្នក គឺជាមូលដ្ឋាននៃរាល់ភាពសម្បូរមានបានទាំងឡាយ។»
៩) «មូលហេតុដ៏ចម្បងនៃការដែលមិនមានសេចក្ដីសុខគឺតែងតែមិនមែនជាស្ថានភាព ប៉ុន្តែគឺជាការគិតរបស់អ្នកចំពោះវា។»
១០) «ដើម្បីបញ្ចប់ភាពសោកសៅដែលបានជះឥទ្ធិពលដល់លក្ខខណ្ឌរបស់មនុស្សអស់រយៈកាលរាប់ពាន់ឆ្នាំមកហើយនេះ អ្នកត្រូវចាប់ផ្ដើមជាមួយខ្លួនឯងនិងទទួលខុសត្រូវទៅលើសភាពចិត្តខាងក្នុងរបស់អ្នកនៅគ្រប់ខណៈពេលទាំងអស់ ដែលមានន័យថាជាពេលឥឡូវនេះ។»
ដោយ៖ ស្រីពៅ
អត្ថបទទាក់ទង៖ សម្ដីចំនួន១០ឃ្លារបស់អ្នកនិពន្ធសៀវភៅលក់ដាច់ជាងគេបំផុត The Power of Now លោក Eckhart Tolle
