ខាងក្រោម​នេះ​គឺជា​គតិ​សម្រាប់​គិត​ចំនួន​ ១០​ឃ្លា ដែល​អាច​បង្រៀន​អ្នក​ឲ្យ​មាន​ភាព​ចាស់ទុំ​ជាង​មុន:

១) «ស្រឡាញ់​ហើយ​ទទួលស្គាល់​ធម្មជាតិ​របស់​អ្នក។ វា​គឺជា​ទី​កន្លែង​ដែល​ដំណើរ​ផ្សងព្រេង​បាន​ចាប់ផ្ដើម។» Osho

២) «មេរៀន​ដែល​មាន​តម្លៃ​បំផុត​នៅ​ក្នុង​ជីវិត​មិន​អាច​ត្រូវ​បាន​បង្រៀន​ឡើយ វា​ត្រូវតែ​ត្រូវ​បាន​ឆ្លងកាត់​តាមរយៈ​បទពិសោធន៍។» Liam Payne

៣) «រាល់​នាទី​ណា​ដែល​អ្នក​ចំណាយ​ពេល​ប្រាថ្នា​ថា​អ្នក​នឹង​មាន​ជីវិត​របស់​នរណា​ម្នាក់ គឺជា​នាទី​ដែល​អ្នក​កំពុង​ខ្ជះខ្ជាយ​ជីវិត​របស់​អ្នក​ហើយ។» អនាមិក

៤) «គ្រប់គ្នា​សុទ្ធតែ​ចង់​សម្រេច​នូវ​អ្វី​ដែល​ធំដុំ ដោយ​មិន​ដឹង​ថា​ជីវិត​ត្រូវ​បាន​បង្កើត​ដោយ​រឿងរ៉ាវ​តូចៗ​នោះ​ឡើយ។» Frank A. Clark

៥) «នៅពេល​វា​ឈឺចាប់ ចូរ​សង្កេត។ ជីវិត​កំពុងតែ​ព្យាយាម​បង្រៀន​អ្នក​អំពី​អ្វីមួយ​ហើយ។» Anita Krizzan

៦) «ជីវិត​ពិតជា​គួរឲ្យ​អស់​សំណើច​ណាស់។ វា​ត្រូវការ​ទុក្ខសោក​ដើម្បី​ដឹង​ពី​សេចក្ដីសុខ ភាព​អ៊ូអរ​ដើម្បី​ឲ្យ​តម្លៃ​ទៅលើ​ភាព​ស្ងប់ស្ងាត់ និង​អវត្តមាន​ដើម្បី​ឲ្យ​ភាព​សំខាន់​ទៅលើ​វត្តមាន។» អនាមិក

៧) «ខណៈពេល​ដែល​អ្នក​ទុកចិត្ត​លើ​ខ្លួនឯង អ្នក​នឹង​ដឹង​ថា​ត្រូវ​រស់នៅ​ដោយ​របៀបណា​ហើយ។» Johann Wolfgang von Goethe

៨) «អត្តា​និយាយ​ថា៖ «នៅ​ពេល​អ្វីៗ​កើតឡើង​ដោយ​រលូន ខ្ញុំ​នឹង​មាន​ភាព​ស្ងប់ចិត្ត។» វិញ្ញាណ​និយាយ​ថា៖ «ស្វែងរក​ភាព​ស្ងប់ចិត្ត​របស់​អ្នក ហើយ​បន្ទាប់​មក​អ្វីៗ​នឹង​កើតឡើង​ដោយ​រលូន។» » Marianne Williamson

៩) «អ្នក​នឹង​មិន​អាច​រីករាយ​បាន​ឡើយ​បើ​អ្នក​តែងតែ​ភ័យខ្លាច​ក្នុង​ការ​ប្រលែង​ចោល​នូវ​អ្វី​ដែល​ធ្វើឲ្យ​អ្នក​ស្រណុកចិត្ត​និង​អ្វី​ដែល​អ្នក​ធ្លាប់​សាំុ​ជាមួយ។ មាន​ពេល​ខ្លះ ទាំងនោះ​គឺជា​អ្វី​ដែល​ធ្វើឲ្យ​អ្នក​ឈឺចាប់។» អនាមិក

១០) «អារម្មណ៍​ដូចជា​ការ​ខកចិត្ត ការ​អៀនខ្មាស ការ​ទាស់ចិត្ត ការ​គុំកួន សេចក្ដី​ខឹង ការ​ច្រណែន និង​សេចក្ដី​ភ័យខ្លាច ជាជាង​គឺជា​រឿង​មិន​ល្អ តាមពិត​ទៅ​ពួកវា​គឺជា​ខណៈ​ពេល​យ៉ាង​ច្បាស់ក្រឡែត​ដែល​បង្រៀន​យើង​ថា​ត្រង់​ណា​ទៅ​ដែល​យើង​នៅ​ជាប់​គាំង​មិន​វិវត្ត​ទៅមុខ។» Pema Chodron

ដោយ៖ ស្រីពៅ

អត្ថបទទាក់ទង៖ សម្ដី​ចំនួន​៨​ឃ្លា ដែល​អាច​ធ្វើឲ្យ​អ្នក​យល់​ពី​ខ្លឹមសារ​នៃ​ជីវិតកាន់តែជ្រាលជ្រៅ