ទស្សន ១០ឃ្លា ដែលអាចឲ្យអ្នកយល់ពីខ្លួនឯងនិងជីវិតរបស់អ្នកបានកាន់តែស៊ីជម្រៅជាងមុន
ថ្ងៃនេះយើងបានដកស្រង់នូវទស្សនចំនួន ១០ឃ្លា ដែលអាចឲ្យអ្នកយល់ពីខ្លួនឯងនិងជីវិតរបស់អ្នកបានកាន់តែស៊ីជម្រៅជាងមុន:
១) «គ្មានអ្វីដែលងាយនឹងប្រេះស្រាំជាងទ្រឹស្ដីវិទ្យាសាស្ត្រដែលជាការប៉ុនប៉ងក្នុងពេលដ៏ខ្លីមួយក្នុងការបកស្រាយអំពីការពិតនិងមិនមែនជាការពិតជាអនន្តភាពនៅក្នុងខ្លួនវានោះឡើយ។» Carl Jung
២) «កុំរំពឹងទុកថាព្រឹត្តិការណ៍នឹងប្រែក្លាយទៅដូចជាអ្វីដែលអ្នកចង់បាន ចូរស្វាគមន៍ព្រឹត្តិការណ៍មិនថាវាកើតឡើងតាមរបៀបណាឡើយ។ នេះគឺជាផ្លូវឆ្ពោះទៅកាន់សន្តិភាព។» Epictetus
៣) «ពិភពលោកគឺជាទីកន្លែងដ៏អស្ចារ្យនិងវេទមន្តមួយដែលយើងកម្រខ្វល់នឹងរុករកវា ពីព្រោះតែយើងរវល់តែបង្កើនទ្រព្យនិងរក្សាអត្តារបស់ខ្លួនឯង។» អនាមិក
៤) «ជីវិតគឺលំបាក ប៉ុន្តែធៀបនឹងអ្វី ?» អនាមិក
៥) «អ្នកបង្កើតការពិតរបស់អ្នកដោយយោងទៅតាមជំនឿរបស់អ្នកនិងការរំពឹងទុករបស់អ្នក ដូច្នេះហើយអ្នកគួរតែត្រួតពិនិត្យមើលចំណុចទាំងនេះឲ្យបានហ្មត់ចត់។ បើអ្នកមិនចូលចិត្តផ្នែកណាមួយនៃជីវិតរបស់អ្នក ដូច្នេះចូរត្រួតពិនិត្យមើលការរំពឹងទុករបស់អ្នក។» Seth Jane Roberts
៦) «អ្នកស្ថិតនៅក្នុងអត្ថិភាពជារូបរាងកាយដើម្បីរៀនសូត្រនិងស្វែងយល់ថាថាមពលរបស់អ្នក ដែលបានបកប្រែទៅជាអារម្មណ៍ ការគិតនិងអព្ភន្តរញាណ បង្កើតនូវរាល់បទពិសោធន៍ទាំងឡាយ។ វាមិនមានករណីលើកលែងនោះឡើយ។» Seth Jane Roberts
៧) «អ្នករកឃើញសេចក្ដីសុខបានលុះត្រាតែអ្នករីករាយជាមួយខ្លួនឯង។» អនាមិក
៨) «គ្រប់យ៉ាងដែលយើងបានឮគ្រាន់តែជាមតិយោបល់ មិនមែនជាហេតុការណ៍ពិតឡើយ។ គ្រប់យ៉ាងដែលយើងបានឃើញគ្រាន់តែជាទស្សន មិនមែនជាការពិតឡើយ។» Marcus Aurelius
៩) «ជីវិតមិនមែនបង្កើតមកឲ្យមិនអាចទ្រាំទ្របានដោយកាលៈទេសៈនោះឡើយ ប៉ុន្តែទាល់តែដោយមិនមានអត្ថន័យខ្លឹមសារនិងគោលដៅ។» Viktor Frankl
១០) «នៅពេលដែលយើងមិនអាចផ្លាស់ប្ដូរស្ថានការណ៍បានតទៅទៀតហើយ យើងត្រូវបានជំរុញឲ្យផ្លាស់ប្ដូរខ្លួនឯង។» Viktor Frankl
ដោយ៖ ស្រីពៅ
អត្ថបទទាក់ទង៖ សម្ដីដកស្រង់ចំនួន១០ ដែលអាចជួយអ្នកដោះស្រាយបញ្ហាក្នុងជីវិតអ្នកបាន
