គតិបណ្ឌិតចំនួន ១០ឃ្លា ដែលអាចដាស់អ្នកឲ្យងាកមកផ្សារភ្ជាប់ជាមួយធម្មជាតិរបស់ខ្លួនឯងវិញ
ថ្ងៃនេះយើងបានដកស្រង់នូវគតិបណ្ឌិតចំនួន ១០ឃ្លា ដែលអាចដាស់អ្នកឲ្យងាកមកផ្សារភ្ជាប់ជាមួយធម្មជាតិរបស់ខ្លួនឯងវិញ៖
- «នៅពេលយើងបំផ្លាញអ្វីមួយដែលបានបង្កើតដោយមនុស្ស យើងហៅវាថាជាអំពើបំផ្លិចបំផ្លាញទ្រព្យសម្បត្តិសាធារណជនឬឯកជន។ ប៉ុន្តែនៅពេលយើងបំផ្លាញអ្វីមួយដែលបានបង្កើតដោយធម្មជាតិ យើងហៅវាថាជាការអភិវឌ្ឍ។» Ed Begley Jr
- «ផែនដីមិនមែនជាកម្មសិទ្ធិរបស់មនុស្សឡើយ មនុស្សទេដែលជាកម្មសិទ្ធិរបស់ផែនដី។ អ្វីៗទាំងអស់ត្រូវបានផ្សារភ្ជាប់ប្រៀបបានទៅនឹងឈាមដែលរួបរួមយើងទាំងអស់គ្នា។ មនុស្សមិនមែនវេញត្បាញសំណាញ់នៃជីវិតឡើយ ពួកគេគ្រាន់តែជាអំបោះមួយខ្សែនៅក្នុងនោះប៉ុណ្ណោះ។ អ្វីក៏ដោយដែលពួកគេបានធ្វើទៅលើសំណាញ់នោះ ក៏ដូចជាពួកគេបានធ្វើទៅលើខ្លួនឯងដែរ។» Chief Seattle
- «ធម្មជាតិពិតជាមានអំណាចក្នុងការព្យាបាលពិតមែន។ ដោយការដែលធ្វើឲ្យអ្នកបន្ថយល្បឿនជាងមុននិងអនុញ្ញាតឲ្យអ្នកចាប់អារម្មណ៍ទៅលើក្លិន សំឡេង និងអារម្មណ៍នៃធម្មជាតិ អ្នកប្រែក្លាយជាស្ថិតនៅក្នុងបច្ចុប្បន្ន មានសតិដឹង និងច្រើនតែមានអារម្មណ៍ស្ត្រេសតិចជាងមុន។ អ្នកប្រែក្លាយជាលែងរវល់ទៀតហើយ។» Lettie Stratton
- «បើអ្នកពិតជាស្រឡាញ់ធម្មជាតិ អ្នកនឹងរកឃើញភាពស្រស់ស្អាតគ្រប់ទីកន្លែង។» Vincent Van Gogh
- «នៅក្នុងធម្មជាតិ ពន្លឺបង្កើតពណ៌។ នៅក្នុងរូបភាព ពណ៌៌បង្កើតពន្លឺ។» Hans Hofmann
- «ធម្មជាតិមិនប្រញាប់ប្រញាល់ តែអ្វីៗសុទ្ធតែបានសម្រេចបាន។» ឡៅជឺ
- «ធម្មជាតិគឺជាការផ្សំផ្គុំចូលគ្នាដែលឥតមានដែនកំណត់និងជាការត្រឡប់សារឡើងវិញដដែលៗនៃច្បាប់ដែលមានតិចតួចបំផុត។» Ralph Waldo Emerson
- «ភ្នំគឺជាឆ្អឹងរបស់ខ្ញុំ ស្ទឹងគឺជាសរសៃឈាមរបស់ខ្ញុំ។ ព្រៃភ្នំគឺជាការគិតរបស់ខ្ញុំ ឯដួងតារាគឺជាក្ដីសុបិនរបស់ខ្ញុំ។ មហាសមុទ្រគឺជាបេះដូងរបស់ខ្ញុំ ចង្វាក់លោតរបស់វាគឺជាជីពចររបស់ខ្ញុំ។ សំឡេងរបស់ផែនដីសរសេរពីចម្រៀងនៃវិញ្ញាណរបស់ខ្ញុំ។» Wild Woman Sisterhood
- «វិធីដ៏ល្អបំផុតក្នុងការចាប់យកខណៈពេល គឺជាការផ្ចង់អារម្មណ៍យកចិត្តទុកដាក់។ នេះគឺជារបៀបដែលយើងហ្វឹកហាត់ការសមាធិ។» Jon Kabat-Zinn
- «ផែនដី មេឃ ឈើ វាលស្រែ បឹង ស្ទឹង ភ្នំ និងសមុទ្រ គឺជាគ្រូបង្រៀនដែលអស្ចារ្យក្រៃលែង ដែលបានបង្រៀនពួកយើងច្រើនលើសពីអ្វីដែលយើងបានរៀនពីសៀវភៅទៅទៀត។» John Lubbock
អត្ថបទទាក់ទង៖ គតិដ៏មានតម្លៃចំនួន១១ឃ្លា ដែលនិយាយពីទំនាក់ទំនងយ៉ាងស៊ីជម្រៅរវាងមនុស្សលោកនិងធម្មជាតិ
ដោយ៖ ស្រីពៅ
