មនុស្ស​ភាគច្រើន​ចាប់ផ្ដើម​មាន​អារម្មណ៍​ថា​ធុញទ្រាន់​នៅ​ល្ងាច​ថ្ងៃ​អាទិត្យ​ ដោយ​សារ​គេ​គិត​ថា​ស្អែក​ជា​ថ្ងៃច័ន្ទ​ដែល​ជា​ថ្ងៃ​ចាប់ផ្ដើម​ការងារ​។ តែ​មនុស្ស​ជោគជ័យ​មួយ​ចំនួន​ធំ​មិនបាន​គិត​ដូច​យើង​នោះ​ទេ គឺ​គេ​នឹង​ប្រើ​ល្ងាច​ថ្ងៃ​អាទិត្យ​នេះ​ឲ្យ​មាន​តម្លៃ​ និង ​មាន​ប្រយោជន៍​បំផុត៖

១) បែង​ចែក​ពេល​វេលា​ឲ្យ​បាន​សម​ល្មម​សម្រាប់​គ្រួសារ មិត្តភ័ក្ដិ និង​អ្នក​នៅ​ជុំវិញ​ខ្លួន៖ ពួកគេ​ដឹង​ថា​ ជា​ទូទៅ​គឺ​ពួកគេ​មិន​មាន​ពេល​គ្រប់​គ្រាន់​ទេ​គឺ​មាន​តែ​ពេល​ចុង​សប្ដាហ៍​នេះ​ឯង ទើប​ពួកគេ​ចូលចិត្ត​ចំណាយ​ពេល​វេលា​នេះ​ជាមួយ​មនុស្ស​ជា​ទី​ស្រលាញ់​របស់​ពួកគេ។

២) ​ចំណាយ​ពេល​លេង​អ្វី​សប្បាយ​ៗ៖ ពេល​ខ្លះ​យើង​មិន​ចាំបាច់​ចំណាយ​ពេល​រៀប​ចំ​សម្រាប់​ថ្ងៃច័ន្ទ​ច្រើន​ហួសហេតុ​ពេក​ទេ យ៉ាង​ណា​មិញ​យើង​គួរ​តែ​យក​ពេល​វេលា​ទាំង​នោះ​ទៅ​ធ្វើ​អ្វី​ដែល​ធ្វើឲ្យ​យើង​សប្បាយ​ចិត្ត​និង​មាន​អារម្មណ៍​ល្អ​ទៅ​វិញ​ទៅ​ទើប​ល្អ​។

៣)​ រៀបចំ​ការងារ​នៅ​ក្នុង​​​​សប្ដាហ៍​​ក្រោយ​៖​ ​ពូក​គេ​តែង​តែ​រៀប​ចំ​ការងារ​ណា​ដែល​ត្រូវ​ធ្វើ​ និង​ការងារ​ណា​ដែល​ត្រូវ​បំពេញ​ឲ្យ​ហើយ​ ដូចនេះ​ពួក​គេ​ងាយ​មាន​ភាព​ស្មុគស្មាញ​នោះ​ទេ។

៤) ​ហាត់ប្រាណ៖ ការ​ធ្វើ​ការ​ហាត់​ប្រាណ​ពិត​ជា​ធ្វើឲ្យ​យើង​មាន​អារម្មណ៍​ស្រស់ស្រាយ​និង​មាន​សុខភាព​ល្អ​ជានិច្ច ហើយ​ក៏​ធ្វើ​ឲ្យ​យើង​មាន​ការ​ត្រៀម​ខ្លួន​រួចរាល់​សម្រាប់​ថ្ងៃ​បន្ទាប់​ផង​ដែរ។

៥) ​អាន​សៀវភៅ៖ ពួកគេ​អាន​សៀវភៅ​រាល់ថ្ងៃ រីឯ​ការ​អាន​នៅ​ថ្ងៃអាទិត្យ​គ្រាន់តែ​ជា​ទម្លាប់​មួយ​សម្រាប់​ពួកគេ​តែ​ប៉ុណ្ណោះ។​​

​​​៦)​សម្រាក៖ ទោះ​បី​ជា​អ្នក​រវល់​យ៉ាង​ណា​ក៏​ដោយ​អ្នក​គួរ​តែ​ចំណាយ​ពេល​ដើម្បី​សម្រាក​ឲ្យ​បាន​ច្រើន​ ព្រោះ​បើ​សិន​ជា​អ្នក​ធ្វើការ​ច្រើន​ហួស​ពេក វា​ក៏​មាន​ផល​ប៉ះពាល់​ដល់​សុខភាព​របស់​អ្នក​ដែរ។

៧) គិត​វិជ្ជមាន៖ ​​ការ​គិត​វិជ្ជមាន​នឹង​ជួយ​អ្នក​ឲ្យ​មាន​ការ​ចាប់​ផ្ដើម​យ៉ាង​​ល្អ​សម្រាប់​​ថ្ងៃ​ខាងមុខ​​ទៀត​។

ប្រែ​សម្រួល៖ តូច ម៉ាយ៉ារស្មី

ប្រភព៖ www.businessinsider.com