គតិបណ្ឌិត ១០ឃ្លា ដែលអាចផ្ដល់ចម្លើយដល់សំណួរដែលអ្នកមាននៅក្នុងទីជម្រៅនៃបេះដូងរបស់អ្នក
ខាងក្រោមនេះគឺជាគតិបណ្ឌិតចំនួន ១០ឃ្លា ដែលអាចផ្ដល់ចម្លើយដល់សំណួរដែលអ្នកមាននៅក្នុងទីជម្រៅនៃបេះដូងរបស់អ្នក៖
- «កំហឹងគឺជារឿងមួយដែលកាន់តែប្រសើរដោយពន្យារពេលវា។» សុភាសិតអង់គ្លេស
- «សំណើចគឺជាឱសថដ៏ល្អបំផុត។» សុភាសិតអង់គ្លេស
- «ពណ៌ទាំង៥ពណ៌ធ្វើឲ្យភ្នែកខ្វាក់។ សំឡេងទាំង៥សំឡេងធ្វើឲ្យត្រចៀកថ្លង់។ រសជាតិទាំង៥រសជាតិធ្វើឲ្យអណ្ដាតស្ពឹក។ ការប្រណាំងប្រជែងនិងការបរបាញ់សត្វធ្វើឲ្យចិត្តឆ្កួត។ របស់មានតម្លៃធ្វើឲ្យមនុស្សម្នាក់ងាកចេញពីផ្លូវត្រូវ។» ឡៅជឺ
- «ឲ្យតែអ្នកស្វែងរកអ្វីមួយ អ្នកនឹងទទួលបានស្រមោលនៃការពិត មិនមែនការពិតខ្លួនវានោះឡើយ។» Shunryu Suzuki
- «ចាក់ទឹកក្នុងកែវរបស់អ្នកឲ្យពេញ ហើយវានឹងហៀរចេញមក។ សំលៀងកាំបិតរបស់អ្នកឲ្យជាប់ ហើយវានឹងលែងសូវមុតដូចមុន។ រត់ដេញតាមលុយនិងសុវត្ថិភាព ហើយបេះដូងរបស់អ្នកនឹងមិនអាចសម្រាកធូរស្បើយបានឡើយ។ ខ្វាយខ្វល់ពីការយល់ព្រមរបស់អ្នកដទៃ ហើយអ្នកនឹងក្លាយជាអ្នកទោសរបស់ពួកគេ។ ធ្វើការងាររបស់អ្នកហើយឈានជើងដកខ្លួនចេញ។ នេះគឺជាផ្លូវតែមួយនៃភាពស្ងប់សុខ។» ឡៅជឺ
- «ពិភពលោកនេះពោរពេញទៅដោយម្ជុលនិងបន្លា តែផ្កាឈូកនៅតែរីក។» Kobayashi issa
- «គ្មានអ្វីដែលងាយស្រួលជាងការរិះគន់ជាសាធារណៈទៅលើបុគ្គលដែលបានប្រព្រឹត្តិអំពើអាក្រក់នោះទេ។ ក៏គ្មានអ្វីដែលពិបាកជាងស្វែងយល់ពីគាត់នោះដែរ។» Fyodor Dostoyevsky
- «ការទទួលបានគឺជាការបោកបញ្ឆោត ការបាត់បង់ទើបជាការត្រាស់ដឹង។» Kodo Sawaki
- «បើអ្នកកាន់តែឲ្យតម្លៃទៅលើភាពសាមញ្ញ ការយល់ដឹងរបស់អ្នកនឹងកាន់តែស៊ីជម្រៅ។» Chogyam Trungpa
- «អ្នកមិនគួរមានការរំពឹងទុកអ្វីទៅលើអ្នកដទៃឡើយ។ គ្រាន់តែមានសន្ដានចិត្តល្អចំពោះពួកគេបានហើយ។» Chogyam Trungpa
ដោយ៖ ស្រីពៅ
