គតិបណ្ឌិត ១០ឃ្លា របស់ព្រះសង្ឃ Shunryu Suzuki ដែលនិយាយចាក់ធ្លុះពីការពិតដ៏ស៊ីជម្រៅនៃជីវិត
Shunryu Suzuki គឺជាព្រះសង្ឃមួយអង្គរបស់ Soto Zen ដែលជាសាលាប្រពៃណីដែលធំជាងគេបង្អស់ក្នុងចំណោមសាលាទាំង៣របស់Zenដែលជាព្រះពុទ្ធសាសនារបស់ជប៉ុន។ ព្រះអង្គជាគ្រូមួយរូបដែលបានជួយផ្សព្វផ្សាយព្រះពុទ្ធសាសនាបែប Zen ឲ្យបានល្បីល្បាញនៅក្នុងសហរដ្ឋអាមេរិក និងថែមទាំងត្រូវបានគេស្គាល់ជាបុគ្គលដែលបានបង្កើតវត្តព្រះពុទ្ធសាសនាដំបូងគេបង្អស់នៅក្រៅអាស៊ីផងដែរ។ ទ្រង់ក៏បានសរសេរសៀវភៅដែលក្រោយមកក្លាយជាសៀវភៅមួយនៅក្នុងចំណោមសៀវភៅដែលល្បីល្បាញបំផុតអំពីZenនិងព្រះពុទ្ធសាសនានៅលោកខាងលិច ដែលមានចំណងជើងថា Zen Mind, Beginner's Mind។ ខាងក្រោមនេះគឺជាគតិបណ្ឌិតចំនួន១០ឃ្លារបស់ព្រះអង្គ ដែលនិយាយចាក់ធ្លុះពីការពិតដ៏ស៊ីជម្រៅនៃជីវិត៖
- «ពីព្រោះតែយើងមិនអាចទទួលស្គាល់ភាពមិនឋិតថេរបាន ទើបយើងក៏រងទុក្ខ។» Shunryu Suzuki
- «នៅពេលអ្នកធ្វើអ្វីមួយ អ្នកត្រូវដុតខ្លួនឯងទាំងមូល ប្រៀបដូចជាភ្នក់ភ្លើងដែលមិនបន្សល់ស្លាកស្នាមរបស់ខ្លួនវា។» Shunryu Suzuki
- «នៅពេលអ្នកត្រូវបានបញ្ឆោតដោយអ្វីមួយ ការខូចខាតនឹងមិនធំដុំប៉ុន្មានឡើយ។ ប៉ុន្តែបើអ្នកត្រូវបានបញ្ឆោតដោយខ្លួនឯង វាអាចធ្ងន់ធ្ងរដល់ស្លាប់បាន។ មិនមានឱសថណាអាចព្យាបាលបានឡើយ។»
- «ទទួលស្គាល់ទស្សនមួយចំនួនអំពីការពិតដោយមិនបានឆ្លងកាត់បទពិសោធន៍ ប្រៀបបានទៅនឹងគំនូរនំខេកនៅលើក្រដាសដែលអ្នកមិនអាចញ៉ាំបាន។»
- «នៅពេលយើងមិនរំពឹងទុកអ្វីទាំងអស់ យើងអាចធ្វើជាខ្លួនឯងបាន។»
- «មានពេលខ្លះ ត្រឹមតែអង្គុយ វិញ្ញាណក៏អាចប្រមូលបញ្ញាបានដែរ។»
- «ពិភពលោកគឺជាវេទមន្តរបស់វា។»
- «ជីវិតប្រៀបបានទៅនឹងការដែលឈានជើងជាន់លើទូកដែលរៀបនឹងចាកចេញទៅកាន់សមុទ្រនិងលិចលង់។
- «ខណៈពេលដែលអ្នកមើលឃើញអ្វីមួយ អ្នកបានចាប់ផ្ដើមស្វែងរកការបកស្រាយដែលសមហេតុផលពីវាហើយ។ នៅពេលដែលអ្នកចាប់ផ្ដើមស្វែងរកការបកស្រាយដែលសមហេតុផលពីវាហើយ វាលែងជាអ្វីដែលអ្នកបានមើលឃើញទៀតហើយ។»
- «គោលដៅនៃការសិក្សាពីព្រះពុទ្ធសាសនាមិនមែនជាព្រះពុទ្ធសាសនានោះទេ តែជាការសិក្សាអំពីខ្លួនឯង។»
ដោយ៖ ស្រីពៅ
