គតិចំនួន ១០ឃ្លា ដែលអ្នកគួរអានដើម្បីបើកការគិតរបស់អ្នកចំពោះជីវិតឲ្យទូលំទូលាយជាងមុន
ខាងក្រោមនេះគឺជាគតិចំនួន ១០ឃ្លា ដែលអ្នកគួរអានដើម្បីបើកការគិតរបស់អ្នកចំពោះជីវិតឲ្យទូលំទូលាយជាងមុន:
១) «បើអ្នកស្រឡាញ់ផ្កា ចូរកុំបេះវា។ បើអ្នកបេះវាមក នោះវានឹងងាប់ហើយនឹងលែងក្លាយជាអ្វីដែលអ្នកស្រឡាញ់តទៅទៀត។ ដូច្នេះហើយ បើអ្នកស្រឡាញ់ផ្កា ចូរបណ្ដោយទៅតាមវាចុះ។ ក្ដីស្រឡាញ់មិនមែនជាការធ្វើជាកម្មសិទ្ធិ។ ក្ដីស្រឡាញ់គឺជាការឲ្យតម្លៃ។» Osho
២) «បានស្រឡាញ់ហើយបាត់បង់ប្រសើរជាងមិនធ្លាប់បានស្រឡាញ់ទាល់តែសោះ។» Augustine of Hippo
៣) «ជីវិតត្រឡប់សារឡើងវិញដោយមិនដឹងខ្លួន។ ទាល់តែអ្នកមានសតិដឹង ពុំនោះទេវានឹងត្រឡប់សារឡើងវិញដូចទៅនឹងកង់វិលដូច្នោះដែរ។» Osho
៤) «ស្វែងរកខ្លួនឯង ពុំនោះទេអ្នកនឹងត្រូវពឹងផ្អែកទៅលើទស្សនរបស់មនុស្សដែលមិនស្គាល់ទាំងខ្លួនឯងផង។» Osho
៥) «សេចក្ដីស្លាប់ប្រហែលជារឿងដ៏អស្ចារ្យបំផុតនៃរាល់ការប្រទានពរទាំងអស់របស់មនុស្ស។» សូក្រាត
៦) «នៅពេលអ្នកគេងសុបិន អ្នកមិនបានដឹងថាវាគឺជាសុបិននោះឡើយ។ អ្នកអាចនឹងបកស្រាយពីសុបិននៅក្នុងសុបិនរបស់អ្នក ហើយបន្ទាប់មកក៏ភ្ញាក់ឡើងដឹងថាគ្រប់យ៉ាងគ្រាន់តែជាសុបិនប៉ុណ្ណោះ។ ប្រហែលជាការភ្ញាក់ឡើងដ៏ធំអស្ចារ្យនឹងលាតត្រដាងថានេះក៏ជាសុបិនដែរ។» ជ័ងជឺ
៧) «នៅពេលខ្ញុំនិយាយពីការស្ដាប់បានល្អ ខ្ញុំមិនមែនគ្រាន់តែសំដៅទៅលើការដែលគ្រាន់តែស្ដាប់ឡើយ តែគឺជាការស្ដាប់ខ្លួនឯង។ នៅពេលខ្ញុំនិយាយពីចក្ខុវិស័យល្អ ខ្ញុំក៏មិនមែនគ្រាន់តែសំដៅទៅលើការដែលគ្រាន់តែមើលនោះដែរ តែគឺជាការសម្លឹងមើលខ្លួនឯង។» ជ័ងជឺ
៨) «ការបំភ័ន្តដ៏ធ្ងន់ធ្ងរបំផុតគឺជាការបំភ័ន្តខ្លួនឯង។» ផ្លាតូ
៩) «ទ្រព្យសម្បត្តិដ៏អស្ចារ្យបំផុតគឺជាការគ្រប់គ្រាន់ជាមួយនឹងការមានតិចតួច។» ផ្លាតូ
១០) «ភាពដែលមិនប្រាកដប្រជាគឺជាស្ថានភាពដែលមិនស្រួលចិត្តមួយ។ ប៉ុន្តែភាពប្រាកដប្រជាគឺជារឿងដ៏គួរឲ្យអស់សំណើចមួយ។» Voltaire
ដោយ៖ ស្រីពៅ
